Havaktingit

You are here

Pihimaliqtuq COVID-19 qalagjuarnirmik aallalaqidjutimik Mittimatalikmi

Nuvaipa 12, 2021

Tuhaqtitauyuqhaq

Pihimaliqtuq COVID-19 qalagjuarnirmik aallalaqidjutimik Mittimatalikmi

Iqaluit, Nunavut (Nuvaipa 12, 2021) – Dr. Michael Patterson, Nunavunmi Atanilluaq Nunallaani Aanniaqtailinikkut Havakti, tuhaqtitijuq pihimaliqtumik aannialaqijumik Qalagjuarniq-19 qalagjuarnirmik Mittimatalikmi.

“Inuk piqaliqtuq naunaitkutinik Nuvaipa 5mi, tadjainnarluk avaliingaqtiliqtuq ihivriuqhiqtauplunilu. Piqalirniq uuktuuti ilitturijaujuq ublumi,” uqaqtuq Dr. Patterson. “Qajariqpiaridjutikhanun, inungnut aanniaqtailinirmut kiklikhat amigaiqjuummirniaqtul nunallaami, huli akturhimanikkut naunaijarniit havaktauraanginnaqtillugin. Iliharviit nutaqqiqiviitlu tadja angmaumaniaqtun ilihaqhimmarianginni.”

Atuliqtukhat tadjainnaq:

  • Ivjarutit aturiaqaqtut tamainni inuqarniinni.
  • Hilami katimapkaijut kigliqaqtuq 25nun inungnun.
  • Igluqpaum iluani katimajukhat kigliqaqtuq tallimanun inungnun, aallaniklu igluqatigiiktunik ilaujunut.
  • Iluani inuit katimajunun, ilagijait, ulapqiviit, iqaijaiviit, taiguarviit, qun’ngiarviit ikittunun pijakhaujut taimaa 25nik imaaluuniin 25%mun avvaanun naamadjutaanun.
  • Angadjuviit kigliqaqtuq 50nun inungnun imaaluunniit 25%mun naamadjutaanun, nalliak ikitqijaukpan, atuqhimaittumik.
  • Haakirviit kikliqaqtun 25nik inungnun imaaluuniin 25%mik naamadjutaanun ukuallu 25-nik qun’ngiaqtunik.
  • Inungnun havagutit ikayuutikhangit taimaitunik piniqharvikhangit nuyaliqiyitlu umikhimajun. Aallat ihariagijaungittun havakviit angmaqtaaqtun.
  • Nirijaqturviit laisiqaqtullu imirviujut kikliqaqtuq agjainnarvikkut, amigaitqijaaangani 10nik inungnik utaqqijunik ahiqpaniillutiklu.
  • Katimalutik uqaudjinikkut katimadjutit kikliqaqtun 10nun inungnun.
  • Munarijauhimmaarviit unalu inirniqhaanun iglukpait piqaqtaaqtut atauhirmik pulaaqtumik atauhirmun talvaniittumun najuqtumik, ivjarutinik atimajukhat.
  • Min’nguirviit nutaqqanullu ulapqiviit hilami angmaktaaqtut, kihimi iglukpat umikhimaniaqtut.

Kinaliqaak qalagjuarnirmik COVID-19 mihingnautiqaliqtut uqaudjaujut hivajarlugu COVID-hivajautaa uvani 1-888-975-8601 talvanga 10min ublaami 6mun ubluummaat Qikiqtaani ubluqhiutaani (EST), ilitturipkarlugilluunniit nunallaamingni munarhitkut qilamik hivajautikkut. Munarhiliaqtailutin.

Qalagyuarnirmun COVID-19 kapuutait kapurhiqtauffaarnikkullu ikajuutikhat piinarialgit huli tamainun Nunavunmiunun ukiuqaqtunun 12min avatqumajullu. Hivajarlugit munarhitkut takujaujumaguvin. Iqaluit Inungnun Aanniaqtailinirmun upautijunun kapuqtuijut haffuminga Pfizermik (ukiuqaqtut 12min 17mun) uvani Pingattiut 9:30 ublaami. 11:30 ublaami. uvanilu 1:15 ubluqitqani. to 4:30 mun. Upautijunun Modernamik (18min avatqumajullu) kapuqtuijut Hivulirmi Tallimiunun 9:30 ublaamin 11:30mun uvanilu 1:15 ubluqitqani 4:30mun. 

Tamainun nutaanun kangiqhidjutinun qalagyuarnirmun COVID-19 Nunavunmi, hamungaulutit: https://www.gov.nu.ca/

###

Tuhaqtipkainikkut Uqarvigijakhat:

Chris Puglia                                                                                                                           
Atan’ngujaullaktuq Tuhaqtipkainikkut                                                                                    
Aanniaqtailinikkut Havagvia
867-975-5949
cpuglia@gov.nu.ca