Havaktingit

You are here

Nunaqaqqaaqhimayuni AIDS-kut Qauyihimaninganik Havainiq 2018

Nuvaipa 30, 2018

Inungnun Tuhaqtitauyukhaq

Nunaqaqqaaqhimayuni AIDS-kut Qauyihimaninganik Havainiq 2018

Nunaqaqqaaqhimayuni AIDS-kut Qauyihimaninganik Havainiq unauyuq December 1min 5mun, 2018. Nunavunmiut, tatja nakuuqpiaqtuq ikayurnikkut mikhilaaqtirnikkut kanngunarniq HIV/AIDS-ni aallanilu nuliarnikkut hiamitpaktut aannialaqitjutiuvaktuni imaatut uqautiginikkut nutqaqtinniarhimanikkut! Ihivriuqhirnikkut ilihimayaarnik qanurittaakharni hapummiyaaqtaatit, piqatit(it), nunallaallu.

Tatja aktilaangit HIV-mi/AIDS-milu ikitpiaqtut Nunavunmi. Qaangilihaarhimayuni ukiuni tautungnarniqaqtuq nakuuyunik aallanguqtirnirnik inungnun ilitturiyauhimayut HIV-mik. Piqalirhuni nutaanik havauhiqtuutikhanik, inuit HIV-qaqtut tatja inuughaaliqtut.
Hapkuallu havauhiqtuitjuti mikhilaaqtiqtullu qayangnarnirnik hiamitirnikkut HIV-mik aallamun inungmun.

Pingahuuyut hulitjutikhat Nunavunmiut huliyaaqtait nutqaqtinnahuarnikkut hiamitirninganik HIV-mik aallaniklu nuliarnikkut hiamitpaktut aannialaqitjutinik (STIs):

  • 1) Uqautigilugu nuliarniq, HIV/AIDS, syphilis, aallallu STIs ikayurnikkut mikhilaaqtirnikkut ihuigiyauhimatjuti, kappiaginiq kanngunarniqlu.
  • 2) Atuqlugit puut. Puut kinitirutillu akiittut munarhitkunni aallanilu humiittuni nunallaani Nunavunmi.
  • 3) Ihiviuriuqhiqlugit HIV-mut, syphilis, aallanunlu STI-nun nuliaqatigitinnatit nutaamik piqatikharnun, ilvit piqatilluunniit (piqatigiyatilluunniit) nuliaqpakpat (nuliaqpakpata) aallamun (nun) inmigiinnaungittunik, piqaliruvillu naunaitkutinik (unaguhungniq, ulurianaittut kilat maqiniqlunniit uhukmin uttukminluunniit). Ihivriuqhiqtauvaklugit atuqhimagaluaruvit puunik.

Aanniaqtailinikkut Havakvik piqaqtuq aallakkiiknik aturutikhanik ikayurnikkut Nunavunmiut uqaqatiginikkut piqatimiknik, munarhitkunni havaktinik, nutaqqanunlu
mighaagut nakuuyunik piqatigiinirniki, nuliarnikkut, aannialaqinnaittunik nuliarnirnik, nuliarnikkut angiqhimanirmik, ukunanilu nuliarnikkut hiamitpaktuni aannialaqitjutinik nutqaqtirnikkut ihivriuqnikkullu.

Aallanik ilitturipkaitjutikhanik nuliarnikkut aanniaqtailinikkut ukunanilu HIV/AIDS, takuyaqtuqlugu munarhitkut unaluunniit www.irespectmyself.ca.

###

Tuhaumapkainikkut Uqaqatigivikhaq:

Sarah Paterson
Ikayuqtiuyuq/Atanguyamun Tuhaqtitiliqiyiitkuni
Aanniaqtailinirmut Havagvik
867-975-5762
spaterson@gov.nu.ca