Havaktingit

You are here

Nunavut quviahuutigiyaat Nunaqyuami Iviangirnit Amaamaktittinirmut Havainiq

Aktuupa 01, 2019

Inungnun Tuhaqtitauyukhaq

Nunavut quviahuutigiyaat Nunaqyuami Iviangirnit Amaamaktittinirmut Havainiq

Nunavut quviahuutigiyaa Nunaqyuami Iviangirnit Amaamaktittinirmut Havainiq atulihaaliqqat havainiqmi Tattiarnaqhilirviani. Nunaqyuami Manarhiliqiyiqyuat (World Health Organization) unalu Nunavut Kavamanga Munarhiliqiyitkut pitquiyut tamaita mirraat iviangirnit amaamaktitiyauyukhat hivulliqni 6-ni tatqirhiutini.

Iviangirnit miluk:

  • nakuutqiyaq niriyakhani mirraanut nakuuyumik aanniartailidjutikhaat angiqliyuumiyaamingnilu;
  • ikayuutauyuq hiulliuqnaitumut, anirnikhaarutinut timimi aanniarutainut, puvaklirnirmut (pneumonia), itiktalaqinirmut unalu hinikhutik mirraat tukuvaktut aanniarhimaittumik; uvalu
  • akituvallaangittuq nakuuvlunilu.

Iviangirnit amaamaktittiniq ayuiqhaqtauhimayuq ayungnaqhivakhunilu ilaani. Tamapta pidjutikhaqaqtugut ikayuqluta iviangirnit amaamaktitivaktunut maamauyunut. Munaqhit, hingaiyunut ikayuqtit, nunallaanilu Kanatami Hingaiyunut Nirittiarutiliqiyinut Ikayuutikhat (Canada Prenatal Nutrition Programs -CPNPs) aallallu maamauyut ayuiqhimayut iviangirnit amaamaktittinirmut ikayuinnarialgit. Ilaqatigiit ikayuinnariaqaqtullu iviangirnit amaamaktitiyunut maamauyunut ikayuqlugit piyumayainut upalungaiyaklutikluunniit nakuuyunik niriyakhanik uumatut qayuq nattirnit.

Uumani ukiungani, Nunavunmi CPNP-nguyut quviahuutigiyaat Nunakyuami Iviangirnit Amaamaktittinirmut Havainiq hivuliqtiulutik uumunga Iviangirnit Amaamaktitinirmut Akuukhaarutaanut. Piumayugut amigaitunik amaamanik ivianikkut mamaktitiyunik atautimi atauhirmi nayugaangani. Tamaita nunallaat ilautquyauyut. Uqaqvigilugu nunallaangni CPNP naunaikhilutit kakugu nunallaat hulilukaarutiginiaqtaannut.

###

Tuhaqtipkainikkut Uqarvigijakhaq:

Alison Griffin
Manager of Communications
Munaqhiliqijitkut
867-975-5949
AGriffin@gov.nu.ca