Havaktingit

You are here

Inulrammiuyut Kivgaktuiyikhanik Pinahuarut qiniqhiayut

Iipu 27, 2018

Inungnun Tuhaqtitauyukhaq

Inulrammiuyut Kivgaktuiyikhanik Pinahuarut qiniqhiayut

Piyumavit ilaulutit Inulrammiuyut Kivgaktuiyikhanut uvaniluuniin Iligiiktut Hivulliqti?

Nunavut Kavamanga Nunalingni Kavamatkunillu Pivikhaqautikkutlu, Ulapqiyuliqinirmut Hulilukaarutinunlu Havakviangit, tadja qiniqhiayut Inulrammiuyut Kivgaktuiyikhanik Iligiiktut Hivulliqtikhaniklu. Tikkuaqtauyut naunaiyattiakhunguyut ilauvakpa nunallaani, iliharvini, ulapqinirmut, ulapqipkainirmulli uvalu nakuyumik inuuhiringnaqtumik, iqaiyangnaqtumiklu.

Tamna Inulrammiuyut Kivgaktuiyikhanik Pinahuarut nakuqpiaqtuq ayiuriami hivulliqtikhanun, takublugit nutaat inuit uvalu pivaktut akhuurutauyumik ayuiqtakhait piniarlugu ilauyaanganik Nunavunmik ikayuinaqhutik uvani 2019 Kanatami Ukiuq Ulapqidjutikharnik Red Deer-ni, Alberta-mi!

Inulrammiuyut Kivgaktuiyikhanik nukakhiuyut hivulliqtiit nunalingni ukiuqaqtun

16-21. Iligiiktut Hivulliqtiit piqaqtun 25-nik ukiunik avatquhimayutluuniit munagiyaqaqtun munagilugin Inulrammiuyut Kivgaktuiyikhanik. Naunaikhiyumaguvit piyumaguvillu uuktuutikhamik titiqqamik, hivayagluta 1-888-765-5506 qaritauyakkutluuniin SRinfo@gov.nu.ca.

Umikvikhaa uukturvikhaq Tallimmiut, Qiqaiyaqluarvia 10, 2018.

###

Tuhagaqtidjutikhanut Uqaqvikhaq:

Kris Mullaly
Atugakhanut Naunaiyaiyi Tuhagakhaliriyi
Nunalingni Kavamatkunillu Pivikhaqautikkut
867-975-5342
kmullaly@gov.nu.ca