Havaktingit

You are here

Nutaanik aannialiqtuqangittuq COVID-19 qalagjuarnirmik Nunavunmi

Nuvaipa 26, 2020

Tuhaqtidjutikhaq

Nutaanik aannialiqtuqangittuq COVID-19 qalagjuarnirmik Nunavunmi

Iqaluit, Nunavut (Hikutirvia 26, 2020) - Ublumi, Nunavunmi tuhaqtitijumajt nutaanik aannialiqtuqangittut COVID-19 qalagjuarnirmik. Taimaatut 150 aanniaqtut avikturnianni, imaatullu pingahut aallat aanniaqtugaluat iumagijaujut nakuuhijut attautimut tallimat nakatqiktut. Kinguliit nakuuhijut aanniaqtut Tikirarjuami Kangiqlinirmillu.

“Ublumi, takujugut amigaiktut inuit nakuuhijut, anginiqaqtuqit puiguqtailitquplugit Nunavummiut tapkuat inungnut aanniaqtailinikkut pittailijauhimajut atuqqujaujut tadja imaalu maliqatqujaujut inungnit tamainnit,” uqaqtuq Dr. Michael Patterson, Nunavunmi Atanilluaq Nunalaani Aanniaqtailinikkut Havakti. “Uqautijumajatkallu Nunavummiut tapkuat inuit naunaiqtaujut nakuuhijut tapkunanga inungnut aanniaqtailinikkut havaktiujunit, qajangnaiqtuq avalingarvingmingnit aniinarialaqijut imaalu hulilukaanginarialaqiplutik maliklugit tadja inungnut aanniaqtailinikkut pittailijaujunik."

Piqangittuq takunaqtunik nunallaami hiamitirninganik Kangiqlinirmi Tikirarjuamiluuniin. Tamarmik inuit aanniaqtut COVID-19 qalagjuarnirmik avalingaaqtut imaalu naamainnaqtut, nakuunginnaqtut mihingnautingit qigikhiurjuangittumik mihingnautingit. Aktuqtauhimajut aanniaqtumit qaujihaqtaujut tamainni aktuqtauhimajuni nunallaani aullahimmaarniaqtut huli imaalu inungnut aanniaqtainirmut havaktingit munaqhijut avalingaaqtitaujunik.

Talvanga Hikutirvia 26, 181 qaujihaqtauhimajut Kangiqlinirmi aanniarutiqangittut qaujihaidjutait. Arviani qaujihaqtaudjutait naunaiqtaujut 423 aanniarutiqangitut qaujihaidjutait. Qaujihaidjutait Tikirarjuarmi naunairutaujut 68 aanniarutiqangittut qaujihaidjutait. Munarijauhimmaaqtut Sanikiluarmi qanurinniariakhainnik.

Kinaliqaak inuk ihumagumi aktuqhimanirmun COVID-19 qalagjuarnirmik hivajaqujaujut ukununga COVID hivajautaanut 1-888-975-8601 akkungani 10 ublaami unalu 6 mun. EST-kut ubluqhiutagut, imaaluniit inmingni nunamingni munaqhitkut qilamik, aviilngaaktukhaklu iglumingni 14ni ubluni. Munaqhiliaqtailutin upautihuirlutillu.

Nutaanik naunaiqtakhanik atuqtakhaniklu talvuuna COVID-19 qalagjuarnitmun Nunavunmi, takulugu una: https://www.gov.nu.ca/health/information/covid-19-novel-coronavirus.

Nutaanik naunaitkutikhanik tadja inungnut aanniaqtailinikkut malqatqujaujunik, takulugu una: https://www.gov.nu.ca/health/information/nunavuts-path

Nutaat ilitturipkaidjutikhat tunijauniaqtun tuhaumapkaidjutimi 11 mungaqqan. EST, Tallimiut Hikutirvia 27.

###

Tuhaqtipkainikkut Uqarvikhat

Cate Macleod
Tuhaqtakhanut Titiraqti uumunga Hivuliqtimun Savikataaq
867-975-5059
cmacleod@gov.nu.ca

Chris Puglia
Atan'ngujaullaqtuq, Tuhaqtidjutinun
Havagviat Aanniaqtailinikkut
867-975-5949
cpuglia@gov.nu.ca