Havaktingit

You are here

GN-kut haavittiyut Nunavunmi Inungnit Hanauganut Uuktuutikhaq

Julai 31, 2020

Iqaluit, Nunavut (Taaqhivaliavia 31, 2020) – Nunavut Kavamanga (GN) ubluni haavittiyut Nunavunmi Inungnit Hanauganut Uuktuutikhaq to ikayuutikhanik nunamingni hanaugaqtit aanniarutautilugu COVID-19 qalagjuarniq, quviahuutigilugit avikturnianni hanaugaktit.

“Hamna quvianaqtuq uuktuutikhat tunihiniaqtut ihariagiyauqpiaktunik ikayuutikhainnik nunamingni hanaugaktinut pivikharaluangit aktuqtauvakhimayut taffumanga COVID-19 qalagjuarniq,” uqaqtuq Ministauyuq Havagviat Pivalliajuliqijikkut Ingilrajuliqijitkullu David Akeeagok. “Takupkaivikhaat piliuqtauvakhimayunik, mahulingaittumik imaalu pimmarikpiaktunik ayuinninginnik hanaugaktit, pimmarikpiaktunik piliurutainnik nunaptingni.”

Nunavunmi hanaugaktit uuktuquyauyut piyaamingnik akkungani $5,000 unalu $50,000 akikhainnik akiliqtakhat pidjutiqaqtut piliurninganut ilaiuraidjutikhanullu hanaugarmingnik. Hanaugaktit havaangit titirauyaqtauyiukhat ihumaliurutikhanut umani Inuuqatigiitsiarniq – pimmariktumik pilugit aatlat, piqatigiiktarnik munarilugillu inuit.

GN-kut akiliqhiniaqtut pukuktauhimayunik hanaugaktinik ikaarniinik, akilikhiniaqtut akiliqtakhainnik tamayanik ingilrutiniklu, imaalu tunihilutik ayuiqhaudjiyumut akikhainnik hanaugaktit ayuiqhaudjiyumakpata inulrammirnik imaaluniit ayuiqhimaittunut hanaugaktinut havaakhamingnik. Hanaugaktit pihimmaniaqtait ihumaliqutinut pilaatutit havaktgamingnut.

Piyumayut Nunavunmi hanaugaqtit aadjiliuqtaaqtut uuktuutikhanik titiraqtakhanik imaalu piyumagumik naunaittiarutikhanik uvani: https://gov.nu.ca/in/kikkutuinnat_sanauganginnit. Malruuniaqtuk maniliqtuutikhat pivikhainnik haffuma uuktuutikhangnik. Hivulliq nutqarvikhaa Niqiliqivik 17, 2020 imaalu tuklinik nutqarvikhaa uvani Apitilirvia 1, 2020.

###

Tuhaqtidjutikhanut Uqarvikhaq:

Nicholas Blachford                                                                                                                 
Tuhaqtitiliqiyunik Havakhimayunik Hunavalukharnik Havakti 
Pivalliayuliqiyitkut Ingilrayuliqiyitkullu
867-975-7826
NBlachford@gov.nu.ca