You are here

Nunarjuarmi Hingailaitkutikkut Ublunga 2022

Saptaipa 26, 2022

Kavamatkunnin Tuhaqtitaujukhat

Nunarjuarmi Hingailaitkutikkut Ublunga 2022

Nunarjuami Hingailaitkutikkut Ublunga pivaktuq nunarjuarmi tamaat Saptaipa 26mi. Una ubluq pivikhaq qaujihimattiarutikhaq mighaagun aallatkiingnik hingailaitkutinik hailihimajunik ikajuutikkullu inungnik ihumatujunik qanuriliurutikhainnun mighaagun nuliarnikkut ingilrutikkullu aannialaqittailidjutainnun.

Piqaqtuq amigaittunik qanuriliurutikhanik hingailaitkutikkut, akhuurnaqtuqlu inuit pihimajukhat itquumajunik ilitturipkaidjutikhanik pijaamingni hingailaitkutinik nakuujunun inuuhirmingnun.

Ilvit aipallu ihumaliuruvin uttungnik, piqaqtuq qanuq ikikliyuumiriangani hingaiyanun. Ilangit atuqtauraanginnaqtun hingailaitkutikkut qanuriliurutit hamma:

  • Hilataani iluanilu puughat.
  • Una atia IUD (hingailaitkuti iluanungaqhimajuq igliarmun).
  • Kapuqtauniq (kapurhiqtauniq hingailaitkut havauhiqtuuti).
  • Hingailaitkutit havautit.
  • Mattuti uviningmi (havauhiqtuutijuq hingailaitkutinik uvinikkut).
  • Mikiliraq (havauhiqtuutijuq hingailaitkutinik iluani-uttup).

Akhuurnaqtuq itqaumaluni puughat taapkuatuat qanuriliurutit hingailaitkutit ikajuqtaaqtun ukunannga tamarnirnik hingailaitkutikkut ukunanilu nuliarnikkut hiamitpaktunin aannialaqutinik. Puughat pijaaqtun akiittumik nunallarni munarhitkunnin tamaani nunaptikni.

Amigaittun aallakkiit hingailaitkutit akittun Nunavunmiutanun Inuinnarnun munaridjutiqaqtun ataanin nalliutiqangittunun aanniaqtailinirmun ikajuutinik (NIHB). Uqautigijaami kitut nakuutqijaujukhanun ilingnun, takujaqtudjavatin munarhitkut havagvia. Aallanik ilitturipkaidjutikhanik mighaagu aallatkiini hingailaitkutinik, takulugu www.irespectmyself.ca.

###

Tuhaqtipkainikkut Uqarvigijaqhaq:

Danarae Sommerville
Tuhaqtipkainikkut Ajuittuq
Aanniaqtailinirmut Havagvia
867-975-5712
dsommerville1@gov.nu.ca