Havaktingit

You are here

Tupaakuqtuqviqhaittuq Ublua Nunaqyuaptingni

mii 31, 2021

Inungnut Tuhaqtitauyuqhaq

Tupaakuqtuqviqhaittuq Ublua Nunaqyuaptingni

May 31 mi Tupaakuqtuqviqhaittuq Ublua Nunaqyuaptingni taapkuatlu Havagviata Munaqhiliqiiyitkut pitquyait tamaita Nunavunmiut tupaakuqyuaqtailiplugit hivuniqhaliuquplugitlu tupaakuqtuyungnairiamingnik.

Aniqhaaqtariami tupaakunik higaarlurniklu qayangnaqtuq puvangnut. Higaagumi qayarnautiniaqtuq piqalinirmun QALAGYUARNIQ-19 mik mihingnautitlu in’ngattaqtaaqhutik. Higaaqtun higaaqatigiigumikkiq higaarluitluuniit ayurnaingniaqtuq aanniarut hiamitiqluni algamit qanirmut.

Puiguqtailiyaqhaq tamainnut, taapkualluanut higaayuktut, higaarluyuktut higaangguayuktutluunniit ihumagiyaqhait hapkua pitquidjutit:

  • Uaqattaqlugit algatit irmiunmut immarmunlu.
  • Aimaviitlu higaaqtailiviulutik.
  • Higaaqtailutik hanianut nutaqqait, taapkunanutlu amaaqtunut.
  • Higaaqtatit aadlanut higaaqtailivaklugit, higaarluit, paipat higaangguanggitlu.
  • Tiguhitailugit ikkakuit higaat higaarluitluunniit.
  • Kahaktailugit akuliat qanitlu algangnit.
  • Anirhaaqtailinahuarlugit puyungit pihimanahuaqtailugitlu puyuq puvangni taimaatut in’ngattaqyuummiktaagutiniarmat amingnaqtunik puvangni.
  • Qanittuuyaaqhimainnahuaqtailutin ilaqatingnut ilannatiriyarnutlu higaaqtillutin. Taimaatun ikayuutauniarmat pittailinahuarnirmun aniqhaaqtariami kimit higaaqtumin QALAGYUARNIRMITLU-19.

Ikayuutiqhaqaqtuq ilingnut ihumaguvit higaaguigumanirmun. Titiraqvigilugu qaritauyakkut uqaudjimun Tupaakutiqanggittuq Hamna Facebook makpirvianut, imaaluunniit hivayaqlugu 24 ni ikaangniitni Nunavutim Taimaagumayunut uvani 1-866-368-7848. Tamna ikayuutiqhaq ilikkuinnarmut pidjut akiitturlu. Uqaudjauyit ikayuqtaaqtut Inuktitukkuuqlutik, Qablunaatut, Inuinnaqtun, Uiviivitunlu.

Munaqhitkunnunggauttaaqtutinlu uqaqvigilugit avaliittutiklu munaqhi ilvitlu uqaqvigiyaulugit ikayuutiqhat ikayuutiqharnik higaagumaliguvit.

Quviahuutigiluta Tupaakuqtuqviqhaittuq Ublua Nunaqyuaptingni aqhuugutigilugu higaagungnaingnikkut.

###

Tuhaqtipkainikkut Uqaqvigiyaqhaq:

Danarae Sommerville
Tuhaqtipkainirmut Ayuittiarhimayuq
Munaqhiliqiiyitkut
867-975-5712
dsommerville1@gov.nu.ca