You are here

Nunarjuami Ihumamun Aanniaqtailinirmun Ublua 2022

Aktuupa 07, 2022

Kavamatkunnin Tuhaqtitaudjutikhaq
Nunarjuami Ihumamun Aanniaqtailinirmun Ublua 2022

Aktuupa 10mi, 2022, Aanniaqtailinirmut Havagviat apirijait Nunavunmiun ilauqatigilugit inuit nunarjuami ilitaridjutaanun Nunarjuami Ihumamun Aanniaqtailinirmun Ublunganun.

Nunarjuami Ihumamun Aanniaqtailinirmun Ubluq itqaumadjutaujuq ihumami aanniarutit hulaqutijun tamaptiknun, humangitkaluarhuni humiutaupluta, pitquhiptingni, inuuhiptikniluunniit. Itqaumadjutaujuq munarijaami ilingnin aallaniklu. Inuit atuqtaaqtun ajurnarhidjutinik ihumamitigun qujaginnaq inuuhimingni. Akhuurnaqtuq ilitarijaami tamaita inuit aallakkiiktunik inuuhiqaqtun.

Ikajuqatigiikpaktugun piliurhutalu hakugitqijaujumik nunallaamik. Havaqatigiikhuta, tamapta havaktaaqtugu akhuuningani ikajurninganilu ihumami aanniaqtailinirnun ihuuhiriknirnullu.

Hunanik hulijaaqtatin:

  • Ilaranaillutin itqaumalutillu amigaittun inuit atuqtun ajurnaqtunik ilihimangitaptiknik.
  • Naalattiarlutin kinali uqarumakpat.
  • Ihumagittialutin ihumaliuriiqhimaittumiklu ikajuutiguptik.
  • Inikhaliurlutik talvani inuit irhiungittaanginni, ihumagittiaqtaujunik, tuhaajaujullu.
  • Akhuurlugin aallat ikajuqtaujumalutik ajurhaliraangamik itqaumalutiklu kangunaittuq ikajuqtaujumajaami.

Ilvit kinaluunniin ilihimajat ihariahuktuq ikajuqtighaminik, ihaaklutit ukpirijarnun ilanarnun, ilangnun, ilihaijimun, uqaujimun Inirnighamulluuniin. Nunavut Kavamanga tunihijut nunallaanun-pihimajunik, aviktungniitigut, hilataani aviktuqhimajup ihumamun aanniaqtailinirmun ipiralainirmunlu kivgaqtuutinik. Aallatqiit qanurinniit mamihaidjutit tunihijaaqtut ikajuutinik mamihaidjutighaniklu. Takulugu Nunavut Kavamanganin qaritaujakkuurutaa ukununga ihumamun aanniaqtailinirmun ipirailarnirnullu ikajuutikhanik nakuutqijaujun ilingnun.   

Ilitarinnaittumik ikajurutikhanik, hivajaqlugit:

  • Nunavut Kamatsiaqtut Ikajurutikkut Hivajauti tunijuq ilitarnaittukkut hiamitilaittukkullu hivajautikkut ikajurutinik 24ni ikaarnirni ublumi, saivanilu ubluni havainirni.
    • Hivajarlugu akiittuq 1-800-265-3333
    • Iqalungni, hivajarlugu 979-3333
  • Mamiharniq Uqaqatigiingnikkut Pinahuaruti (Healing by Talking Program) akiittukkut hivautikkut uqaudjutikkut ikajuruti tunijauhimajuq GN-kunnin Aanniaqtialinirmut Havagvianin.
  • Nutaqqanun Ikajuuti Hivajauti (Kids Help Phone) tuniqnuq ihumaliuriiqhimaittumik uqaudjutinik inulrammiinnun. Humaangittuq hunanik uqautigijumajarnik, naalangniaqtun. Una akiittuq, hiamitirnaittuq hivajarvikhaq atuinnarialik 24-ni ikaaqnini ubluani, 7-ni ubluni havainirmi.
    • Hivajarlugu akiittuq 1-800-668-6868
    • Titiraqlutit ‘TALK’ uumunnga 686868 (piittuq akikhaa aturninnganut, qaritaujakkut aturumi, app-mikmulluuniit ihariagijaungittun)
    • Piqpiaqtumik titiraqatigiluguluunniit uvani www.kidshelpphone.ca
  • Ahinungaqtitauplunik Iliharvingnun Ihuarhainirnun Aanniaqtailinirnun Ikajuutinun Pinahuaruti (Residential Schools Resolution Health Support Program) hailihmajuq pitquhikkut ilumi-mihingnaqtunilu ikajuutinik uqautiniklu tamainnun ahinungaqtitauplutik ilihariaqtuqpakhimajunun ilagijainnullu. Ikajuutit hailihimajun 8:30 ublaami 5mun ubluummaat; Hivulliunmin Tallimiunmun.
    • Hivayarlugit 1-866-509-1769 unaluunniit 1-800-464-8106

Ilihimaguvin kinamikli ajurhaqtumik, hivajarlugit Paliihimat, munarhitkunnungaulutilluuniin aanniarvingmulluuniin qilamik.

###

Tuhaqtidjutikhanun Uqarvikhaq:

Danarae Sommerville
Tuhaqtipkainirmut Ajuittiaqhimajuq
Munaqhiliqijitkut
867-975-5712
dsommerville1@gov.nu.ca