Havaktingit

You are here

Nunavut Kavamanga Kiudjutikhangit aanniarutirjuaq COVID-19

Maassi 13, 2020

Tahaqtaujukhaq

Nunavut Kavamanga Kiudjutikhangit aanniarutirjuaq COVID-19

IQALUIT, Nunavut (Qiqaijalirvia 13, 2020) – Dr. Michael Patterson, Nunavutim Atanilluaq Nunalaani Aanniaqtailinikkut Havaktia, naunaijaijuq aallanik pittailitikhanik imaalu Kavamanga Nunavutim (GN) had upalungaijautikhaliuqtut kiudjutikhanik aanniarutirjuaq COVID-19.

“Naunaiqhihimaittugaluaqtut aannialiqtunik taffuminga aanniarutirjuaq COVID-19 Nunavunmi, anginiqaqtuq tamainnik atuqtakhaliurutait qajangnaitkutikhainnik Nunavummiut,” uqaqtuq taakti Dr. Patterson. “Aallaniklu aannialiqtaillitikhanik atuqtakhaliuqtugut ublumi imaatullu tamakpiarmik kavamatkut atuqtakhaliurutait nallaumajut nunarjuani-tamainni uuktuutikhavut imaalu naunairniaqtun GN-kut hanaikhimajut iidjuhia aallanguqqan.”

Tuhaqtitaulraarnahi, Nunavummiut tingmiqungittait nunarjuanut imaalu tingmiqungittait iluanni Kanadami. Nunavunmi tingminahuat taimaaqtitauhimaittut hadja. Tamaita havaamikkut tingminahuaqtut GN-kunni havaktit taimaaqtitaujut, atuqtauliqtukhaq qilamik. Nunarjuami iliharvingnit-akiliqtauhimajut aullarvikhat taimaaqtitaujut.
GN-kunni inungnut hulipkaidjutikhat taimaaqtitaujut. Nunavummiut inugiakpiaktunut katimajunungauhuirlutit imaalu nunallaani milviliaqtailinahuarlutik kihiani aullarahuarumik. Nunavummiut pullaaqtailinahuadjavut.

Havagviat Aanniaqtailinirmut piqaqtut hivitujumut avikturnianni atuqtakhamingnik upalungaijautiliuqhimajut. Munaqhiqarviit tamainni nunallaani atuqtakhanik piqaqtun imaalu hanaiqhimajut ikajuriamingni. Amigagjuumijait haluummaqtirutikhanut atuiqtaujukhat GN-kut havagviinni tingmitiqarvingnillu. Iliharviit tamainni avikturniinni uqaudjaujut ihuatqijamik haluummaqtirutikhainnik aturiaqaqtunik, uaqattautikhanik imaalu halummaqtirutikhanik atuqtuqtauqattaqtunik qanginnik atulirnikhanik aktuutittailinirmut aturiaqaqtunik.

Nunavunmi Qilamiurnaqtukkut Munaqhijukhat Katimajiit ilaujut ukuat angijukhiq Aanniaqtailinirmut havaktit, kivgaqtuijut tamainni avikturniinnit Nunavunmit, aukuallu Nunavunmi Qilamiurnaqtukkut Munaqhijukhat, munarivagait qanurinniinik tamaita avikturniinni munaqhiqarviit igluqpait imaalu munaqhivaktut Aanniaqtailirnirmut kiudjutikhainnik taffumunga aanniarutirjuaq COVID-19 iluanni avikturnianni.

Unaluttauq, GN-kut havagviit katimavaktun ubluq tamaat ihuaqharahuaqhugit upalungaiqhimadjutikhamingnik uuktuutikhat. Aanniaqtailinikkut havaganginnaqpaktut havaqatigiplugit havaqatigijatik tamainni ihuaqtunik kiudjutikhamingnik.

“Kangiqhimajunga hamna nalunavjaktuq, aullaranginaqtumik pidjutaujuq. Humangittuq ihumalurijami, kihimi hanaiqhimajugut qanuriliurutikhaptingnik. Nakuutqijaujut qanuriliurutikhat qaujimalugit imaalu aturlutgit pittailitikhatit: aanniaruvit, aihimalutit; naunaijarlugit aullarahuat tingmittailijaujut; naalaglugit uqaudjidjutait taaktit munaqhitkullu ajuittiaqhimajut. Ihuaqtumik ikajuutikhanginnik,” uqaqtuq Dr. Patterson.

Naunaiqhijumaguvit aannialiqtailitikharnik, takulugu una: https://www.gov.nu.ca/in/munarhiliqiyikkut/information/covid-19-novel-co...

Naunaiqhijumaguvit aullarutikhanik tingmitikkut imaalu pidjutiqaqtunik tuhaqtitaujukhanik takulugu una: https://travel.gc.ca/travelling/advisories

###

Tuhaqtidjutikhanun Uqarvikhaq:

Chris Puglia
Tuhaqtipkainirmut Ajuittiaqhimajuq
Aanniaqtailinikkut Havagvia
867-975-5762
cpuglia@gov.nu.ca