Tamainni-naunaiyaqniq/Uqaqatighakkut Ilitturipkainiq Hanauyaqnikkut Pitquhikkullu

Hanauyaitigut Nunavut ilihimayauyuq. Katitipkaiyuq angiyumik nunamik. Hanauyaqtiqaqtugut tamaani nunaptikni. Nalautinniarhimayuq imaakiaq 3000 Nunavunmiut maniliurutigiyaa hanauyakkut niuvrutinin. Tautuktaghat hanauyat avaliittut pipkaivaktut $33 million ukiuq tamaat nunaptiknun piangaiyaqnianun.

Havakvik pihimayut nutaamik Hanaugakkut Pivallialiuqnikkut Pinahuarutimik. Ikayuqtaaqtaatit nakuyunik iniqtirutiqariangni hanauyaqtiuplutit. Huqullaaqtiit, pinguaqtiit, uniupkaaliuqtiit, ayuittut piksaliuqtiit numiqtiillu, aallallu uuktuqtaaqtut. Quviagiyavut hanaugaqtivut ikayurumayavut iniqtiqhiyaanginni nakuuyumik.

Aquinikkut Pitquhikkullu Pivikkut Havakvia ihuaqhaivaktaa pinahuaruti. Havakvik havaqatigiyait Nunavunmiut pivallialiuqnikkut hakugiktunik aularaanginnaqtaaqtuniklu akiunikkut pitquhikkullu havakvigiyuiyunik tamaani Nunavunmi. Havakvik tunivaktuq ilitturipkaitjutinik uqautjiutiniklu nanminiqaqtunun havakviknik, ikayuqhugit nunallaani timiqutit, kavamatkunniingittuni timiqutini aallallu havakvigiyauyut katimayiit. Aulapkaivaktaalu atuqtipkailiqniq Nunavut Kavamatkut hanauyaqnikkut miqhuqnikkullu parnaquti. 

Piniarhimatjutait havakviup:

• Tuninikkut nakuuyunik uqautjutighanik ikayurutighaniklu Ministamun mighaagut aquinikkut, hanauyaqhimanyuni miqhuqnikkullu, piksasuuliuqnikkut, qunngiaqtipkaiplutiklu pinghuaqtitjutini. 
• Pivallialiuqnikkut, hivuliqnikkut ihuaqhainikkullu atuqtipkailiqnikkut pinahuarutinik parnaqutighaniklu turaangayut pivallialiuqnikkut Nunavutip akiuqnikkut havaqutainni pitquhikkullu havakviinnik.

Aallanik ilitturipkaitjutighyanik uqaqatigitjavat: Aquinikkut Pitquhikkullu Havakviit 

Tourism & Cultural Industries 
P.O. Box 1000, Station 1500
1104A Inuksugait Plaza
Iqaluit, NU
X0A 0H0

Toll-free 1-888-975-5999
Fax: (867) 975-7870
Email: edt@gov.nu.ca

Piyumaguvit tamainnik havaktiptiknik titiraqmik takuyaqtuqlugu uqaqagitivighakkut makpiraaq iliuraqlugulu havaktitigut titiraq.