Havaktingit

You are here

Nunarjuami Munaqhitkut Ikajuqtiinun Ublua

Saptaipa 16, 2022

Inungnut Tuhaqtitaujuqhaq
Nunarjuami Munaqhitkut Ikajuqtiinun Ublua

Apitilirvia 16, 2022 naunaitkutigijaa una 60-nguqtuq tikiutigijaa Nunarjuami Munaqhitkut Ikayuqtiinun Ublua. Nunavunmi, una ublua quviahuutigijait nunallaani munaqhiliqijini ikajuqtit (CHRngit) nakuukpiaktumiklu ikajuutigivagainun munaqhiliqidjutinun avatingni aviktuqhimajumi.

Nunavutip nunallaani Munaqhitkunni Ikajuqtiit havaarijait aallatqiit havaktaujakhat unalu ilihaivlutik aanniartailinikkut, aanniaqtailinikkut kangiqhipkaivlutik, aanniarutinit aanniaqtailinikkut ihuaqtumun Inuit itquumagijainun inuuhittiarnikkut, taimaa timigijaq, ihuma, quviagijainun, mihingnautinullu atajunun.

Nunalaani Aanniaqtailinikkut ikajuqtit kangiqhipkaivaktut nakuujumik aanniarutigittailidjutikhanun atuqtakhani ilittuqhailugillu aallatqiinik pidjutauvaktunun ukunani pihimajunun:

  • Nirittiarnirmik.
  • Nuliarnikkut aanniaqtailiniq.
  • Maamaujunun nutaqqanullu aanniaqtailidjutikhanun.
  • Ihumami aanniaqtailiniq.
  • Qanirmi aanniaqtailiniq.
  • Avatiliqiyitkut aanniaqtailiniq.
  • Tipaakurnik higaarlungniklu ayungnautiqaqtunik Ikikliyumirutikharnik.
  • Angajaarnaqtunik atuqpaktunun iliuttuqhainiq.
  • Qajagidjutikhanun aanniqtailinirmulu pittailinirmun.
  • Aallat aanniaqtailinikkut ihumagijaujut nunallaani.

Nunallaani Munaqhit Ikajuqtiit ikajuqpiakpaktut Nunavunmiutanik piliuqhutik, atuliqpalliavlugit, munarivlugillu itquumajut pihimajut inungnun aanniaqtailidjutikhat havaktaujakhanik hanaqidjutikhaniklu. Ukuat havaktaujakhat atuqpagait Inuit inuudjuhiini aturniqaqtut uuktuqtittugit ilaujumavlutik Nunavunmiutanik inuujaanginni aanniaqtilivlutik inuuhirmingni.

Nunavut Kavamanga quviahuutigijait havakhimmaaqtait aviktuqhimajumi munaqhiliqijini ikajuqtiujunik. Pidjavuhi qujagilugit pigijavun nunallaani munaqhit ikajuqtiit tamainnut havakpiakpagainut talvunga qalagjuarniq COVID-19 nunarjuami aanniarutimun, pihimmaaqtaillu ikajuutikhatik munaqhiliqijinun aviktuqhimajumi.

###

Tuhaqtipkainikkut Uqarvigijakhat:

Danarae Sommerville
Tuhaqtipkainirmut Ajuittiaqhimajuq
Aanniaqtailinirmut Havagvia
867-975-5712
dsommerville1@gov.nu.ca