Nunavut quviahuutigijaat Iqittiaqhimalugu Inuuhiq Ublua unalu Nunarjuami Inminiiqtailinikkut Ublua

Inungnut Tuhaqtitaujuqhaq
Nunavut quviahuutigijaat Iqittiaqhimalugu Inuuhiq Ublua unalu Nunarjuami Inminiiqtailinikkut Ublua

Apitilirvia 10 ıqqittuaqlugu ınuuhiq Ublua/Nunarjuami Inminiiqtailinikkut Ublua; Nunavuniut katiqatigiiglutik ihuaqtunik ikajuutikhamingnik inmikkut munaqhidjutikhanut.

Uvani ukiungani pidjutigijaa una Niriurutikhaliurniq Aturlugin Havaktaujakhat, pidjutikhaq hakugiktuq havaktaujakhanun puiguktailidjullu ikajuutikhaq hailijuq inminiirumajumik ihumaguvin. Pidjutigijaptingnin, pittaaqtavun hivumuurutikhat nigiugijaujanun hakugikhilugulu pittailinikkut.

Munaqhiliqijitkut akhuuquijut Nunavummiut ilauhimaaquplugit aliahurlutik hulilukaaktitijuni ikajuutaujut ihumamun inuuhirittiarnikkutlu. Munaritiaqhugit ihumamun inuuhiqatiarutighat aghuungnaqtut tamaanun inuuhiqatiarnirmun munariblugit iqaijangnikkut inuuhiqqut. Inmi-munaritiarutit nakuujumiklu inuunahuarniq ihuaqhijuumirutijuq ihumamun inuuhiq. Anginiqaqtuq uqarvigihimaarlugit ilatin ilanatitlu, quviagilugu maniqqamiigiami, katimaqatauvaglutitlu ilitquhirmut hulilukaaqtitijuni tapkunani miqhurniq, angunahuarniq hunaliuqtitijuni, niriqatigiiktuni nakuujunik niqinik, apiqhilutitlu ikajuqtaujumaguvit.

Avaliingaangittutit. Ikajuqtikhat hailivaktun. Ilvit, kinaliqaaluuniin ilihiajat ihariahuktuq ikajuqtighamingnik, ihaaklutit ukpirijangnun ilanarnun, ilangnun, ilihaijinun, uqaudjinun Inirniqhamunluuniin, uqarlutin qanuqtun ittaaqhaangnun ihumagijarnun. Akiituq, hiamitiqtaulimaitut ihumamun aanniaqtailinirmun ipiralainirmun ikajuuqtut piinarialgit nunangni munaqhitkunin.

Kavamatkut Nunavunmi tunihijut nunallaanun-pihimajunik, aviktungniitigut, hilataani aviktuqhimajup ihumamun aanniaqtailinirmun ipiralainirmunlu kivgaqtuutinik. Piqaqtuq amigaitunik ikajuutikhanik tapkua ikajuutauniaqtuq mamitirnirmiklu. Ilvit kinaluuniin ilihimajat ajuqhaliqtuq, itqaumalutit avaliingittutin.

Hiamitiqtailinirmun ikajuutiqharnut, uqaqvigiinnaktaaqtatin:

Uqaudjuiniq

• Mamiharniq Uqaqatigiingnikkut Pinahuagutaa.
  • Tunihijut ungahiktukkut, hivitujumik-kikliqaqtut uqaudjinirmun kivgaqtuutit Inuinnarnun tamaani nunaptingni.
  • Pulaaqlugit nunangni Munaqhitkut naunaittiariami, qaritaujakkuuqlutinluunniit hamunga healing@gov.nu.ca hivajaqlugitluunniit akiittukkut uvani 1-888-648-0070 unaluuniin (867) 975-5367.
• Isaksimagit Inuusirmi Kataujjiqatigiit Iqittiaqhimalugu Inuuhit Katimajiit.
  • Hivajarlugu 1-866-804-2782.
  • Qaritaujakkuugutigilugit hamunga embracelife@inuusiq.com.
  • Pulaaqlugu qaritaujakkuugutaat www.inuusiq.com naunaittiariami ikajuutiqhanunlu.
• GN Havakti/Ilagiiqtunut Ikajuutiqhait Pinahuaguti.
  • 1-800-663-1142

Ikajuqtaunirmun Hivajautit Qaritaujakullu Uqaqatigiiqtut

• Nunavut Kamatsiaqtut Ikajuqtaunirmun Hivajautaa (hailihimajuq 24 ikaarniinni ubluq tamaat, saivat ubluni atauhirmun havainirmi).
  • Hivajaqlugit 867-979-3333 akiitukkutluunniit 1-800-265-3333.
• Ajuqhautiqarnirmun Kivraqtuqtiit Kanata.
  • Hivajaqlugit naqitautivigilugitlunniit 1-833-456-4566.
  • Qaritaujakkut uqaqatigiigutit uvani www.crisisservicescanada.ca.
• Youthspace.ca.
  • Hivayaqlugu 1-833-456-4566 - Naqitautikkut 778-783-0177.
  • Qaritaujakkut uqavigiinarialgit uvani www.youthspace.ca.
  • Qaritaujakkuuqlugit uqaudjaunirmun hailihimajuq hivajaqlugit akiittukkut uvani 1-866-478-8357.
• Nutaqqat Ikajurnikkut Hivajautaa.
  • Hivajaqlugu 1-800-668-6868.
  • Qaritaujakkut uqaqatigiigutit uvani kidshelpphone.ca
  • Hivajautikkut titiraqlugu ‘CONNECT’ hamunga 686868 titiraqatigijaami ajuirharhimajumun ikajuqtimun.

Ilihimaguvin kinamikluunniit ajurhaqtumik, hivajarlugit Paliihimat, munarhitkunnungaulutilluuniin aanniarvingmunluuniin qilamik.

###

Tuhaqtipkainikkut Uqaqvigijaqhaq:

Pierre Essoh
Tuhaqtipkainikkut Ajuittiaqhimajuq
Munaqhiliqiijitkut
867-975-5712
pessoh@gov.nu.ca