Havaktingit

You are here

Nanngarijaujuq George Hickes

Minista Kiinauyaliqiyitkut

Nan’ngarijaujuq George Hickes
Minista Kiinaujaliqijitkut

Niguaqtauhimajuq niguaqtilugit uvani Tattiarnaqhilirvia 28, 2013, kivgaqtuqtait Arviarmiut hivugaani uvani hitamaujumi Maligaliqivingmi Nunavunmi. Niruatqiqtaujuq 5th Tallimanut Maligaliurvianut Nunavuntim Tattiarnaqhilirvia 30, 2017. Immaktirvia 14, 2018, Mr. Hickes havaarilipharmijaa Ministaunirmini Kiinaujaliqijitkuni.

Tarium Hikutirvia 2015, taijauhimajuq Minista Munarijuq Nunavut Igluliqijirjuatkunnun unalu Minista munarijuq Qulliq Alrujaqtuqtunik Ikumadjuti. Immaktirvia 2016 Ministauliqhimajuq Munaqhiliqijitkuni umanillu Minista munarijuq Inminiiqtailinirmun.

Hivuagut niruaqtaunirminit, Mr. Hickes angayikhiuyuni havaaqaqpakhiayuq Kavamatkuni Nunavutim Pivalliayuliqiyikkut Ingilrayuliqiyitkullu Havagvia, Ilinniaqtuliqiyitkut uvanillu Qulliq Alrujaqtuqtunik Ikumadjutit. Mr. Hickes havaaqaqhimajuq Maligaliuqtip Ikajuqtia Minista Ilinniaqtuliqiyitkut.

Ayuiqhaqhimajuq havaaqaqpakhimajurlu kiinajaliqinirmik, atugakhat unalu kavamat hivuliqhiujut tamainut ihuaqtunik ikajuutikhainik niruaqtigiyani Iqalungni inungniklu Nunavunmi.  

Mr. Hickes inuuhimajuq Churchill-mi, Manitoba, ilihariaqhimalunillu talvani Red River College-mi Winnipeg-mi. Hivuagut nunatinnani Iqalungnut 2004-mi, Mr. Hickes havakpakhimajuq maniqarvingni havagviujuni nanminiqaqhimajurlu mikijumik hunaliurvingmik Thompson-mi, MB.

Mr. Hickes akiittumik ikayuqtiuvakhimjurlu qaptirijiupluni, ilauvakhunillu Kanadian Unataqtukharalaat inulraammillu hakiktuni ajuiqhaijiupluni.

George aappanillu, Signi, pingahunik nutaraqaqtuuk: Hope, Lily (Piungwasluq) unalu Sara (Putuguq). Mr. Hickes inmigut quviagijait annguniarniq, iqalukhiurniq golf-iqhunillu.