Havaktingit

You are here

Nutaaq ilitturijut aannialiqtumik Qalagjuarnirmik-19 Kangiqlinirmi

Saptaipa 09, 2021

Tuhaqtipkaidjutikhaq

Nutaaq ilitturijut aannialiqtumik Qalagjuarnirmik-19 Kangiqlinirmi

Kangiqliniq, Nunavut (Apitilirvia 8, 2021) – Dr. Rosann Seviour, Nunavunmi Himmautaullaktuq Atannilluaq Nunalaani Aanniaqtailinikkut Havakti, naunaiqhijuq nutaamik inungmik aanniarutiqaliqtumik Qalagjuarnirmik-19 Kangiqlinirmi.

“Tamna nutaaq aannialiqtuq naunaiqtaujuq Apitilirvia 8 Kangiqlinirmik avaliingarliqturlu tadja,” uqaqtuq Dr. Seviour. “Tamna inuk tikittuq nunaganut Apitilirvia 7 fHivuranit Kanatami imaalu havagiaqtuqhimajuq Nunavunmi kapurhirhimajunut ilanuingidjunmik atuqhuni. Nutaaq aannialiqtuq ilaungittuq kingulirmut aanniaqtumut ilitturijauhimajumut Niqiliqivik 29mi.”

Naunaijaidjutikhainnik qaniklihimajainnik aanniaqtumut iniqtun imaalu qajangnarnia nunaqatigiinut qajangnaittutut ittuq. Aallanik aallangauqtiqhimajuqangittuq inungnut aanniaqtailinikkut maliktakhainnik tadja.

Tamna inuk Nunavunmiutaunginmat, aanniaqtuq kihitaujunaittuq Nunavunmi.

Havagviat Munaqhiliqijikkut uqaudjijut aktuqtauhiomajunaqhijut Qalagjuarnirmun-19 pidjutiqaqtunik taffumunga nutaamik aannialiqtumun uvani Canadian North flight 300 aullaqtun nunanganit Winnipegmit Apitilirvia 7 ubluqhitaa 9:35 a.m. imaalu tikittut Kangiqlinirmut 11:30 a.m. unalu Calm Air Flight 232 aullaqtun Kangiqlinirmit nunaanut Naujaat Qitiqquqtumi Apitilirvia 7. Tingmit mingittuq Naujaanut hilarlungmat ahiit utiqtuq Kangiqlinirmut.

Kapurhirhimaittut ukuallu atuhirmik Kapurhirhimajut inuit ikhiovajut ikhivautainni 3mit 9mut tingminmi Canadian North Flight 300 uvaniluuniit kingulirni ikhivautainni Calm Air Flight 232 hivajaqtukhat hivajautaanut 1-888-975-8601 akkungangni 10 a.m. unalu6 p.m. Qikiqtaani ubluqhiutaagut naunaiqhilutik ihivriuqhirvikhamingnik. Kapurhirhimajut inuit hivajainariaqaqtun ihivriuqhirvikhamingnik 72 ikaarniit naatpata kinguagut tingmivingmingnit. Inuit tamarmik tingmihimajut munarijukhaujut ingmingnik mihingnautiqaliriakhamingnik imaatut 14ni ubluni (Apitilirvia 21) imaalu kitkut mihingnautiqalirumik avaliingarliqtukhaujut qilamik hivajarlutiklu qalarjuarmirnut hivajautaa ihivriuqtaudjutikhamingnik.

Kinaliqaak atuliqtuq mihingnautinik Qalagjuarnirmun-19 uqaudjaujut hivajarlugu COVID-hivajautaa ihivriuqtaudjutikharnik ilitturipkarlugilluunniit nunallaamingni munarhitkut qilamik hivajautikkut. Munarhiliaqtailutin upautitailutit.

Kapuutit hailijut huli tamainni nunallaani Nunavunmi. Hivajarlugit munaqhitkut naunaiqhijarni kapurhirvikharnik imaaluuniit upautilutit talvunga Iqaluit Inungnut Aanniarvianut havainirmi ubluq tamaat kapuutimik Moderna (ukiuqaqtun18+) umanilu Pingattiunmi taffuminga Pfizer (ukiuqaqtun 12 talvunga 17). Kapurhirniq nakuukpiatqijaujuq aannialiqtailitikhat ilingnik, ilangniklu nunaqatingniklu.

###

Tuhaqtipkainikkut Uqarvigijakhat:

Chris Puglia
Atan'ngujaullaktuq Tuhaqtipkainikkut
Havagviat Aanniaqtailinirmut
867-975-5949
cpuglia@gov.nu.ca