Havaktingit

You are here

Qalagjuarnirmun-19 aanniarutiqaqtumik milukaktauhimajunik imaijarvikhat kuvirarviani Kangiqlinirmi

Niqiliqivik 27, 2021

Tuhaqtidjutikhaq

Qalagjuarnirmun-19 aanniarutiqaqtumik milukaktauhimajunik imaijarvikhat kuvirarviani Kangiqlinirmi

Kangiqliniq, Nunavut (Niqiliqivik 27, 2021) – Nunavunmi Atanilluaq Inungnut Aanniaqtailinirmut Havagviat unniudjijut hivulliqpaamik aanniarutiqaqtumik Qalagjuarnirmun-19 milukaktauhimajunik imaijarvikhani naunaiqhijut Kangiqlinirmi.

“Tadja, naunaiqtauhimajuqangittuq aanniaqtunik taffuminga Qalagjuarnirmun-19 Kangiqlinirmi,” uqaqtuq Dr. Rosann Seviour, Nunavutim Himmautaullakhimajuq Atanilluaq Nunalaani Aanniaqtailinikkut Havakti. “Nahurijaungittut naunaiqhijut tukiqarunaqhijuq imaatut inuit aanniarutiqaqtut taffuminga Qalagjuarnirmun-19 nunamingniitut imaaluuniit aullaqhimahaaqtut talvuuna Kangiqlinirmi imaalu qaujimangittut aannialaqidjutiqariamingnik.”

Naunaijautingit naunaiqtauhimajut qaujihaqtaujukhanik katitiqtauhimajunik ubluinni Niqiliqivik 17, 18 unalu 19. Milukaktauhimajunik imaijarvianit qaujihaqtaujukhat aullaqtitauhimajut talvunga National Microbiology Lab Winnipegmut ihivriuqtaujukhat imaalu naunaiqtauhimajut iniqtauvaktun imaatut 10 ubluni uniqtaulutiklu. Havagviat Munaqhiliqijikkut munaqhiniaqtun qanuritaakhanik imaatutlu amigaijuumilugit ihivriuqtaukattarniaqtun kiudjutikhanut.

Ikajuutikhanik ikiglinahuarlugit hiamitiqtailitikhanut Qalagjuarnirmun-19 nunangani, Havagviat Munaqhiliqijikkut apirijait tamaita Kangiqlinirmi nunaqaqtut:

  • aihimatquplugit imaalu hivajaquplugit Qalagjuarnirmun-19 hivajautanut 1-888-975-8601 ihiaqhailutik ihivriuqtauvikhamingnik, aanniarumik;
  • atimalutiklu ivjarunmik tamainni inuqarnirmi upaktauvaktuni igluqpangni;
  • maliqattiarlugitlu tadja inungnut aanniaqtailinikkut maliktakhait iglumingni katimapkaijaraigumik, ikittunik pulaaqtiqarlutik imaatut iglumiuqatigiklu aallaniklu 15nik inungnik.

Tamarmik Nunavunmiutitqaumajukhat mihingnautiqaliruvit, ihivriuqtaujukhaujutit imaalu maliqalugit inungnut aanniaqtailinikkut uqaudjidjutait – aimalutit ivjarunmik, maiklugit inungnmit ungahiktilaaqarlutik imaalu uaqattarlugit algakkit.

Kapurhirniq nakuukpiatqijaujuq aannialiqtailitikhat ilingnik, ilangniklu nunaqatingniklu. Kapurhirniq qjangnaittuq ihuaqpaikturlu hailijutlu tamainut Nunavunmiunut ukiuqaqtunut 12nik angjukhiujunutlu. Hivajaqlugin munarhitkut takujaujumaguvin.

###

Tuhaqtipkainikkut Uqarvigijakhat:

Chris Puglia
Atan'ngujaullaktuq Tuhaqtipkainikkut
Havagviat Aanniaqtailinirmut
867-975-5949
cpuglia@gov.nu.ca