Havaktingit

You are here

Canadian North unalu First Air Atauttimungaqtiqtuk

Immaktirvia 20, 2019

Uqauti

Canadian North unalu First Air Atauttimungaqtiqtuk

Minista Pivalliajuliqijikkut Ingilrajuliqijikkullu David Akeeagok ublumi tunijaa una uqauti:

“Transport Canada unalu Competition Bureau iniqhimaliqtaik inungnun nakuaqqutaanun ihivriuqhinirmiknik uumani tukhiqtauhimajumi atauttimungaqtirutimi ukunani First Air-mi Canadian North-milu, ihumaliuqhimaliqtullu hivumuutipkarniani. Pidjutaani uumani ilitturipkaidjutimi, Nunavut Kavamanga (GN) qajagihimmaaqtuq amirittiaqniarhimajaalu pidjuti.

Talvani uumani ihivriuqhinirmi, GN-kut havaktitpaktait maligaliuqtit tautuktipkailutik qanuraaluktun ihariaginingani Nunavunmiutat pidjutilgit tingmitikkut aullaarutinginni aanniarnikkut aullarutikhani, inmikkun aullaarutini, ubluq tamaat ihariagidjutainnun, agjaqtautikkullu ihagianaqtunik, pihimajukhani hulidjutini. Taimaitpiarninganun pidjutiqaqpiarninganun Nunavunmi, GN-kut apirijain havagviit atuquplugin tamaat maligaliqinikkut pittaarutimiknik pipkainikkut hulaqutiit hukkut tingmitdjutainni, akiinnik ublukhainnilu mikkauhimalutik. GN-kullu tukhiqhimajun angijun amirihimaniit aulapkaidjutainni kinguagun atauttimungaqtirnirmin, pipkainikkut tamaita pidjutikhat qanuriliurutikhaillu maliktaujun.

Aulahimmaqniaqtavun aulahimajun havagutivun pinikkut nakuujunik, akituvallaangittunik kavamatkunnun tingmidjutikhanik Nunavunmun, uqahainnarniaqtavullu ihumaaluutivun takugupta mikhilaaliqtunik hulidjutinik nunallaaptiknun.”

###

Tuhaqtidjutikhanun Uqaqvikhaq:

Matthew Illaszewicz
Atanngujaq, Tuhaqtidjutinun
Pivalliajuliqijikkut Ingilrajuliqijikkullu
867-975-7818
millaszewicz@gov.nu.ca