Havaktingit

You are here

Nunaqaqaaqtunun AIDSnik aaniarutikqatunun Qauyimanikkut Havainiq 2019

Tissaipa 02, 2019

Kavamatkunnut Tuhaqtipkaidjut

Nunaqaqaaqtunun AIDSnik aaniarutikqatunun Qauyimanikkut Havainiq 2019 

Nunaqaqaaqhimuyut AIDSmik aaniarutiqaqtunun Qauyimanikkut Havainiq Ubluiqtirvia 1 –6, 2019.

Nunavummiut aghuuqhayauyut iqimittiaqlugu uvani ukiumi pidjutauyuq – “Nunallat Aalangutitiyut” – ilitariblugit aghut munaridjutait nunallaat ikayuutait uvalu ilihaqtitiblutik nunamingni aktilaangitigut, ikayuqhutik tunihinirmik kivgaqtuutinik aviktungniitigut aktilaangit, ilituqhaiblutiklu nunaqyuap aktilaangatigut. 

Tadja amigaitilaangit HIV/ AIDSlu aanniarutit ikitut Nunavunmi. Kihimi, nuliqinikkut hiamitiqtut aanniarutit ukuatut chlamydia, gonorrhea, unalu syphilis aanniarutit atuqtauyut, aghut aanniarutauvaktut inuuhirmun. Mamitiqtaunahuangitkumik, ilangnit nuliqinikkut hiamitiqtut aanniarutit inungnun nutaranilairutauvaktut. Ilangit qaritangmun huungiutauvaktut, uumanmunlu nakuungiutauvaktut huirutigiblugillu.

Nuliqiinaruvin, uuktuqtauyukhauyutin haffuminga syphilismik aallu nuliqinikkut hiamitiqtut aanniarutinik:

  • Naunaiyautiqaliruvin (imaatun ulurianaitunik kilaangnirnik uvaluuniin maqiliruvin uhungnin utungninluuniin);
  • nuliqitinatit aalamik nuliqiqatinikuvin;
  • tamaat pingahut tatqiqhiutit amigaitqiyaukpat attathirmin; uvalu, 
  • aturaluaqtilutit puunik.

Havagviat Aanniaqtailinikkut ikayurumainaqtut Nunavummiut uqaqatigilugit piqatigiyatik, aanniaqtailinikkut munaqtiuyut taaktilu, nutaqqaniklu mikhaagut nakuuyunik piqaqatigiingnirmik, nuliarnikkut, aannialaqinnaittunik nuliarnirnik, nuliarnikkut angiqhimanirmik, ukunanilu nuliarnikkut hiamitpaktuni aannialaqitjutinik nutqaqtirnikkut ihivriuqtaunikkullu. Ikayuutikhat paqinaqtut hamani www.irespectmyself.ca, iiktyuutikhatigut titiraqhimayut.

Angutit angnallu puungit uvalu nakuutit akiitut munaqhitkunin, ahinilu nayugaini nunallaat. Iliturittiaqrutikhat hamni www.irespectmyself.ca, hivayaqlugiluuniin nunangni munaqhitkut.  


### 
 
Tuhaqtidjutikhanun Uqaqvikhaq: 
Chris Puglia
Tuhaqtipkainirmut Ajuittiaqhimajuq
Munaqhiliqijitkut 
867-975-5762
cpuglia@gov.nu.ca