Angmaqtirutaa Mittimatalingmi Nunallaami Tulaqtarvia

Tuhaqtipkaidjutikhaq

Tuhaqtitauhainaqtukhaq

Angmaqtirutaa Mittimatalingmi Nunallaami Tulaqtarvia

Mittimatalik, Nunavut (Taaqhivalirvia 26, 2022) – Ippakhaq, Kanataup Kavamanga ukuallu Nunavut Kavamanga unalu Haamlatkut Mittimatalingmi, kuviahuutigijaat angmaktirutaa Mittimatalingmi Tulaqtarvianik.

“Tadja quvianaqtuq. Una tulaqtarvik ikajuutiginiaqtaat nunallaamiutanun qajangnaitqijamik qajakturiami ikajuutigilugulu piliurutikhanun nunami avikturvingmilu maniliurutikhanun,” uqaqtuq David Akeeagok, Ministangat Pivalliajuliqijitkut Ingilrajuliqiitkullu. “Quviagijavut pidjutaujunun paanariirutaanun ukuallu Kanataup Kavamanga aliahuktugun hivun’ngani havaqatigiigutikhanun kanataup kavamanganun havaktaujaanginnik ihuaqhijuumilugillu tariumi tulaqtarvikhanik aallani nunallaani.”

“Nunalingni Kavamatkunillu Pivikhaqautikkut quviagijaat ikajuramik ihuaqpiaktumik iniqtirutaanun mikijumik qajarnun tulaqtarvikhamun ihuaqhijuumijanullu tulaqtarvingmun Mittimatalingmi,” uqaqtuq David Joanasie, Ministangat Nunalingni Kavamatkunillu Pivikhaqautikkut. “Ikajuutit hanaqidjutinun aulapkaidjutikhanik uumatun ikajuutigijaat maniliuqpallianirmun hulilukaaqhutik nunallaani pidjutauvluni amihuni ikajuutikhanik nunallaamiutanun. Havaqatihimmaarutigijumajavun Kanataup Kavamanga havaktaujaanginnik aulapkaidjutikhanik nunami.”

“Kavamarijakkun quviahuktun ikajuqhugin Mittimatalingmi Tulaqtarvikhamun Aulapkaidjutikhamun Havaktaujakhamun, ikajuutaujuq niqikhaqhiurnirmun, atuqtakhanun aullaaqtittinirmully aquijunik pidjutikhainun Ukiuqtaqtumi Qikiqtaani,” uqaqtuq Dominic LeBlanc, kanataup Ministanga Kavamaliqijiit, Aulapkaidjutikhanun Nunallaanullu. “Aallan’nguqtirutikhaq piqutikhaq ikajuutauniaqtuq maniliurutikhanun ihuaqhijuumilugillu tamainun qajangnaitkutikhanun tariumi hulilukaaktunun aviktuqhimajumi.”

Una havaktaujakhaq pihimajuq ilaujunin manikhaqaqhuni, taimaa $30 million Kanataup Kavamanganin atuqhugu Nuutaanik Iglukharnik Kanatam Maniktarvikharnik – Nunarjuami Aviktuqhimajuni Havaktaujakhat, unalu $11 million Nunavut Kavamanganin.

###

Tuhaqtipkainikkut Uqaqvigiyaqhaq:

Erika Zell        
Aulapkaiji, Atugakhanut Upalungaijainiq Tuhaqtipkainikkutlu
Pivalliajuliqiijitkut In’ngilraviliqiijitkutlu
867-975-7871
EZell@gov.nu.ca

Suliekha Duale
Tuhaqtipkainikkut Ajuittuq
Nunalingni Kavamatkunnilu Pivikhaqautikkut
867-975-5406
sduale1@gov.nu.ca