Havaktingit

You are here

COVID-19 Havagviat Pivalliayuliqiyitkut Ingilrayuliqiyitkullu kivgaqtuutikhait ilitturipkaidjutit

Julai 20, 2020

Havagviat Pivalliayuliqiyitkut Ingilrayuliqiyitkullu kivgaqtuutikhait ilitturipkaidjutit - Taaqhivaliavia 20, 2020

Minista Pivalliayuliqijikkut Ingilrajuliqijitkkullu tuhaqtitakhaa:

Ilanganik nakatqiutikhanik makiffaanahuarutikhaniklu upalungaiyautikhat Aquinikkut Ilitquhikkut Havagviuyut, quviahuktunga tuhaqtitiplunga aullaqtitinialiqtut taffuminga qaritauyakkut ShopNunavut.ca, qaritauyakkuurutikhamik naunairlugit nunamingni hanahimayut, ikayuutikhat, imaalu atuqpakhimayait hailiyut Nunavummiunut.

Piliurningat havaqatigiplugit ukuat Tikitakhaat Nunavut (Destination Nunavut), Aullaqtut Nunavut ukuallu Nunavunmi Pivalliayuliqiyikkut Katimayiit, ShopNunavut.ca pinahuarumayut ikayurumaplugit mikiyut nanminiriyauyut aquinikkut nunanginik talvuuna COVID-19 qalagjuarniq, tuniplugit atahirmik nutqarvikhanik niuvvavikhat tamainnik aallatqiiktunik hanayauhimayunik hailiyunik avikturnianni. Hamna qaritauyakkuurutikhaq atuqtauhimmaarniaqtuq nunnguanut 2020.

Talvungaugumik qaritauyakkut ShopNunavut.ca, Nunavummiut pillahiniaqtait aallatqiiktut ikayuutikhangit taimaittunik: StayNunavut, tamna tunihiyut nunaitkutikhanik itiqtirvikhainnik tamainni avikturnianni; EatNunavut – naunaiyattiaqhimayut titiraqhimayut niriviit; imaalu naunaitkutingit akhaluutikkkut qun'ngiaqtitiyut aulapkaiyit, nanminiqaqtut, hanaugaktit miqhuktit talvuuna EnjoyNunavut.

Talvuunalu ShopNunavut.ca, Nunavummiut pillahiniaqtut quvianaqtunik nutaamik qaritauyakkuurutimik piliuqtauhimayumik tapkunanga Travel Nunavut. StaycationNunavut.ca qartauyakkut tunihiyut nutaanik aullarahuanut upalungaiyautihat atuqtakhanik pimaalu nainaitkutikhat hunanik aquinikkut pivikhanik piqariakhainnik tamainni avikturniinni. Qaritauyakkuurutaa tunihiniaqtut inikhanik Nunavutim aquinikkut aulapkaiyunut takupkailutik nuititilutiklu nutaanik attautimut pidjutikhainnik imaalu hunanik turrangayunik nunanganut imaalu Ukiuqtaqtumi qunngiaktunut.

Pidjutigiplugu Havagviat Pivalliajuliqijikkut Ingilrajuliqijitkulluukuaalu havaqativut, Tikitakhaat Nunavut (Destination Nunavut), Aullaqtut Nunavut ukuallu Nunavunmi Pivalliayuliqiyikkut Katimayiit, akhuuhayatka tamaita nunaqaqtut aturnahuarlugu hamna pivikhangat aturlugullu tamna ShopNunavut.ca niuvvirlutik nunamingnit, nirilutik nunamingnit ilaulutiklu nunamingni aquinikkut hulipkaidjutikhanik hailiyunik.

Ilaudquyaffilu uvani havainirmi takhinahuaqtakhanik aullaqtirniaqtut Taaqhivaliavia 27 hailiniaqtuq uvani ShopNunavut Facebook page uvanillu Instagram. Akiraqtuidjutikhangit aallatqiikpangniaqtut havainirmi taktakhallu tuniyauvangniaqtut tamainni nunanginni.

Aullarlutit maniqqamut maliglugit nunanginni ayuiqhattiaqhimayut imaalu ayuiqhalutit talvuuna Inuit ilitquhiinik. Takuurilutit taainnik uumayunik piniqpiaktuniklu nunanginnik avikturniptingni takuyakhanik. Niuvvirluti nunanganit anguyauhimayunik niqainnarnik imaalu ikayurlugit nunamingni hanaugaktit niuvvirlutit hanayauhimayunik Nunavunmi hanagaktiinnit piniqutikhainnik aimavingni, havagvivingni, nanminiriyarnillu.

