Havaktingit

You are here

Aulahimaaqlugu

 

Kangiqhipkaidjutit
Aulagut Ihuaqtumik Apqut
Saivauyut Maliktakhat Ikayuutikhat Aullaqtirutikharnik Nanminiqautikhamut

1. Taututiaqlutit ilingnik
2. Naunaiyaqlugit ilvit kivgaqtuqtangnun
3. Havaklutit Ikayuqvighaqnik Aulavikhaanik
4. Iniqpiaqlugu
5. Havakvikhangnik uvalu havaktighangnik
6. Naunaiyatiaqlutin havaat pangnairutikharnik
7. Maniliqiniq Nanminiqmun

Aulahimaaqlugu
Ilaliutiyat
Uqaqvighaq kangihidjutinik
Alianaqtumik Itquumayumik

 

Aulahimaaqlugu

Atauhiq ubluq-pihimayuq imaa 18nik tatqiqhiutinik-havakyuagutit nakuuniaqtuq uvalu nanminiit aulahimaaqniaqtuq ihuqtumik. Ihuaqtumik nanmniniit aulayaangani nakuuyumik, aulahimaaqlutit qanuq nanminit havauhianik, hapkuatluat pingahut pidjutait.

1. Ilvit maniliqnikkut: Munagilugit akiliqtuqtatit uvalu maniliuqtatit qayagilugit. Qiqniqlutit nakuuyumik titirqiqyuqhamik uvaluuniin maniliqiyumik ikayuqtughamik. Aulagalitilutit tautuqniaqtat maniliuqniit uvalu akiliqtuqtatit aalanguqataaqtut aalani ukiuni. Ayuiqniaqtatit itqungnigutait aalanguqtiniinun, pihimangmat ihuaqniit ilvit qanuginmangaat kiugupkit anginighait mikinighaitlu "nanminip auladjutaa"- atuqtait kitut angikliyuumiyut uvalu mighiyuumiyut nanminiqit hulidjutait.

2. Havaktitit: Nanmingit pihimayuq havaktinun. Pitiaqlugit havaktitit nakuuyumik. Havaktitit mihigimagumik ihagiagiyauyut ilauyut iligiiknikkut akhut havakniaqtut piyaangani nanminiq ihuaqtumik piyuq.

3.Niuvaaniq: Niuvaaniq uvalu aghuuqhainikkut nanminiit nutqalimaituq. Havakhimaaqtughauyutin " niuvaayut quviahugiagini," qiniqlutinlu nutaanik niuvaayuqhanik.

 

Angiliyuumiqniq nanmininiit nutaqiqiyutut ituq.

 

Taki!

Akhuuqnaqtuq ihivgiuqhimaaqlugu nanminiit tamaat. Piniaqigit niuvaaadjutit kivgaqtuutit ihuaqhiyuumiqlugit? Pihimaaqigit niuvaayut ihagiagiyait? Apigilugit niuvaayut huuq niuviqit hamanga. Naunaiyaqhimaaqlugit akigatit hulidjutait.

 

Qakgu angikliyuumiqniaqik?

Qiniqlutit abluqtinatit. Nanminiit ihuaqtumik aulanianin, maniliuqtatit uvalu akiliqtuqtatit naunaiyaguminaghiniaqtuq. Qakugu takuniaqtutit piyaangni abluqlutit hivumut, angikliyuumiqlugu nanminigit, angiliyuumiqlugu maniliuqniq.

 

Taimaatut aulagutingnut, qilamiuqhimatumik upalungaiyagit. Uqaqatigilugit ikayuqtitit qanugiliugutighangnik, "angiyumut ihumagiyat". Angiklyuumiqniq = akiligahagiakniaqtuq.

  • Akitutqiat hivumuuqniq uvalu niuviqniq ntaanik tamayanik
  • Akitugyuumiluni akiligahaq
  • Akitugyuumiluni havaktit
  • Akitugyuumiluni pauwatuutit
  • Maniliqinikkut akiligahat nutaanik tamayanik aalatlu piutit
  • Angikliyuumiqluni naunaiyautit ihagiagiyauyut
  • Angiliyuumiqlutik niuvaaniqmun uvalu niuvaaviup piyaghait
  • Angiliyuumiqluni munaginiq piyaghat

 

Qayagiguvit, maniliuqniit ikayuutauniaqtuq akiligahanik, angiliyuumiqniq nakuuyuq ihumagiyat!

"Ilihimayatka ayuqhangnighaa. " Upalungaitunga angikliyuumigiami!"