You are here

Trichinella-kut qayagitquyauyuq Sanikiluarmi

Saptaipa 23, 2022

Inungnut Tuhaqtitauyuqhaq

Trichinella-kut qayagitquyauyuq Sanikiluarmi

Munaqhiliqiiyitkut ilitturipkagumayait nunaqaqtut Sanikiluarmi aiviq an’nguyauhimayuq Apitilirvia 19, 2022 ihivriuqtauvianni piqaqtumik trichinella mik.

Nirihimaguvin uuhimaittunik aivirmik qan’ngannuaq, aqiaruqliuqvaqhutinlu, nukiitin ulurianaqhiplutik, itiktalaqiyutin, puvipkaqhutiklu iikkin, aumaallaktutin hakuiqhutinlu, aanniarutiqagungnarhiyutin trichinella-mik.

Munarhit ilitturipkarlugu nirihimaguvn uuhimaittunik aivirmik piqaruvin quyaginnaq tahapkuninga aannialaqidjutigiyauyunik.
Ihivriugungni aiviktat pittailidjutauniaqtuq trichinosis mik. Niritinnahi aivirmik aadlamin an’nguniaqtaannik, apiridjavutin ihivriuqtauyaaqhaanik. Qiqitipkagaluaqhugit tipaalaqhiiplugitluunniit niqait tuqulimaittut qupilguit trichinella, igagumikkiq kihianik tuqutittaaqtait. An’nguniaqtut ihivriuqpagait niqait pivaktut aanniaqtailiplugit nunagiyainnik. Quyaginnak piqaqtaaqtuq aivik trichinella mik. Talvuunainnak ihivriugupkit niqaa ilvit ihumaliuqtaaqtutin niqaa nakuuyaaqhainnik. Munaqhiliqiiyitkut pitquiyut quyagiumayaitlu taapkununga an’nguniaqtunut ihivriuquplugit aivinggit piqariaqhainnik trichinella mik. Apiqutiqaguvit ayuiryumigumaguvitluuniit talvuuna ihivriudjutikharnik aivingnik, hivayaqlugit Avatiliqiyitkut Aanniaqtailinikkut Havakti uvani 867-975-1163.

###

Tuhaqtipkainikkut Uqaqvigiyaqhaq:

Danarae Sommerville
Tuhaqtipkainirmun Ayuittiaqhimayuq
Munaqhiliqiiyitkut
867-975-5712
dsommerville1@gov.nu.ca