Hivunikhaq/Takujujmajavut/Hivunighaliurutivut

Hivunikhaq: 

Hivunikhaat Pitquhiliqiijitkut tammaqtailiplutik amigaikjuummigahuaqhugitlu atujuqtut pitquhiatigut, idjuhiata uqauhiitlu.  

Havagviata tikiutivaktut hivunikhaat atuquinnakhutik Inuit Ikpirijainnik talvuuna uuktuutaannut Inuit Qaujimajatuqanggitnut; atuqunahuaqhutik Inuinnait uqauhiatnik havagvikmi tamaanilu nunavunmi; atuqunahuaqtik pittaalaqijaangnirmun naunaitkutikhanut ikajuutikhainnutlu Nunavunmi atuqhutik ilitarijaujut uqauhiitni tamaani nunallaani; ikajukhugit maniliurnahuajuittut nunallaani ittuni inuit katimajiujutlu pidjutijut pitquhitigut, uqauhitigut, idjuhiatnilu hulilukaagainggamik; atuqunahuaqhugulu makpiraaliqiivit tamaani Nunavunmi; atuquhimmaaqhutiklu uqaqatiriikgaikpatta inirniitnik inuulrammiit kavamanilu. 

Takujumajavut:

Talvani Nunavunmiut uqaqpaktut, taiguaqhutik titiraqhutiklu ajuqhangittumik malrukni uqauhini, nakuujumik inuuvakhutik nutaami nunami atuqhugit pitquhiraluaptingni pitquhiinik ukpirijainiklu atuqhugit maliktakhanut.

Hivunighaliurutivut:

Atuqhimmaaqtavut hivunighaliurutikhat umkunanga Inuit Hivulliurutit Ukpirijauyut uqarivlugit aghuuhaidjutigivlugillu hivumuuqhutalu nakuutqijamut hivunikhaptingnut:

• Inuuqatigiittiarniq: Ilannariiktiarlutik, Ilaqatigiiglutik munarittiarlugillu Inuit.
• Quviahuttiaqtittiniq: Inungnut tamainnut iliharhukhimaittumik qanuqrunaaqtailiniq ilauttiaquiniq.
• Ikajuqatigiingniq: Ihariattailiniq Inuit nuatqatinullu.
• Ihuaqhaiqatigiingniq: Ihumaliurnikkut ihuaqhainiq uqaqatigiikhutik angiqatigiikhutiklu.
• Pijangaiqpallianiq: Ayuiqhavallianikkut ilitturivalliaplugu uuktuqhimmaarnikkut pihimmaaqhugulu.
• Havaqatigiingniq: Atauttikkut pinahuagarmik.
• Ihumaliuttiarniq: Atugakhaliuttiaqhuni paqittinahuarnikkullu ihuarnikhaanik.
• Munaqhittiarniq: Nunanik, anngutikhanik hilaptingniglu.