Havaktingit

You are here

Nunavut nutqaqtitijut Aullauvilluarvigijainnik Nunani Nunatsiarmi

mii 03, 2021

Tuhaqtidjutikhaq

Nunavut nutqaqtitijut Aullauvilluarvigijainnik Nunani Nunatsiarmi

Iqaluit, Nunavut (Qiqaijarluarvia 3, 2021) –Nunavutim Atanilluaq Nunallaani Aanniaqtailinikkut Havakti Daakti. Michael Patterson has suspended Nunavutim Aullauvilluarvigijainnik Nunani Nunatsiarmi (NWT), atuqtauliqtukhaq qilamik.

“Maliklugit nutaat tuhaqtitaujut talvuuna COVID-19 qalagjuarnirmun iidjuhianik nunangani Yellowknife-mi, aullaqtirluni ublumi, umingnialiqtaqqut nunaptingnit Aullauvilluarvigijainnik Nunani Nunatsiarmut NWT,” uqaqtuq Dr. Patterson. “Kinaliqaak aullarnahuaqtuq Nunavunmut Nunatsiarmit NWT, ilaujut aanniaqtun aullaqtukhat, avalingaaqtukhaujut tikilvikhamingnut avaligaarvikhani najugaani Yellowknife-mi imaatut 14-ni ubluni utiutinnatik avikturnirmingnut. Ukununga pidjutiqangittuq kitkunutliqaak ilaujut aadjikuutanik tikitsiqaqtunut hiniktaqtukhanut atauhirmik unnuami tingmijut talvunga Yellowknife-mut, ihariagijaukpiaktut havaktikhat tunijauhimajut aullautikhanik titiqqamik, tunijauhimajut ilaijarnikkut angiqtauhimajut ilaulimaittut.”

Tamarmik aullaqtukhat aullarnahuaqtun Yellowknife-mit Nunavunmut uumani imaaluuniit kinguagut April 28 avalingaaqtukhaujut imaatut 14-ni ubluni utirvingmingnit nunamingnut.

Malikhugit tadja nunangani aanniaqtailinikkut pitqujauhimajut, atauhiq inuk aullaqhimajuq igluqatigiiktunit avalingaaqtukhaujut, tamaitalu iglumiuqatait inuit aihimajukhaujut anijukhaungittut. Una ilaujullu igluqatigiiktut taffuma ilaupkaktaungittunut ihariagijaukpiaktuq havakti imaaluuniit inuit ilaqaqtut inungmut aullaqhimahaaqtumut Iqalungnit imaaluuniit Nunatsiarmit NWT. Hapkuat avalingaaqtukhat aullajukhaujut iglumingni aihimavingmingni imaatut 14-ni ubluni imaalu niqikhamingnik agjaqtitijukhaujut imaaluuniit niuvvajaqturlutik atauhianginnarlugu havainirmi agjaqtikhaitkumik niqikhamingnik niuvvavingmit.

Tamaita ihariagijaungittut aullarutikhat, ilaujut aullarvikhat tingmitikkut imaalu nunakkut, pittailijaujut.

Kinaliqaak ukpiruhukkumik qaniklinahugihimaplutik taffuminga COVID-19 qalagjuarnirmik hivajaktukhat talvunga COVID-hivajautaanut 1-888-975-8601 akkungangni 10 mit imaalu 6 mut, EDT imaaluuniit tuhaqtitlugit nunamingni munaqhitkut qilamiurlutik, imaalu qilaminnuaq avalingaaqtukhat aimavingmingni imaatut 14ni ubluni. Upaguirlugin munarhitkut. Naunaiqhittiarumaguvit talvuuna COVID-19 qalagjuarniq

Nunavunmi, hamungaulutit: www.gov.nu.ca/health/information/covid-19-novel-coronavirus

###

Tuhaqtipkainikkut Uqaqatigiviqhaq:

Chris Puglia
Atanngujaullaktuq, Tuhaqtidjutinun
Havagviat Aanniaqtailinirmut
867-975-5949
cpuglia@gov.nu.ca