Nunamingni havagviuyut nanminiriyauyut ihuaqutigiyauyut nunaptingnut, anginiqaqtumiklu maniliurutauvaktut imaalu ilitquhivut pitquhivullu ikayuutikhanik tamaptingnut quvianaqtumik. ShopNunavut imaalu ikayurlugit nunaptingni nanminiriyauyut nauvalliadjutikhanginnik. Quana.

 


Havagviat Pivalliayuliqiyitkut Ingilrayuliqiyitkullu kivgaqtuutikhait ilitturipkaidjutit - May 1, 2020

1,285 mikhuqhimajut akuliangnut matukhat tujuutaujut Mittimatalingmut ikajuutikhanik GN-kut Amigaqhuuitiqaqtumik havaqatigiiktut ikajuqtiujut naunaiqtaujumut aanialiqtumut COVID-19 Qalagjuarniq nunangani.

Tujuutaujunut ilaujut qanuqtut aturnikhanut matukhat – Nunavuntim ilitarijauhimajut uqauhiinut.

Matukhat tuniuqhaqtauniaqtut ihariarijauqpiaktunut kivgaqtuijunut havaktiinut, inirnikhanut, inungnut6 aanniarutiqaqtunut imaalu inungnut ihuaqhaqtauniaqrtuq Hamlatkunit Mittimatalik.

Avikturnianni habvaktgauhimajut tujuutauhimajullu amigaittut imaatut akkungangni 2,000 unalu 3,000 mikhuqtauhimajut matukhat atauhirmi havainirmi.

Attautimut 20 mikhuiqtit ilaujut havaakhamut, aallallu ilaujut mikhuqtit kantraqaqtut uumani havainirmi mikhuqtut Kangiqlinirmi, Taloyoak hamanillu Pangnirtung (via Nunavut Development Corporation ilaijunut).

GN-kut piliuqtut ‘qanuqtut aturnikhanik matukhat’ maliktakhat umingalu “‘qanuqtut atihimajakhanik matukhat maliktakhat”. Tamangnik hailijut GN-kut qaritaujakkuurutaani tamainni ilitarijauhimajut uqahiit tgalvani https://gov.nu.ca/health/information/covid-19-novel-coronavirus


Havagviat Pivalliayuliqiyitkut Ingilrayuliqiyitkullu kivgaqtuutikhait ilitturipkaidjutit - Iipu 30, 2020

Nunallaami Auladjutikkut Havagviat mittimatalingmi umikhimayuq. Apiqhuutinun titiraqlutit hapkununga CEDO@pondinlet.ca


Havagviat Pivalliayuliqiyitkut Ingilrayuliqiyitkullu kivgaqtuutikhait ilitturipkaidjutit - Iipu 29, 2020

Uqaqtauhimapluni April 22mi, Pivalliajuliqijikkut Ingilrajuliqijikkullu Havagvia (EDT) havaqatigijait atauttikkut Nunavunmi Pivallialiurnikkut Katimajiit (NDC) piliurnikkut aanniangittunun matukhanik inuit atuqtakhainnik. Una pidjutijuq hivulliqpaakkut maniliurutikkut imaatun $35,000.

Nunavut Kavamanga piliurutaa aanniangittunun matukhanik aulahimmaaqtuq; ublumimun avatquhimajun 2,000 matukhat piliuqtauhimajun nunallaanin mirhuqtinin.

Turaangania uumani piniarhimadjutimi taimaatun tunijaami aularaanginnaqtunik pikhanik matuurutikhanik pipkaijaami Nunavut maliktipkaqlugu uumunga nutaangutqijaujumi Transport Canada-mi pitquidjutaani tingmijukhanun, taimaalu pipkainikkut turaangajun kituujun imaatun aanniaqtailinikkut havaktiungittunun hivulliujuni havaktinun, Inirnikhanun ukunungalu Nunavunmiunnun piqariikhimajunik aanniarutinik aturianginnik matuurutinik pidjutiujuq ikajuutimik aallamik hapummidjutikhamik.

