Havaktingit

You are here

Aulaqtittinahuaruvit tikipkainahuaruvilluuniit hunanik piqutikhanik ihuaqtumik qiliilaiyarlugit qayangnaitumik!

Tissaipa 03, 2018

Inungnun Tuhaqtitauyukhaq

Aulaqtittinahuaruvit tikipkainahuaruvilluuniit hunanik piqutikhanik ihuaqtumik qiliilaiyarlugit qayangnaitumik!

Pivalliayuliqiyikkut Ingilrayuliqiyitkullu uqautiyait Nunavummiut piqutikhat uqqumaitullu uhiyauyukhat ihuaqtumik puuqtuqhimayukhauyut ahirurnaitumik qayangnaitumiklu aullaqtitauyukhaukpata tikipkaqtauyukhaupataluuniit.

Anginiqaqtuq uhiliqpallaaqtailinahuarlugit akhaluutit, kiluuttarlugit uvaluuniit un’ngavalairlugu umiakkut uhidjutauvaktut naquhiqhimayukhat uhidjutikhainut aturlutit naqutikhanik qiliqhuutikhaniklu ihuaqhattiaqhimayukhat, naunaiyattiarlutit hunanik nivingayunik uvaluuniit pauwatuutikhat alruyat aktuqtaililugit naunaittiarlugullu akhaluutiryuaq agyautauyuq nallaumayunik akhaluangit iliuraqtauhimayakhainik. Akhaluuhiliqiyit piyariaqaqtut aturlutik naqutikhanik havaakhanut uhiyakhanut titiraqaqtunik uqqumaitilaakhanut naunaitkutikhanik uvaluuniit imatut WLL.

Akiliqhipkaqtauhunguyutit $230 imatullu taimaituniklu pingahunik ihuinaarutinut naunaitkutanik (three demerit points) ilaliutiyauhunguyut laisirnut akhaluutituutikharnut naquhiqtuttiaqhimaitkupkit ihuaqtumik uhipkaktakhatit tamayatit.

Pittailinahuarlugit ihuinaarutinut akiliqtakhat naunairlugulu hivuurannaitkutikhat hivulliutiyakhatit. Aulaktitinahuaruvit tikipkainahuaruvillu hunanik piqutikhat ihuaqtumik puutiaqpaglugit qayangnaitumik! Kangiqhittiarumaguvit, uqarvigilugu James Demcheson talvunga 867-975-7843 qaritauyakkut titirarvigilugu jdemcheson@gov.nu.ca.

###

Tuhaqtipkainnikkut uqarvigilugu:

Matthew Illaszewicz
Atan’nguyaq Tuhaqtidjutinun
Pivalliayuliqiyikkut Ingilrayuliqiyitkullu
867-975-7818
millaszewicz@gov.nu.ca