Havaktingit

You are here

Nunavut nutqaqtitijuq Aullauvilluarvigijainnik Nunani hamani Nunatsiarmi NWT

Niqiliqivik 17, 2021

Tuhaqtidjutikhaq

Nunavut nutqaqtitijuq Aullauvilluarvigijainnik Nunani hamani Nunatsiarmi NWT

Iqaluit, Nunavut (Niqiliqivik 17, 2021) –Nunavutim Atanilluaq Nunallaani Aanniaqtailinikkut Havaktia Dr. Anne Huang, nutqaqtitijuq Nunavutim Aullauvilluarvigijainnik Nunani Nunatsiarmi (NWT), atuqtauliqtukhaq qilamik.

“Kinguagut qajangnarhivallangnianik Qalagjuarniq-19 Nunatsiarmi NWT, umirnialiqtaqqut nunaptingnit Aullauvilluarvigijainnik Nunani avikturnianni atuliqtukhamik ublumi,” uqaqtuq Dr. Huang. “Inullaat kapurhirhimaitkumik tamangnik kapuutikhangnik taffumanga Health Canada-angiqtauhimajumik Qalagjuarniq-19 kapuutit avaliingaqtukhaujut tikkuaqtauhimajumi itiqtirvingmi Yellowknife-mi 14ni ubluni hivuani utiutinatik nunamingnut Nunavunmi.”

Ukununga pidjutiqangittuq kitkunutliqaak ilaujut aadjikuutanik tikitsiqaqtunut hiniktaqtukhanut atauhirmi unnuami tingmijut talvunga Yellowknife-kut, kapurhirhimajut aullaqtukhat kapurhirhimaittunik nutaraqaqtut 12nik ukiuqaqtunik nukaqhiujunikluuniit, ihariagijaukpiaktut havaktikhat tunijauhimajut aullautikhanik titiqqamik, tunijauhimajut ilaijarnikkut angiqtauhimajut ilaulimaittut.

Uukturumaguvit ilaungidjutikharmik ahianit Nunavunmit avalingarvikhamik imaluuniit ihuaqhailutit avalingarvikhamik Yellowknife-mi talvungauilutit https://gov.nu.ca/health/information/travel-and-isolation naunaittiaqtakharnik qanuqtut uuktuutikharnik.

Malikhugit tadja nunangani aanniaqtailinikkut pitqujauhimajut, atauhiq inuk aullaqhimajuq igluqatigiiktunit avalingaaqtukhaujut, tamaitalu kapurhirhimaittut iglumiuqatait inuit aihimajukhaujut anijukhaungittut avalingaaqtukhaujut iglumingni. Inuit avalingaaqtukhat aihimajukhaujut 14ni ubluni, maliqajakhait tamaita avikturnirmi avalingaarvikhanik maliktakhat imaalu niqikhanik agjaqtitijukhat niuvvavingmit. Imaatutluuniit atauhiq avalingaarvingmingnit inungmik iglumiuqatimingnik niuvviriaqtuqtaaqtuq niqikhanik atauhiarlugu havainirmi agjaqtaulimaitpata.

Kinaliqaak ukpiruhukkumik qaniklinahugihimaplutik taffuminga Qalagjuarniq-19 hivajaktukhakhat COVID-hivajautaanut 1-888-975-8601 akkungangni 9 mit imaalu 5:30 mut, EDT imaaluuniit tuhaqtitlugit nunamingni munaqhitkut qilamiurlutik, imaalu qilaminnuaq avalingaaqtukhat aimavingmingni imaatut 14ni ubluni. Munarhiliaqtailutin upautitailutit. Naunaiqhittiarumaguvit haffumuuna Qalagjuarniq-19 Nunavunmi, talvungaulutit: www.gov.nu,ca

###

Tuhaqtipkainikkut Uqarvigijakhat:

Chris Puglia
Atan'ngujaullaktuq, Tuhaqtipkaijit
Munaqhiliqiiyitkut
867-975-5949
cpuglia@gov.nu.ca