Havaktingit

You are here

Ikayuktiuliqiyiit

Ikayuktiuliqiyiit

Tamna havagviat tunihimaaqtun pivalliayuliqiyitkut ingilrayuliqiyitkullu ikayuutikharnik talvanga talvungaluunnit pingahuuyut iliqatigiikhimayunik.

Hunaliulukaarniq uvalu Miqhulukaarniq

Tamna Havakviat Pivalliayuliqiyikkut Ingilrayuliqiyitkullu maniktarviuyut Nunavut Titirauyaqnikkut Hanauyaqnikkut Katimayiit (NACA). NACAkut atuinaqtain ukuat maniktaqvikhangit atuqhimaagianganik angikliyumirutikharnik quviahuutikharnik Nunavunmi hanauyaqhimaaqtun auladjutikharnik talvuuna havakhimayainik hanaugarnik miqhuqhimayuniklu.

Qaritauyaliqidjutikhangit Alruyaryuangit

Tamna Havakviat Pivalliayuliqiyikkut Ingilrayuliqiyitkullu tunihimaaqtun maniktaqvikharnik tapkununga Nunavut Qaritauyaliqidjutikhangit Alruyaryuangit Pivalliayuliqiyut Havakvingnun. Tamna havakviangit naunaiyainiaqtuq inungnik atuguminaqtunik, akiligiaqaqtunik pidjutikharnik qaritauyaliqidjutikhangit alruyaryuangit ikayuutikharnik tamainun Nunavunmi nunalaanun.

Nanminiqutilit Pivallianingit

Tamna havakviat tunihimaaqtun maniktaqvikharnik nanminiqaqtunik talvuuna mikiyunik nanminiqaqtunik ikayuutikharnik hanaqidjutikharnik maniliurutikharnik havaaqhangit.  Malikhautigivaktuq aulatitiyaangat nanminiqaqtukharnik Nuanvunmi. Havakviangit maniktaqvikhaqhimaaqtait Nunavunmi Nanminiqaqtut Atukkirviit Kuapuliisitkut. Kuapuraisingit tunihimaatun maniktaqvikharnik angiyunik nanminiqaqtunik taima pilimaitun naunaitunik atugangit talvanga nanminiqaqtunik hanaqidjutikharnik.

Nunalaani Pivalliadjutikharnik

Tamna havakviat ikayuutihimaaqtun pivalliadjutikharnik nunalaani maniliurutikharnik talvuuna maniktaqvikharnik ikayuutigiyainik nunalaanun kavamaungitunik havakviingit.

Talvuuna Hanaqidjutikhangit Maniliurutikharnik Havaaqhangit, Nunavunmi Maniliuqhimaarutikhangit Maniktaqviingit aulatitivakhimayut havakviit havaagiyaunginaqtun ihuaqtumik pivalliadjutikharnik Nunavunmiutat ilauhimaaqtukharnik Nunavutim maniliuqhimaaqtunik. Tamna Nanmiqagumayunik Pivalliadjutiliqiyut Maniktaqvikhangit tunihimaaqtun maningnik ikayuutikharnik nunalaani havakvingnun aulatitiyaangatlu nanminiqagumayunik nanminiqaqtunik munagidjutikharnik ikayuutikhainik.

Tamaita Nunavunmi nunalaangit pigiaqaqtun manikharnik ikayuutikhainik talvanga havakvingnin havaktiqagianganik Nunalaani Pivalliadjutiliqiyunik Havaktinun, munagihimaagianganik nunalaani maniliuqtunik pivalliadjutikharnik, aulatitiyaangatlu havaaqharnik ilitagiyauhimayut talvani upalungairutikharnik. Una ikayuutikharnik tunihimaaqtun talvuuna Nunalaani Katitirvikharnik Iglungit naunaitkutikharnik talvanga Atugakhangit Havaaqhangit Iliqatigiiktukharnik.

Piksasuuliuqhimayut, TVmi Nuutaaniklu Tuhaqtitihimaaqtunik

Tamna Havakviat Pivalliayuliqiyikkut Ingilrayuliqiyitkullu maniktarviuyut Nunavut Piksasuuliuqtiuyut Havakvingnun. Tamna havakviuyuq atuquhimaarniaqtuq nunaptingni aulatitiyukharnik piksasuuliuqtunik tunihimaaqtukharnik pidjutikharnik Nunavunmiunun havagianganik piksasuuliuqtukharnik, TVmilu nuutaaniklu tuhaqtitihimaaqtuniklu. Tunihimaaqtun maniktaqvikharnik aulatitihimaaqtunik piksasuliuqhimayunik Inungnik uqauhikkut.

Nunavunmin Kinauyakhaarnikkut Ilitagidjutikharnik

Tamna havakviangit tunihimaaqtun ilitagidjutikharnik naunaitkutingnik Nunavunmiunun.

Nutaamik Akhaluutituutikhamik Laisiqaqtukhaq

Tamna havakvik tunihimaaqtun akhaluutinik aqugianganik laisikharnik Nunavunmiunun qangiutivakhimayut akhaluutingnik aqugianganik ilihairutainik.

Aquiyunikkut

Tamna Havakviat Pivalliayuliqiyikkut Ingilrayuliqiyitkullu atuqtakharnik nunaptingnik aulatitihimaaqtunik pulaaqtukharnik. Maniktaqviunginaqtun Nunavunmi Aqquiliqiyunun. Nunavunmi Aqquiliqiyunun ikayuutigiyaingit atuqhimaaquiyutlu ilauyunun.

Kihittitit Nalunaqtunik Ilituginahuarutikhat Aituutikhat

Tamna hivunikhangit havakviangit Kihittitiliqinikkut Nalunaqtunik Ilituginahuarutikhat Aituutikhat atuquhimaaqtun aulatitihimaaqtukharnik ilihaqtunik piyaangat ihumagiyainik havaagumayaingitlu kihittitiliqinikkut nalunaqtunik ilituginahuarutikhat qaritauyaliqidjutiliqiyuniklu. Ilihaqtun talvani 8mi, 10mi, 12milu piqaqtun ihuaqtumik ilihairutikharnik ilihimayainiklu kihittitiliqinikkut unalu/unaluuniit nalnaqtunik ilituginahuarutikhat aituqtaugiaqaqtun ima $350 taalamik.