Havaktingit

You are here

KANATA NUNAVUT-LU QUVIAHUUTIGIYAAT ANGMAKTIRUTIKYUANGA NUTAAMUT IGLULIK-MI HAAMLATKUT HAVAGVIA

Januali 20, 2014

Tuhaqtidjutikhaq

Tuhaqtitauhaktukhaq

KANATA NUNAVUT-LU QUVIAHUUTIGIYAAT ANGMAKTIRUTIKYUANGA NUTAAMUT IGLULIK-MI HAAMLATKUT HAVAGVIA

Pidjutikhaanut piyut quanaqpiaktut Kanataup kavamangani nunamilu paanariiktunut

Ubluqtuhinirmut Aullaqtirvia 20, 2014 – Iglulik, Nunavut

Iglulikmiutat quviahuktut ublumi angmaktirutiqyuanganut nutaamut haamlatkut havagvianut talvanu nunallaami ukiungani hulilukaarutaani "Hiqiniq Utiffaarutaanut" hulilukaarutaa.

Haamlatkut utuqqaq munarhiliqiviat nutaanguqtitauhimayuq tadjalu haamlatkut havaktiit ihuaqtumik havakvikhaniktut atauhiqmi iglukpami auladjutikhamingnut, unalu angiyuq katimayiit katimavikhaat iniktuhiyuq inungnut katimayunullu. Angivluni inungnut utaqqiviat, iglukpak atuqtauniaqtuklu hivunngani nunallaami katimavikhainut.

Kangikhidjutait

• Kanvamangit Kanata Nunavut-lu tunihiyut manikhanik ikayuutikhanik amigaitqiyaanut $4,283,800 ataani uumani Aviktuqhimanini-Aviktuqhimayuni Manikhaqarluaviat pitdjutikhaanut uumunga hanaqidjutikhamut.

• Aviktuqhimanini-Aviktuqhimayuni Manikhaqarluaviat ilanga uumunga 2007 Hananiq Kanatami Qanuriliurutikhaq piliuqhimayuq ikayuutikhamut aulapkaidjutikhalluanginnut pilluagakhanut tamainni aviktuqhimayuni.

• Nunavut Kavamangat naunaikhiyut tunihiniaqtamingnut tamaat

$182.68 million ataani uumani manikhani allanut hanaqidjutikhanut uumatut ittunut.

Uqaqhimayait

"Nutaaq haamlatkut havagviat hakugikhiyuuminiaqtuq nunallaami ilivlugit tamaita havagviit ataani atauhiqmi iglukpami, ihuaqtumik pidjutikhariyaallu Iglulikmiutat amihunut ukiunut hivunnganut. Kavamakput quviagiyaat manikhanik tunihivlutik angiyumut aulapkaidjutikhanut hanaqidjutikhanut, uumatut nutaaq Iglulikmi Haamlatkut Havagvia, pinahuaqhuta havaakhaliuqluta, ikayuutigivlugu pivalliadjutikhaq, hakugikhiyuumivlugit, maniliuqtut nunallaat Nunavunmi."

Nan’ngariyauyuq Leona Aglukkaq

Ministangat Avatiliqiyikkut,

Ministangat ukuat Canadian Northern Economic Development Agency,

Ministangat Ukiuqtaqtumi Katimayiit unalu Ilauyuq Kanataup Katimavikyuanga Nunavunmut

"Katittugit haamlatkut havakpagait atauhiqmut iglukpamut pipkakhugit Iglulikmiut qitqani pivikhaqaqlutik qiniqhiayaami nunallaami havaakhanut, ulapqipkaiyunut havaakhanullu inungnut. Inuillu katimakakhugit, ikayuutikhaq nunallaami inuuhittiarnikkut. Ikayuqtauvaktugut paanariikhimmaaqtunut akunngani kavamaptingni auladjutikhanut havaakhanut Nunavunmi."

Nan’ngariyauyuq Tom Sammurtok

Ministangat Nunalingni Kavamatkunillu Pivikhaqautikkut

Nunavut Kavamangat

- 30 –

Allat Qaritauyakkuurutikhat

Ilihaudjutigilugit ukuat Provincial-Territorial Base Fund.

Allanut naunaitkutikhanut kanataup kavamanganut manikhanut ikayuutikhat aulapkaidjutikhanut, takuyakturlugu Provinces-Territories Main Page.

Uqaqvigilugit Canada’s Economic Action Plan naunaitkutikhanut uumunga Kanataup Kavamangat pivagainut havaakhanut maniliurutikhanullu.

Uqaqvigivikhat: Marie-Josée Paquette

Tuhaqtidjutikhanut Titiraqti

Havagvia Ministangat Aulapkaidjutikhanut, Nunallaat Kavamaliqiyikkullu, Ministangallu Economic Development Agency of Canada ukununga Regions of Quebec

613-943-1838

Hillary Casey Tuhagakhanut Havakti Nunalingni Kavamatkunillu Pivikhaqautikkut Nunavut Kavamangat 867-975-5342 hcasey@gov.nu.ca

Infrastructure Canada 613-960-9251 or Toll-Free 1-877-250-7154 Qaritauyakkut: media@infc.gc.ca Twitter: @INFC_eng

Disponible en français