Piutinga Inuinnangnut Nunavunmilu Nanminiit

Nanminiqaruvit munariyaqaruviluniit Inuit Nunavumiluniit manikhaqhiurutauyumik qauyimayariaqaqtutit Kavamat Nunavumi upitpagiami pitquhiqmik. Qanurilijutaulaaqtuq ahiuniganik takhiniganikluniit kavamanit tuukhiunmik havaariyauyumayunik uuktuquijutiniklu.

Pijutauyuq pitquhiqmik, uqautauyuq una Nunavumi Nanminiqaqtunik Ikayuutit NNI-luniit,  pivagiagani ihumagiyauluaqniginik Inuit, Nunavumilu manikhaqhiurutauyuut uuktuqta kavamanit tuukhiutinik. Uumiga pivaktut pipkaivlutik ihuaquunmik ihuaqhaijunmik atuqhugu manikhaqhiurutip nanminiriyauniga, nunaqaqnigit, humiinigalu. Naunaitiariagani, akituniqhaq ihuaqhaut atuqtaulaaqtuq Inuit manikhaqhiurutaani uuktuqtuup GN-kuni tuukhiunmik ikayuutikhanik Nunavumi nunagiyauyumi taja atuinaqtainik aulaniriyamikni.

Inuit manikhaqhiurutaa ilagani NNI-mi pitquhiyuup manikhaqhiurut ihuaqtumik aulaniqaqtuq Nunavumi 51%-miklu inugiakniginik nanminiriyauyuq munariyauyuqluniit Inuinaqnit atiliuqatauhimayunik NTI-kuni Inuit nanminiriyainik atiliuqviani. Taimaatauq, Nunavumi manikhaqhiuruut maligiaqaqtuq Nunavut maligaanik 51%-guyariaqaqtulu amigainigit nanminiqaqtut munariyiyuluniit NUnavumiutanit amigainiqhat ikayuuhiat piyauvagiagani Nunavumiutanit. GN-kut munariinaqtut atiliuqvikmik agiqtauhimayunik Nunavumi maniliurutiknik.

Pivagiagani havaariyumayat ihuaqtumik hanaqiyauyaagani, uqatiariaqaqtutit manikhaqhiurutip qanuriniga havaariyumayaqni atiliuqvigiyalu nunauniqhauginariagani. Atiliuqnigit manikhaqhiurutit GN-kuni NTI-kunilu munariyauginaqtut qaritauyamikni qungiakhani pijutauvlunilu tamainit niuviqtunit ikayuqtuilaaqtunik Nunavumi hanaugat ikayuutilu pipkaqpagainik.

Ataliuriaqni Inuit manikhaqhiurutigiyainik, uqaqvigijavat NTI-kuni Pitquhiqnik Upalugaiyautiniklu Havakviuyuq:

Travis Cooper, Manikhaqhiurutinik Pivalianikut Pitquhiqmik Ilituqhaiyi
Hivayautaa:       (867) 975-4966
Kayumiktukut:  (867) 975-4910
Uqaqvigilugiluniit turaaqtaqviluagat uvani:

Nunavut Tungavik Timiuyuq
Titiraqaqvikmi Qiyuquut 638, Iqalukni, Nunavumi, X0A 0H0
888-646-0006 (akiitumik)
867-975-4900 (nunami hivayautaa)
867-975-4949 (nunami kayumiktukut)

Atiliuqtauyaaqni Nunavumi manikhaqhiurutini,
uqaqvigijavat GN-kuni NNI-mik Titiraqtiuyuq uvuuna ilaliutinikut:
http://www.nni.gov.nu.ca –mi.

Hivuniqhivaalirumaguvit, uqaqvigijavaptiguut:
Niuvaavaktut, Ihuaqhaiyit, Katraliqiyilu Ikayuqtinit
Havakviuyuq Nunagiyauyunut Kavamanilu Ikayuutinik
Titiraqaqvikmi Qiyuquut 1000, Inigiyauyuq 700
Iqalukni, Nunavumi
X0A 0H0
Hivayautaa: (867) 975-5450
Kayumiktukut: (867) 975-5427
Qaritauyakut: procurement@gov.nu.ca -mi