Havaktingit

You are here

Nunavut nutqaqtitijuq Aullaaqvigiyait Nunani hamani Churchillmi

Saptaipa 17, 2021

News Release

Nunavut nutqaqtitijuq Aullaaqvigiyait Nunani hamani Churchillmi

Nunavut (Apitilirvia 17, 2021) –Atanilluaq Nunallaani Aanniaqtailinikkut Havaktia, Daakti. Michael Patterson nutqaqtitait Nunavut Aullaaqvigiyait Nunani hamani Churchillmi, Manitobami atuliqluni qilamik.

“Aannialaqiyut qalagyuarnirmun COVID-19 amigailiqtut Manitobami pidjutigiblugit anginirhakkut aktungnirit aanniarunmun, tingminikkut qitqani Churchill Nunavunmilu umiktitauyut," uqaqtuq Daakti. Patterson. Tingmidjutighat angirutit titiraqhimayut qitqani Churchillmin Nunavunmilu atulimaiqtut. Kinaliqaak tadja Churcillmiituq tuniyauyughaq angirunmik uitiriamini Nunavunmun.”

Tamaita kapuqhiqhimayut tingmiyughat kitut aulaqtut Churchillmin Nunavunmun uvani kinguaniluuniin Apitilirvia 12 avaliingaaliqtughat qilamik 14nik ublunik utirutimingnun aviktuqhimayumun. Kapuqhiqhimayut tingmiyut kitut utiqhimayut Nunavunmun Churchillmin kinguani Apitilirvia 12 atimayughat ivyarutinik munarilugillu mihingnautitik 14ni ubluni.

Kapuqhiqhimayut ingmiyut tingmitiqatiqaqtut kapuqhiqhimangitunik uuktuqtughat utirutighamingnik Nunavunmun imaa qaritauyakuuqtitilutik angirunmik titiqqamik hamunga vaccineexemptions@gov.nu.ca. Nunavunmiutaungitut inuit tunihiyughallu itquumayumik kapuqhirutinik.

Kapuqhiqhimangitut tingmiyut hamaniitughat Kavamatkut Nunavunmi avaliingaaqtitauviini hivuraani Kanatap utiqtinatik Nunavunmun. Qaritauyakuuqtilugu avaliingaanirmun naunaiyautighakkut pirhuut titiraq hapkununga nuisolationreservation@nunavutcare.ca ihuaqhariangani nayugahat. Avaliingaarutit akiitut tapkununga tingminahuarnun Nunavunmun. Ukua GNkut munaqhingitut tingminikkut akiinik ilauyut aalanguqtirnirmun inungnun aanniaqtailinirmun maligahanun.

Kangiqhitiarumaguvin tingmidjutikkut angirutikkut titiqaniklu piyaangani hamungaulutin https://gov.nu.ca/health/information/travel-and-isolation

Kapuqtuiyut aulahimaaqtut piinarialgit avaittini aviktuqhimayup. Hivajaqlugin munarhitkut havagiangini upautidjutighatit hamungaulutinluuniin Iqalungni Inungnun Aanniaqtailinirmun ubluini havainirit kapuqhiriarni Modernamik (18+) unalu Pingattiut haffuminga Pfizermik (ukiuqaqtut 12min 17mun). Kapuqhirutit nakuutqiat aanniaqtailidjutighatit, ilangnun nunallaamunlu.

Kinaliqaak kitut mihingnautiqaliqtuq qalagyuarnirmun COVID-19 uqautauyuq hivayaqlugit ukua COVID hivayautaa 1-888-975-8601 qitqani 10 ublaami unalu 6 unuami. EST ihivriuqtauyaarni ilituripkarlugiluuniin nunallaani munaqhitkut qilamik. Munarhiliaqtailutin, qilamik avaliingaaliqlutit iglungni 14nik ubluni.

###

Tuhaqtipkainikkut Uqarvigijakhat:

Chris Puglia
Atan'ngujaullaktuq, Tuhaqtipkaijit
Munaqhiliqiiyitkut
867-975-5949
cpuglia@gov.nu.ca