Havaktingit

You are here

Qulit nutaat aannialiqtut COVID-19 qalagjuarnirmik Nunavunmi

Nuvaipa 15, 2020

Tuhaqtidjutikhaq

Qulit nutaat aannialiqtut COVID-19 qalagjuarnirmik Nunavunmi

Iqaluit, Nunavut (Hikutirvia 15, 2020) - Ublumimit, Nunavunmi attautimut 18-nguqtut naunaiqtaujut aannialiqtut COVID-19 qalagjuarnirmik. Nainnguqtut nutaat aannialiqtut naunaiqtaujut Arviani, nunangani imaatut amigaiqtut naunaiqtaujut aannialiqtut 14-nguqtut. Atauhirmik aallamik aannialiqtumik naunaiqtaujuq Kangiqlinirmi, nunagani malrunguqtuuk aannialiqtuuk. Nutaaq Kangiqlinirmi aannialiqtuq naunaiqtaujuq pidjutiqaqtuq aannialiqtumut Arvianit.

“Pidjutigipligit amigaitilangiy aannialiqtut COVID-19 qalagjuarnirmik Arviani, kinaliqaak aullaqhimajuq Arvianit aullaqtuq nunaganit umani ubluanit Hikutirvia 2 apirijaujut qilamik avalingaaqtukhauliqtut imaatut 14-ni ubluni humiitkaluarlutik,” uqaqtuq Dr. Michael Patterson, Nunavunmi Michael Patterson, Atanilluaq Nunalaani Aanniaqtailinikkut Havakti. “Unaluttauq, aanniaqtailinahuarianginnik Inirnikhaat Arviani, pulaaqtiqaqtukhaungittut Inirnikhaat najugaani imaaut malrungni havainiingni. Ilaungittut umunga maliktakhamut angiqtaujariaqaqtut aanniaqtalinikkut taaktimit upalungaiqhimajumit.”

Tamarmik ukuat inuit avaliingaqtitauliqtut naamainaliqhutiklu. Amigaqhuutiqaqtumik Havaqatigiiktut Ikajuqtiujut nunanganiiliqtut tamainni pingahuni aktuqtaujuni nunallanginni, ikajuqtiqaqhutik avikturnianni inungnut aanniaqtailinikkut havaqatigiiktunit. Tadjamit, naunaiqhimaliqtuq nunangani hiamitilirnirmik Arvianni, kihimik talvaniungittumik Kaniqlinirmi Sanikiluarmillu. Nunangani hiamitilirniarunaqhijuq naunaittiaqhimaittunik turrangavianik naunaijautikhanginnik qanuqtut kinaliqaak qaniklihimajakhanik aanniaqtumut.

Qaniklihimajainnik aanniaqtumut Kangiqlinirmi, Sanikiluarmi hamanillu Arviani naunaiqtauhimmaaqtut imaalu iniutikhanit tikinnahuaqtakhatik naunaijautikhamingnik qaniklihimajunik aktuqtauhimajunikluuniit aanniaqtumut imaalu hiamitiqtailitikhanik aannialaqidjutimik.

Anginiqaqtuq Nunavunmiunut maliqattiarlugit pitqujauhimajunik inungnut aanniaqtailinikkut maliqatqujauhimajunik – ikiglihimalugit inungnungautaililutik, uaqattarlugit algakkit, inungnut ungahiktilaaqarnirmik pijuminaqqan, pulaaqtailuhi imaalu aihimalutit aanniangaliruvit. Qanuriliurutitit hulidjutitit aktuutauniaqtun tamainnun inungnut aanniaqtailidjutikhannun.

Kinaliqaak kitu ihumagumi aktuqhimanirmun COVID-19 qalagjuarnirmik hivajaqtukhat COVID hivajautaanut 1-888-975-8601 akkungani 10 ublaami. unalu 6 mun. EST-kut ubluqhiutagut, imaaluniit tuhaqtinniaqtait nunamingni munaqhitkut qilamik, ahiit qilamiurlutik avalingarvikhamingnik aimavingmingni imaatut 14-ni ubluni. Please do not go to the health centre in person.

Tamaita nutangutqijat naunaiqtakhat imaalu atuqtakhat talvuuna COVID-19 qalagjuarnikkut Nunavunmi takuinnariaqaqtatit qaritaujakkut uvani: https://www.gov.nu.ca/in/munarhiliqiyikkut/information/covid-19-novel-coronavirus-qalalirjuarnikkut.

Nutaat ilitturipkaidjutikhat tunijauniaqtun tuhaumapkaidjutimi 11 mungaqqan Hivulliunmi, Hikutirvia 16mi.

###

Tuhaqtipkainikkut Uqarvikhat:

Cate Macleod
Tuhaqtakhanut Titiraqtiujuk uumunga Hivuliqtimun Savikataaq
867-975-5059
cmacleod@gov.nu.ca

Chris Puglia
Atan'ngujaullaqtuq, Tuhaqtidjutinun
Havagviat Aanniaqtailinikkut
867-975-5949
cpuglia@gov.nu.ca