You are here

Qajagilutin ilingnik anirnikkut aanniarutinik

Nuvaipa 07, 2022

Kavamatkunnin Tuhaqtitaudjutikhaq
Qajagilutin ilingnik anirnikkut aanniarutinik

Munaqhiliqijitkut uqaudjiliqtain Nunavunmiut amigailiqtunun qajangnautinun anirnirmun aanniarutinik ukiumi tatqiqhiutini inuit iglumiitpallialirmata. Una ilagijaa aanniarutin ukunatun RSV, Qalagjuarniq COVID-19, aanniarun tiibiilu (TB).

Kapuutikhanun pinahuarutin Nunavunmi ikajuutauttaaqtun ikikhilaarlugu qajangnaqtunun anirnirmun aanniarutinun.

Atulihaaliqqan Hikutirvia 15, 2022, Nunavutip ukiungani Palivizumab kapuutinun pinahuarun RSV-mun pinialiqtain nutaqqanunakhut aanniaqtaaqtunun qajangnaqtumun aanniarutinik pidjutainun RSV-min.

Tamaita Nunavunmiut siksiujunik tatqiqhiutilik avatquhimaajaatlu kapukhigiaqaqtun tamangningnun aanniarun unalu Qalagjuarniq COVID-19 kappuutinik. Takujaujaami naunaiqhilutik qalangnirmun unalu Qalagjuarniq COVID-19 kapuutikhanun piinnarialgit nunallaami munaqhiliqivingni inungnulluuniin munaqhiliqiviinni. Nutaanguqtiqattaqhugin kapuutikhanun ikajuutaujun qajangnaqtumun aannialaqirjuangnirmun, aanniarviliarnikkut tuqunirmullu aanniarutinin.

Nunavunmiut qalaktuqhimmaaqtun pivlugu hivituniani pingahunik havainirni uqaudjaujun takujaujaami naunaiqhilutik munaqhiliqirvingmingnun ihivriuqtaujaami Tiibiimun. Munarijaujukhan nakuuhijaami Tiibiimin pittailivlutik aanniarjuariamingnun tuqunirmulluuniin aanniarutimin.

Nunavunmiut ikikhilaaqtaaqtain qajangnaqtumin hiamitirnikkut aanniarutimin aanniarlirnikkullu taimaa:

  • Inungnin ahiqpaniillutik.
  • Uaqattainnarlugit algaktit.
  • Kahagaqtaililugu akuliat.
  • Qalakhuklutit tagjurlutilluuniin aingnun.
  • Igillugin halumaittun kakkiiyautin iqqakuurvingmun qilamik.
  • Aihimalutin aannialiruvin.

Aallanik naunaitkutikhanik anirnirmun aanniarutinun, takulugu www.gov.nu.ca/in/munaqhiliqiyitkut.  

###

Tuhaqtidjutikhanun Uqarvikhaq:

Danarae Sommerville
Tuhaqtipkainirmut Ajuittiaqhimajuq
Munaqhiliqijitkut
867-975-5712
dsommerville1@gov.nu.ca