Havaktingit

You are here

Uuktuqlugu Kukukuulaqturiuqnirmik Akittaquti!

Iitjirurvia 01, 2018

Nunalaani Inungnun Tuhaqtitauyukhaq

 

Uuktuqlugu Kukukuulaqturiuqnirmik Akittaquti!

Uumani tatqiqhiutimi, ikayukkit ilihaqtut ilaulirlutit uumani Kukukuulaqturuiqnirmik Akittaqutimi! Niuqqaruiqnahuarlutik kukukuulanik tallimani upluni February-mi. Akittaqutigilugit ilannatit havaqatigiyatillu kukukuulaqtuiruiqatigilutit!

Ukiumi tamaat Nunavunmi iliharviit pipkaqtihimavaktaa Kukukuulaqturuiqnikkut Akittaquti ikayurhugit ilihaqtut ayuirianginni pitjutinikkut nakuuyunik nigiyakhanik niuqqatakhaniklu. Niuqaqtakhat kukukuulatut, juusiinnik, slush-siniklu taapkuninngalu unaguiqharutikhanik niuqqat sukalikyuat, angiklihaqtaaqtaillu pitjutikhanik puvallaqpiarutinik aukmilu sukaklungnirmik. Taimaalu, sukait aujutillu hapkunani niuqqarutini pitjutiuvaktut qupilrunik qaniptikni pilluarutikkut kigutini aujutainnik. Imainnaq ihariagiyauyuq niqigiguti nakuutqiyauyuqlu immiqihiuruti nutaqqanun inirninunlu.

Kukukuulaungittunik, pilutit:

  •  imainniarnik niuqqaraanginnaqpaklutit;
  •  niuqqaqpaklutit mikluknik hakugighiyaanginnik kigutit hauniillu; imaalu
  •  niuqqaqlutit 100 pusantinik juusiuqpiangyunik ilaani, imaatut nappaanik atauhiup qallutim atauhirmi uplumi.

Uuktuttiatjavut Kukukuulaqturiuqnirmik Akittaqutimi! Aallanik ilitturipkaitjutikhanik mighaagut nakuuyunik qanuriliurutikhanik, takuyaqtuqlugu Nunavut Kavamatkut Inuuhirittiarnikkut Inuuhighanik qaritauyakkuurutaa.

###

Tuhagaqtidjutikhanut Uqaqvikhaq:

Ron Wassink
Tuhaqtipkainirmut Ayuittiaqhimayuq
Havagviat Aanniaqtuliqiyitkut
(867) 975-5710
rwassink@gov.nu.ca