Ajurnaittuq maliktakhaq piliuriami uaqtauttaaqtumik aanniangittunun matukhamik takujauttaaqtuq tamainni uqauhini uvani: https://gov.nu.ca/health/information/covid-19-novel-coronavirus. Maliktakhaq pihimajuq Kanadaup Kavamanganin taimailiuqtaaqtukkut matukhami iliqtirutaanin.

Pivalliajuliqijikkut Ingilrajuliqijikkullu Havagvia piliuqhimajuqlu maliktakhamik qanuqtun aturutikhainnun matukhani piliuqtauhimaliqtun Nunavut Kavamanganin. Maliktakhat pihimajun tamainni uqauhini takujauttaaqtuq uvani: https://gov.nu.ca/health/information/covid-19-novel-coronavirus. Maliktakhaq tunijauniaqtuqlu ilaliutihimaluni tujuqtaujunun matukhanik nunallaanun.

Aanniangittunun matukhat tunijun ikajuutikhanik hapummidjutinun. Himmautigingitait inungnin ungahikhimadjutinik aallanikluunniit hapumminikkut qanuriliurutinik.

 


Havagviat Pivalliayuliqiyitkut Ingilrayuliqiyitkullu kivgaqtuutikhait ilitturipkaidjutit - Iipu 22, 2020

Pivalliajuliqijikkut Ingilrajuliqijikkullu Havagvia (EDT) havaqatigijait atauttikkut Nunavunmi Pivallialiurnikkut Katimajiit (NDC) piliurnikkut aanniangittunun matukhanik inuit atuqtakhainnik. Una pidjutijuq hivulliqpaakkut maniliurutikkut imaatun $35,000.

Turaangania uumani piniarhimadjutimi taimaatun tunijaami aularaanginnaqtunik pikhanik matuurutikhanik pipkaijaami Nunavut maliktipkaqlugu uumunga nutaangutqijaujumi Transport Canada-mi pitquidjutaani tingmijukhanun, taimaalu pipkainikkut turaangajun kituujun imaatun aanniaqtailinikkut havaktiungittunun hivulliujuni havaktinun, Inirnikhanun ukunungalu Nunavunmiunnun piqariikhimajunik aanniarutinik aturianginnik matuurutinik pidjutiujuq ikajuutimik aallamik hapummidjutikhamik.

Hapkuat matukhat piliuqtauniaqtun cottonmin, uaqtauttaaqtun, atuffaaqtauttaaqtun piliuqtauhimajullu malikhugin Kanadami aturutait maligutaillu. Mirhuqtakhat tujuqtauniaqtun mirhuqtinun piqarluni piliurutikkut maliktakhainnik.

Ajuirnaittun qanuqtun-piliuriami iliharutikhat piliuqtauliqtun taimaatun inuit mirhurianginnik pikhamingnik aihimavingmingni.

Aanniangittunun matukhat tunijun ikajuutikhanik hapummidjutinun. Himmautigingitait inungnin ungahikhimadjutinik aallanikluunniit hapumminikkut qanuriliurutinik.

HUNA IHUAQTUQ AANNIANGITTUNUN MATUKHAQ UNALUUNNIIT AKULIAMUN MATUKHAQ?

Aanniangittunun matukhat akuliamiluunniit matukhat taimaittukhat:

  • piliuqtauhimajukhat ikittijaanik kikliqarluni malruuknik qaliqtariiknik hukatiqhimajunik nuviqhakhimajunik kalikumik (imaatun cotton-mik linen-mikluunniit)
  • angiluni tamaat ihuaqtumiklu mutajaangani qingaq qaniqlu qahungahimaittumik
  • atimattiaqtukhaq niaqurmun qiliqhuutiqarluni hiutingnulluunniit iliurarvighaqarluni
  • nakuujumik anirhaaktarvighaqaqtuq
  • ihuaqtuq ihuarhainnariaqangittuqlu
  • himmiqtaujukhaq qilamik mittukpat halumaiqqalluunniit
  • ihuaqtuq huli uaqtauhuiraangat panirhiqtauhuiraangallu

Ilangit matut ilaqaqtullu kauttuamik pihimajaami titiqqamik allarutikhamik uumingaluunniit igittaaqtumik kaaffiliurutikkut titiqqanik, ukununga ilaurutikhanik ikajurutikanik. Pittaaqqat, atuqlutin aallakkiinik kalikunik hilatainnun matumi, ilihimajaarni kitu kahakhimajuq qanirnun kituttauq hilaataaniittuq.

