Havaktingit

You are here

Niuvaaniq uqhukhat akikhangit allanguqtiqhimayut

Aktuupa 31, 2018

Inungnun Tuhaqtitauyukhaq

Niuvaaniq uqhukhat akikhangit allanguqtiqhimayut

Havagviat Nunalingni Kavamatkunnilu Pivikhaqautikkut, Uqhuqyualiqiyut Havagviat (PPD), ilitugipkaiyumayut Nunavunmiutat ihuaqhaidjutikhangit niuvaaniq uqhukhat akikhangit taimaitunik uqhuluit, tingmitit uqhuluit, talvuuna auladjutitigun nunaqyuaptingnik uqhuqluit niuviqtaunginaqtun akikhaatigun.
Tamna akikhangit ihuaqhaidjutikhangit aulaniaqtun Hikutirvia 1, 2018mi ukuanik aulaniaqtunik:

  • akituryumirniaqtun taima $0.10sianik/liitamik atauhirmik unalu $0.05sianik/liitamik atauhirmik, taaksikhatigunlu, tingmitit uqhuqhangit tamaitalu uqhurhangitlu, tamaini Nunavunmi, ilaungituq Iqaluit;
  • akituryumirniaqtun taima $0.15sianik/liitamik, taaksikhatigunlu, tingmitit uqhuqhangit uvanilu uqhuqharnik iglungnun Iqalungni;
  • akituryumilimaitun gaasiluunun, hiugyuqtuutikharnik avgaasinunlu akikhaangat tamaini nunaptingni.

Uvani ukiumi, akikhangit kinirtangit tikiutihimaliqtuq anginirmik akikharnik talvanga 2014mi talvanga nunaryuangit maligaliqinikkut ayungnautiqaqpakhimayut Unaitit Staitsnik Iranmun, pigiaqaqtunik ayungnautiqaqhimayut talvani Venezuelami aulahimaaqtunik ayungnautiqaqtunik Qitqaniitun Kivataaniryuami akituqyumiqtitivakhimayuq kinirtangnik nunaqyuami tamaat.

Tamna allanguqtiryumiqhimayut akituryumirnikkut uqhuqluinik niuviqtauhimayut PPDkutni 2018mi; tapkuninga ikikhautikhat piqaqtunik, uqhuqluit tingmititlu uqhuqhangit, unalu hivunikharnirmun aulaliqtun akkun'ngani niuviqtaunginaqtun akikhangit Iqalungni uvani nunaptingni tamaat.

Nunavut aulahimaanginaqtuq taima akikitqianganik akiqaqtunik nunaqyuangit Kanatami niuvigianganik uqhuqluinik.

###

Tuhagaqtidjutikhanut Uqaqvikhaq:

Aramide (Lola) Owoaje
Atanguyaq, Atugakhangit Maligakhanullu
Nunalingni Kavamatkunnilu Pivikhaqautikkut
867-975-5354
aowoaje2@gov.nu.ca