Havaktingit

You are here

GN-kut atiliuqtut Naunaitkut Angiqatigiingnirmut (MOU) ukuallu nunaryuami umiaryuakkut aulapkaiyit katimayiitlu

Iipu 16, 2019

Tuhaqtitauyukhaq

GN-kut atiliuqtut Naunaitkut Angiqatigiingnirmut (MOU) ukuallu nunaryuami umiaryuakkut aulapkaiyit katimayiitlu

Iqaluit, Nunavut (Qitiqqautijuq 16, 2019) – Nunavut Kavamangat (GN) ukuallu Association of Arctic Expedition Cruise Operators (AECO), ublumi atiliuqtuuk Naunaitkut Angiqatigiingnirmut (MOU) havaqatigiiklutik umiaryuakkut aquivaktunut ukiuqtaqtumi.

“GN-kut piniaqhimayut aallanguqtiqpalliadjutikhainik ihuatqiyamiklu maniliurahuarutikhanik inmikkurahuarutikhaniklu havaahaqaqtitilutik nunani taffumani umiaryuakkut havagviuyukhanik, “uqaqtuq Pivalliayuliqiyitkut Ingilrayuliqiyitkullu Minista, David Akeeagok. “Hamna Naunaitkut Angiqatigiingnirmut (MOU) naunaiyautikhat havaqatigiittiarlutik ihuaqtumik timiqutauyullu kivgaqtuiyut havaqatigittiaruhikhainik timiuyullu kivgauyut amigaitunut umiaryuakkut aulapkaidjutikhanik Kanatami Ukiuqtaqtumi.”

Angirutat ikayuutauhunguyuq havaqatigiittiarutikhainut ukuat aulapkaiyingit umiaryuakkut aquiyut ukuallu Nunavunmi naminiqaqtunut. Naunaitkut Angiqatigiingnirmut (MOU) naunaiyaqhimayait havaqatigiigutikhangit, ilauyullu pidjutikhanik Nalunaiqsijiit: Inuit Umiaryuakkut Ilihautikhainik Uuktuutikhangit, Umiaqparnut Upalungaiyautikhat! Nunallaani Upalungaiqhimanirmik Ayuiqhaqatigiiktut; amigaitilanginik tuhaqtitinirmut maliqayakhangit piliurutikhanik nayuganni maliktakhainik aturlugit Inuit Ilitquhiitigut Itquumadjutingit ukuallu GN-kut Havagviat Pitquhiliqiyitkut.

“AECO akhuuqtut munaqhiplutik aullaranginaqtukhanik munarittiaqtuniklu aquinikkut atuqtakhainik Ukiuqtaqtumi,” uqallaktuq Figg Jørgensen, Aulapkaiyingat AECO-kut. “Ihuaqtunik atuqtakhainik havaqatigilugillu nunangit hivulliuyumayaqqut ilauyunut. Ukpiruhuktugut munaqhittiaqtut aquinikkut pulaktukhanik naunaitkutiqaqtukhat ihuaqtunik pitquhirmingnik takupkaiyut, pittiarlutik piqatigiigutikhainik nunamingni ikayuutikhainiklu. Quyagiyavut ilaugapta Naunaitkut Angiqatigiingnirmut (MOU) ilauqatigiplugit Nunavut Kavamangat takuyumayavullu ihuaqpiaktut havaqatigiigutikhavut amigaituni uuktuutikhainik.”

AECO-kut nunaryuami katudjiqatigiiktut kivgauplutiklu amigaitunik umiaryuakkut aulapkaiyinik aquivaktunik Nunavunmut.

###

Tuhaqtidjutikhanut Uqarvikhaq:

Matthew Illaszewicz
Atannguyaq, Tuhaqtidjutinun
Pivalliayuliqiyitkut Ingilrayuliqiyitkullu
Nunavut Kavamanga
867-975-7818
867-222-0122 (cell)
millaszewicz@gov.nu.ca

Frigg Jørgensen
Atannguyalluaq
Association of Arctic Expedition umiaryuakkut Operators (AECO)
0047 913 90 554
frigg@aeco.no