 

Aanniangittunun matukhat akuliamiluunniit matukhat:

  • iliuraqtaungittukhat nutaqqanun ataani ukiuqaqtunun malruuknik
  • iliuraqtaungittukhat kinamun piijalimaitait inmiknik ikajuqtaungitkumik kinamulluunniit ajurhaliqpaktumun anirhaaktariami
  • piliuqtaungittukhaq palaastiknin aallaninluunniit hiviungittunin kalikunin
  • piliuqtaungittukhaq taapkunainnarnin hunanin huungihainnaqtaaqtunin, imaatun kakkiijautinin
  • katitiqtakhaungittuq nipitirutinin aallaninluunniit ihuittunin hunanin
  • atuqatigiiktukhaungittuq aallanun
  • takulluarnaidjutiujukhaungittuq ihuirutikhaungittuqlu hanaqidjutikhanun

 

QANUQTUN ILIURAQTAKHAQ AANNIANGITTUNUN MATUKHAQ UNALUUNNIIT AKULIAMUN MATUKHAQ

  1. Ilihimalutin akuliangnun matukhaq halumajuq paniumajuqlu.
  2. Uaqlugin algatin hihaittumun imarmun irmiutimullu 20 secondsnik kahaktinnagut matu. Ualimaitpat, atuqlutin algangnun halummarhidjutimik piqaqtumik ikitqijanganun kikliqaqtumik 60%mik taangaqarutaanik.
  3. Nujat akuliangniingilluni.
  4. Ililugu akuliangnun matu qaangani qingarni qanirniklu qiliqlugulu niaqurnun qiliqhuutikkut tahijuakkulluunniit.
  5. Ihuaqharlugu pijukhaukpat qingaq qaniqlu matuqparlugin.
  6. Matuq ihuaqtumik atimajukhaq uluangni qahungahimaittumik.
  7. Atuffaalugu Qanuriliuruti 2.

 

Atimatillugu aanniangittunun matukhat akuliamiluunniit matukhat, anginiqaqtuq kahagaqtailiplugu akuliat. Kahagarungni matut akulialluunniit, tadjainnaq uaqtakhatin algatin hihaittumun imarmun irmiutimullu 20 secondsnik. Atuqtaaqtutinlu algangnun halummarhidjutimik piqaqtumik ikitqijanganun kikliqaqtumik 60%mik taangaqarutaanik.

 

QANUQTUN PIIJAQTAKHAQ AANNIANGITTUNUN MATUKHAQ UNALUUNNIIT AKULIAMUN MATUKHAQ

  1. Uaqlugin algatin hihaittumun imarmun irmiutimullu 20 secondsnik kahaktinnagut matu.
    • Ualimaitpat, atuqlutin algangnun halummarhidjutimik piqaqtumik ikitqijanganun kikliqaqtumik 60%mik taangaqarutaanik.
  2. Piijaqlugu akuliamun matu kiliijaqlugu piiqlutillunniit tahijuat hiutingnin.
    • Kahagaguiqlugu hivunga matup piijaqtirungni.
    • Ilihjauhimallaktaaqtuq palaastik puumi aihimangitkuvin.
      • Matuttiaqlugu puuq tutquqtilirungni.
  3. Atuffaarnahuarungni matu, uadjavan atuffaaqtinnagu.
    • Uaqtauttaaqtuq uunaqtumi, irmiuhiqhimajumi imarmi, uaqtauttaaqtuqluunniit uarhiliruvin aallanik aannuraanik.
    • Igilirungni, ililugu iqqakuuqvingmun palaastik puumulluunniit.
  4. Piirungni akuliamun matu, atuffaalugu Qanuriliuruti 1.

 


Havagviat Pivalliayuliqiyitkut Ingilrayuliqiyitkullu kivgaqtuutikhait ilitturipkaidjutit - Maassi 27, 2020

Havagviat tunihiniaqtut tadja hivikittumut ikajuutikhainnik Nunavunmi nanminirijaujut talvuuna Mikijunut Nanminirijaujunut Ikajuutikhat Pinahuaruti.

