Havaktingit

You are here

Nanngariyauyuq Joe Savikataaq

Hivuliqti Nunavut

Nanngagiayuyuq Joe Savikataaq niguaqtauhimayuq niguaqtilugit uvani Tattiarnaqhilirvia 30, 2017, kivgaqtuqtait Arviarmiut hivugaani uvani talimayuni Maligaliqivikmi Nunavunmi. Mr. Savikataaq niruaqtauyuq ilauyukhauvluni talvani Ministat Katimayiit talvani Hikutirvia 17, 2017, katimatillugit Nunavunmi Hivuliqtit Katimayiit. Minista Savikataaq katimangmata uqariikhimayuq havagvingmut talvani Hikutirvia 21, 2017. Kivgaqtuqhini Tugliq Hivuliqti Nan’ngariyauyuq Ministariliktaat Pivalliayuliqiyitkut Ingilrayuliqiyitkunullu unalu Avatiliqiyitkut. Havaariliktaillu havaariyakhait Minista ukununga Nunavunmi Nanminiqaqtut Atukkirviit Kuapuliisitkut, Nunavunmi Pivalliadjutikhaliqinirmut Kuapaliisinun, Auladjutinut, Uyaraqhiurtinullu.

Mr. Savikataaq kinguani hitamayuni kivgaqtuqhimayuq hapkunani Maligaliuqvikmi Nunavunmi, atuqtilugu kitut kivgaqtuqtait Munistaubluni hapkununga Pivalliayuliqiyitkut Ingilrayuliqiyitkunullu unalu Avatiliqiyitkut, Minista hapkununga Kuapaliisinun, Auladjutinut uvalu Tugliq Ikhivautalik hapkunani Hudson Bay Aviktuqhimayuni Katimayini.

Mr. Savikataaq kinguani havakhimayuq Umayuligiritkuni Avatiliqiyitkuni, havakhimayuq avatqumayumik 30nik ukiunik. Mr.Savikataaq pihimayuq naunaitkutmik uvani havakviinit avatiliqiniqmun uvalu uumayuligiyit atanguyaubluni.

Mr. Savikataaq 20mnik ukiunik kivgaqtuqniqmik niguaqtauhimayuq ilauyuq hapkunani Arviat haamlat katimayiini.

Joe uvalu Susan nutagaqqaqtuk pingahunik: Jamie, Joe Jr. uvalu Wendy. Mr.Savikataaq inmigut piumayait ilauyut anguniaqniq, iqalukhiuqniq, mikiyunik tingmitinik tingmihiqinikkut, qayaqtuqniq uvalu aglugaqniq. Mr. Savikataaq aulahimaaqtumik akiitumik ikayuqtuq nunallaanun qiniqhiayinun uvalu annaudjiyitlu hulidjutaini.