Havaktingit

You are here

Pinghuat qalagjuarnirmun COVID-19 vkapuutikhaq pitqijaat tahapkununga hakuiqtihimajut aanniarutinin inungnun

Aktuupa 06, 2021

Kavamatkunnin Tuhaqtitaudjutikhaq

Pinghuat qalagjuarnirmun COVID-19 vkapuutikhaq pitqijaat tahapkununga hakuiqtihimajut aanniarutinin inungnun

Nunavut Kavamanga Munaqhiliqijitkut pidjutigivlugu qangannuaq maliqujainun ukunanga Nunarjuami Ihivriurnirmun Katimajiit Kapuutikhanun, pitqujuugaluit taimaa mikijumik angijumikluuniin hakuiqtihimajut aanniarutinin inuit kapuqhikuvlugit pingahuanik kapuutikhamun angiqtauhimajumun mRNA COVID-19 kapuutimun (Moderna unaluuniin Pfizer).

Pingahuat kapuutikhaq angiqtauniaqtuq takutqujaukpata pitqujaulutik taaktimin munaqhimilluuniin tuniniaqtaat qaangiutikpat 28-ni ubluni pigumikku tuglia kapuutikhamik mRNA-mun kapuutimik.

Una pitqujauhimajuq inungnun ukiuqaqtunun 12-nik qaangiutivlugulu piqaqtunun aanniarutinik:

  • Munarijaujut huli timimi nauhimajut naptujut kansaqaqtunulluuniin.
  • Pihimajut aallanin inungnin piinik timimun ilijauvlutik ikajuutikhat aanniarutainun auladjutikhainik havautiuqtut aanniarutimingnun ikajuutikhanik.
  • Pihimajut uuminga ikajuutikhaujumik (chimeric antigen receptor - CAR)-T-cell ikajuutinik unaluuniin aungmun ikajuutikhanik tunijauhimajun aallanin inungnin piinik (iluani malrungni ukiuni aallanin timimun tunijauhimajunik imaaluuniin aanniarutimingnun ikajuqtaujut).
  • Mikijumik angijumikluuniin timimun aanniaqtailinikkut ajuqhautiqaqtut nakuuhijaami (ukunatut, DiGeorge aanniarut, Wiskott-Aldrich aanniarut).
  • Qanurinning 3 aannirutiqarjuaqtulluuniinmunarijauhimangittumun HIV-min aanniarut tahapkuallu piqaqtut aanniarutimun timimun ajuqhautilgit nakuuhijaami aanniarut.
  • Huli ikajuqtaujut ukuninga aanniarutinun aallatqiinik ukuninga aanniarutimun timimun ajuqhautiqaqtut nakuuhijaami ikajuutikhat: anti-B cell ikajuutikhat ukuallu ikajuutikhat (monoclonal antibodies pidjutigijaanun CD19, CD20 unalu CD22), angijumik havautikhat havautaujut corticosteroids (naunaitkutigijaanun CIG-mik naunaitkutikhaq angijunun havautaujunun), ukununga alkylating agents, antimetabolites, unaluuniin tumor-necrosis factor (TNF) ikajuutikhat aallallu timimun ikajuutaujut naunaittut aannirutiqaqtunun ikajuutigivagainun.

Uqarvigilugit munaqhiliqijangnun havaktimun naluguvit ukuat havautit pidjutikhallu pihimakpata ilingnun.

Kinaliqaak piliqtuq naunaitkutinik Qalagjuarnikkut-19 unniutijaujuq hivajaquvlugit una qalagjuarnirmun COVID-hivajauti uvani 1-888-975-8601 talvannga 10min ublaami uvunga 6mun unnuliqqat ihuarhaijaami ihivriuqhiqtauvikhamik ilitturipkarlugilluunnit nunallaamingni munarhitkut tadjainnaq. Upautihuirlutin munarhitkunnun, tadjainnaqlu avaliingaaqtiqtirlutin aihimavingni 14nun ublunun.

Kapuutit hailijut huli tamainni nunallaani Nunavunmi. Hivajarlugit munaqhitkut naunaiqhijarni kapurhirvikharnik imaaluuniit upautilutit talvunga Iqaluit Inungnut Aanniarvianut havainirmi ubluq tamaat kapuutimik Moderna (ukiuqaqtun18+) umanilu Pingattiunmi taffuminga Pfizer (ukiuqaqtun 12 talvunga 17). Kapurhirniq nakuukpiatqijaujuq aannialiqtailitikhat ilingnik, ilangniklu nunaqatingniklu.

Tamainnun nutaanik naunaitkutinik talvuuna qalagjuarnirmun COVID-19 Nunavunmi, hamungaulutit: https://www.gov.nu.ca/

###

Tuhaqtipkainikkut Uqarvigijakhaq:

Danarae Sommerville
Tuhaqtipkainirmut Ajuittiaqhimajuq
Aanniaqtailinirmut Havagvia
867-975-5712
dsommerville1@gov.nu.ca