Pittaaqtut nanminirijaujut uuktuqtaaktut imaatut aktigijumik $5,000 ikajuutikhamik imaatut talvuuna akiliffagakhaittumik ikajuutit.

Uukturumajut mikijut nanminirijaujut aallanik naunaiqhitikhamingnik pittaaqtut talvani: https://gov.nu.ca/edt/programs-services/small-business-support-program

EDT-kut havaqatigijait aallatqiiktut ukuat chambers of commerce, Chamber of Mines ukuallu aallat havagviujut katimajiit pinahuarutikhanik naunaitkutikhainniklu ilaujunit kiudjutikhanik ilaujunit.

Hamna naunaitkut pijauhimajuq katitiqtauniaqtuq qaujihaqtaulunillu GN-kunit havaqatigijainnillu nakutqijamik kangiqhidjutikanik hadja nahurijaujuniklu aktuutaunikhainnik haffuma qalagjuarniq COVID-19 aanniarutip Nunavunmi maniliurutikhanut.



Havagviat Pivalliayuliqiyitkut Ingilrayuliqiyitkullu kivgaqtuutikhait ilitturipkaidjutit - Maassi 24, 2020

Aulahimaaqtun kivgaqtuutit:

  • Milviit atuqpagainut aulapkaininngit unalu munarijakhangit aullahimmaarniaqtut.

Ihuaqhaqhimajut kivgaqtuutikhait:

  • Tamaita aallat havagviujut kivgaqtuutikhait nuutirnialiqtut havaktaulutik aimaviinnit, Aulapkaijit aallallu havaktukhaujut havaktit havangniaqtut havgvingmingni.
  • Akhaluutiliqinikkut Atiliurnikkut imaalu amihunut Laisikhanik nutannguqtirutikhat havaktauhimmaaktut huli.
  • Inuup Naunaitkutait piksalik tunijauttaaqtut qilamiurutaukpata.
  • Nutaanik Akhaluutituutikhanik Aqudjutikhanik Laisikhanik havaktaujunaittut qakugu tuhaqtitauniaqquhi.

Umikhimaniaqtun/Nutqaqtitauniaqtun/Aulahimaitun Hadja kivgaqtuutikhainnik:

  • Tamaita amigakhuutaungittut Akhaluutituutikhat Kivgaqtuutikhat ilaujut Aqudjutikhanik Ihivriuqhidjutit, Tamaita Aquinikkut Pinahuarutit, Tamaita havagviujunni katimapkaivikhait imaalu ingnik ajuiqhaudjijukhat.
  • Qilamiurutaujunut tukhiutit, hivajadjavutit contact your local Akhaluutiliqinikkut havagvik, EDT@gov.nu.ca, hivajautaa 1-888-975-5999.
     


Havagviat Pivalliayuliqiyitkut Ingilrayuliqiyitkullu kivgaqtuutikhait ilitturipkaidjutit - Maassi 20, 2020

Ihuaqhaqhimajut kivgaqtuutikhait:

  • Amigarnaqtukkut tukhirutit Akhaluutini laisighanik atiliurutiniklu havagutit havaktauniaqtun qaritaujakkut. Titiraqvigilugu EDT@gov.nu.ca hivajaqluguluunniit 1-888-975-5999.

Umikhimajut/Taimaaqtihimajut/Nutqaqtihimajut hulidjutit:

  • Atuqtauranginnaqtut Akhaluutit laisikhainnik imaalu atiliurutikhanik kivgatuutikhat taimaaqtitauhimallangniaqtut aullaqtirluni March 23mi.
     


Havagviat Pivalliayuliqiyitkut Ingilrayuliqiyitkullu kivgaqtuutikhait ilitturipkaidjutit - Maassi 19, 2020

Kihiani uqagiikhimavakhimayuq, tapkuat havagviuyut ikayukhimaanginaqtun aulahimayukhat  havaangani havaktamingnik. Ilitugidjutikhangit nuititihimaarniaqtugut ubluq tamaat. 

Umikhimaniaqtun/Nutqaqtitauniaqtun/Aulahimaitun Hadja ikayuutikhat:

  • Tamaita Akhaluutikkut Aqudjutikhamingnik Ihivriuqtauhukhat nutqaqtitaujut talvunga aglaat Qitiqqautijuq 7.
  • Katimajunut pinahuaruti Aquivaktunut Pulaarviit nutqaqtitaujut.