You are here

Nunarjuami Avaaqhimanikkut Qaujimanirmik Havainiq

Saptaipa 26, 2022

Inungnut Tuhaqtitaujukhaq

Nunarjuami Avaaqhimanikkut Qaujimanirmik Havainiq

Apitilirvia 25-min Tattiarnaqhilirvia 1-mun una Avaaqhimanikkut Qaujimanirmik Havainiq. Una pihimajuq inuit kangiqhijaanginik, avaaqtailinirmun, munaridjutikhanullu avaaqhimajunun tunihilutik naunaitkutikhanik pijakhaniklu pitquilutik tamainni Kanatami.

Avaaqhimanikkut Qaujimanirmik Havainiq naunaiqhijumavlugit ikajuutikhainullu inuit inuuhimmaarianginik aannniarnaittumik, hulilukaakpaklutiklu inuuhirmingni. Ilaujunin, angajuqqaanin, ajuiqhaijinin ulapqijuni, ihuaqhaijinin, ilihaijinit aallanillu, tamapta pijakhaqaqtugun kangiqhipkailuta avaaqhimanikkut tamainni pidjutaini ulapqijuni Kanatami.

Qilamik ilitarijaami, nakuujunik aanniaqtailinirmun ihivriurutikhanun, ihuaqtunullu munaridjutikhanun, akhut aallan’nguqtirutiniaqtuq avaaqhimajunun mamiharianginik.

Ajurnaittut pidjutikhat pittaaqtatit ikajuutikhanun ilaujun:

  • Naunaiqhilutin hunanik pittaaqtarnik avaaqtailinikkut ulapqidjutigijarnun huliluykaarutingnulluuniin ilihimalutillu qanuriliuriami avaaqhimajuqaqqan.
  • Naunairlugin naunaitkutit aanniarutillu avaaqhimanirmun.
  • Naunaijarlugin naunaitkutit aanniarutillu pidjutiqaqqan akhut aanniqqata niaqurmun, akuliamun, qunguhirmun, timimulluuniin.
  • Pitqulugin inuit tamaita uqaqulugin qanurinmangaata aallamullu uqarlutin pinahugiguvigin avaaqhimajungnaqhijumik.
  • Maliklugin kajumiittumik pijakhat utiffaariami iliharvingmun, havagvingmun, hulilukaarutinullu avaaqhimahuiqqata.

Naunaitkutikhanun ikajuutikhanullu havagvingnun uumunga Avaaqhimanikkut Qaujimanirmik Havainiq Hulilukaarutinun, avaaqtailinirmulluuniin unalu avaaqpaknikkut munaridjutikhanun titiqqilugu SRinfo@gov.nu.ca.

###

Tuhaqtipkainikkut Uqarvigijakhaq:

Suleikha Duale
Tuhaqtipkainirmut Ajuittiaqhimajuq
Nunalingni Kavamatkunnilu Pivikhaqautikkut
867-975-5406
sdualel@gov.nu.ca