Havaktingit

You are here

Nunarjuami Tinguklirnikkun (Hepatitis) Ublunga 2020

Julai 24, 2020

Kavamatkunnin Tuhaqtitaujukhat

Nunarjuami Tinguklirnikkun (Hepatitis) Ublunga 2020

Nunarjuami Tinguklirnikkun (Hepatitis) Ublunga atuqtauvaktuq ukiuq tamaat umani Taaqhivaliavia 28 qauyidjutikhainnik haffuma hiamitiqtaaqtup aanniarutim. Umani ukiungani, nunaryuami uuktuutikhat nutqaqtidjutikhanut tinguklirnikkun (hepatitis) nanihinahuarlutik amigaitpiaktunik inungnik inuujunik haffuminga hiamitiqtaaqtumik aanniarunmik qauyimangiuttumik. Tamna COVID-19 qalagjuarniq aanniarutauyuq takupkaiyut anginiqarnianik havaqatigingnirmik ikiglinahuarlugit hiamitirninganik hiamititaaktut aanniarutit. Naunaittiarumaguvit talvuuna on Nunarjuami Tinguklirnikkun (Hepatitis) Ublunga, takulugu hamna https://www.catie.ca/en/whd

Tinguklirniq puvipkapaktaa tinguk imaalu ihuaqhiyaungitkumi, nakuungiqtiqhugillu nakuujun tingungnit cells. Naunaitkutait tinguklirnirmi naunaijualluittun kihimi ilaqaqtaaqtun:

  • Unaguhungnirmik.
  • Nirijumahuaqluirniq.
  • Quriiqtangurniq uvinikmi iijinilu.
  • Uviningmi aupadjangniq.
  • Ihuqhijumik qurni.
  • Fluutun-ittunik naunaitkutinik.

Ihivriuqhirniit tingukliurnirni pivaktuq aukkun ihivriuqhinirmi nunallaarni munaqhitkunni. Piqaqtuq aannialaqilaitkutikhamik pingittaami tinguqlirnikkun B-mik Nunavunmiullu akhuuqtaujun ihivriuqlugin kapijauhimavangnikkut qanurinninginni munaqhilu nunallaamingni ublumiutaupkaqlugillu tamaita kapijauhimadjtikhat.

Taapkuak tinguqlirnikkun B unalu C aallakkiingujuq aannialaqutik hiamitiqtauttaaqtuk aajjikkiiktukkut qanuriliurutikkun imaatun:

  • hapummidjutiqangittukkut qanikkun, itikkun, imaaluunniit uttukkun nuliarutini;
  • atuqatigiigutigiplugin aangajaalaqidjutikkut ingilrutit;
  • halummaqtauhimangittun kaujaliurutin timimiluunniit kappuutikkun ingilrutit;
  • aungmit aungmut aktuqtauhimayunut;
  • atauttimiuyunik igluqaqtunit;
  • irnilirnirmit.

Aallakkut qanuriliurutikkut nutqaqtittaaqtaa hiamitirniq tunguklirnirmik aallaniklu nuliarnikkut hiamitpaktun aannialaqutin (STIs) ilaqaqtun:

  • Aturnirnik puunik avuudjutingidjutikhanikluunniit. Puut, igliarmut puut ukuallu kinitirutillu akiittut munaqhitkunni aallanilu humiittuni nunallaani Nunavunmi.
  • Ihivriuqhiqattaqpaklutin STI-nun nuliaqtinnatin nutaami piqatimi(ni). Ihivriuqhiqpaklutin ilvin piqatin(titit) nuliaruffi aallamik iliffiungittumik. Ihivriuqtauvaklutin aturaluaqhimaguvin puunik.

Kangiqhittiarumaguvit, takulugu Munaqhitkut unaluunniit www.irespectmyself.ca/in.

###

Tuhaqtidjutikhanun Uqarvikhaq:

Chris Puglia
Atan'ngujaullaktuq Tuhaqtipkainikkut
Aanniaqtailinikkut Havagvia
867-975-5949
cpuglia@gov.nu.ca