Havaktingit

You are here

Tallimat nutaat aannialiqtut COVID-19 qalagjuarnirmik Nunavunmi

Nuvaipa 28, 2020

Tahqtipkaidjutikhat

Tallimat nutaat aannialiqtut COVID-19 qalagjuarnirmik Nunavunmi

Iqaluit, Nunavut (Hikutirvia 28, 2020) - Ublumi, Nunavunmi attautimut 131-nguqtut naunaiqtauhimajut aannialiqtut COVID-19 qalagjuarnirmik. Tallimat nutaat aannialiqtut naunaiqtaujut Arviani, nunangani imaatut amigaiqtut naunaiqtaujut aannialiqtut 106-nguqtut. Nunavunmi attautimut 33-nguqtut nakatqiqtut nakuuhijut aanniaqtugaluat qalagjuarnirmit.

"Ihuaqtumik aullajugut nutqaqtirnahuaqhugu hiamitirninga imaalu hiamitiqtailiplugu hamna aanniarut COVID-19 qalagjuarnirmik avikturnmi,” uqaqtuq Dr. Michael Patterson, Nunavutnmi Atanilluaq Nunalaani

Aanniaqtailinikkut Havakti. “Ubluq tamaat, inuk tamarmik ihumaliukpakkumik malingnahuaqhugit inungnut aanniaqtailinikkut maliqatqujauhimajut ihuaqutauniaqtut nakuuniaqtuq akhuuqujatka Nunavummiut uuktuqhimmaritti.”

Tamarmik inuit aanniaqtut COVID-19 qalagjuarnirmik avalingaaqtut imaalu naamainnaqtut, nakuunginnaqtut mihingnautingit qigikhiurjuangittumik mihingnautingit. Aktuqtauhimajut aanniaqtumit qaujihaqtaujut tamainni aktuqtauhimajuni nunallaani aullaranginnaqtuq imaalu inungnut aanniaqtaiinrmut havaktingit munaqhijut avalingaaqtitaujunik.

Talvanga Hikutirvia 27, 196 qaujihaqtauhimajut Kangiqlinirmi aanniarutiqangittut qaujihaidjutait. Arviani qaujihaqtaudjutait naunaiqtaujut 481 aanniarutiqangitut qaujihaidjutait. Qaujihaidjutait Tikirarjuarmi naunairutaujut 89 aanniarutiqangittut qaujihaidjutait. Munarijauhimmaaqtut Sanikiluarmi qanurinniariakhainnik.

Kinaliqaak inuk ihumagumi aktuqhimahugigumi aanniaqtumit COVID-19 qalagjuarnirmik hivajaqujaujut ukununga COVID hivajautaanut 1-888-975-8601 akkungani 10 ublaami unalu 6 mun. EST-kut ubluqhiutagut, imaaluniit inmingni nunamingni munaqhitkut qilamik, aviilngaaktukhaklu iglumingni 14ni ubluni. Munaqhiliaqtailutin upautihuirlutillu.

Nutaanik naunaiqtakhanik atuqtakhaniklu talvuuna COVID-19 qalagjuarnitmun Nunavunmi, takulugu una: https://www.gov.nu.ca/health/information/covid-19-novel-coronavirus.

Nutaanik naunaitkutikhanik tadja inungnut aanniaqtailinikkut maliqatqujaujunik, takulugu una: https://www.gov.nu.ca/health/information/nunavuts-path

Nutaat ilitturipkaidjutikhat tunijauniaqtun tuhaumapkaidjutimi 11 mungaqqan. EST, Hivulliunmi,Hikutirvia 30.

###

Tuhaqtipkainikkut Uqarvikhat

Cate Macleod
Tuhaqtakhanut Titiraqti uumunga Hivuliqtimun Savikataaq
867-975-5059
cmacleod@gov.nu.ca

Chris Puglia
Atan'ngujaullaqtuq, Tuhaqtidjutinun
Havagviat Aanniaqtailinikkut
867-975-5949
cpuglia@gov.nu.ca