Havaktingit

You are here

Ubluqtuhirnirmut Aullaqtirvia Tipaakuqtuqtailinirmut Tatqiqhiut

Januali 13, 2020

Inungnut Tuhaqtidjutikhanut

Ubluqtuhirnirmut Aullaqtirvia Tipaakuqtuqtailinirmut Tatqiqhiut

Katimaqatigilugit Munaqhiliqiiyitkut ikayurlugin Tipaakuq Ikiliyuumiqlugu Tatqiqhiut! Ikikliyuumiriagani hulaqutinun taffuminga higaadjanit puyuanit angiyuq ilauyuq ikikliyumiriagani hivuuranaqtut piyauyut tipaakurmin.

Higaaqtunit puyua pihimayuq higaarmin hupluniq higaaqtumin. Puisingit puyurmiittut tapitpaktut igluup hanirait, ikhivaviitnut, natirni nirumiqutainik aanuratlu akunigaalungmik. Puyunnga aanniaqutiyuq halumailrutit hivuuranaqtut nuttaqqanun hingaiyut, Inirnikhaat tapkuatlu uumaliuryuaqtut puvakliqyuaqhimayutlu.

Hapumilugin nuttaqqatin nuatqatinlu nunalingni higaaruirvigilugin aimaviit, akhaluutin amautiitlu higaarniattun. Pilutit nain miitaanik itirvianin nunallaani igluqpainik havagviininluuniin higaaktinnatin. Nayuraani aanniarviit, munaqhiqarviit, nutaqqiqiviit, iliharviit ulapqiviitlu higaarviuvigiyauyukhaunggittut. Ihuaqtugaluaq kihimi. Maligaungmat.

Ilagiyaanganik Tipaakuqtuqtailinirmut Tatqiqhiut, Nunaryuami Higaangitluni Havainiq (NNSW) aulaniaqtun Ubluqtuhirnirmut Aullaqtirvia 19-min 25-mun, 2020.

Higaaruirniq nakuutqiaq aanniaqtailidjutinun. Uqaudjinikkut ikayuutikkut uvalu taimaarnikkut havautit angitqiyauyut nakuuyumik taimaariami tipaakuq aturnia. Uqaqatigilugit nunanngni munaqhitkut uvaluuniin hivayarlugin Nunavunmi Taimaagahuaqnikkut uvani 1-866-368-7848. Havautit ikayuutigiyauyut piumanirmik higaagulirnikkutlu imaa nipitirutiqaqtut, kuttut uvalu aniqhaarutit, piinagialgit akiitumik talvani nunanngni munaqhitkut uvaluuniin havautiliqiviit.

Takulugu Tipaakuuq Iniqhaqangituq Hamani Facebook-mi makpiqniini uvani tatqiqhiutmi naunaiyami hulinahuaqtun Tipaakuq ikiliyuumirniq hulidjutinik hulilukaarutiniklu piyut nunalingni. Ilitugittiagumaguvin mighaagun ikiliyuumiqlugu uvaluuniin taimnaaqlugu tipaakuq, pulaaqluguwww.nuquits.ca.

###

Tuhaqtidjutikhanun Uqaqvikhaq:

Chris Puglia
Tuhaqtipkainirmut Ajuittiaqhimajuq
Munaqhiliqijitkut
867-975-5762
cpuglia@gov.nu.ca