Havaktingit

You are here

GN-kut NTI paanariiliktut ihuaqhinahugittugu una NNI Maligait

Tissaipa 04, 2014

Inungnut Tuhaqtidjutikhaq 

Tuhaqtitauhaktukhaq

GN-kut NTI paanariiliktut ihuaqhinahugittugu una NNI Maligait


IQALUIT, Nunavut (Ubluirvia 4, 2014) – Nunavunmi Ministanga Pivalliayuliqiyikkut Ingilrayuliqiyitkullu George Kuksuk unalu Nunavut Tunngavikkut Timinga Angiyuqqaaq Cathy Towtongie sainiqhimayaat Naunaitkut Angiqatigiinirmut (MOU) havaknahuaqtainut allan’nguqtirlugu Nunavummi Nangminiqaqtunik Ikajuuti (NNI) Maligait.

Tikittumayaat NNI Maligait amigaikyuumilugit ilauyut Nunavunmi, Inuit, nunallaamilu nanminiqaqtunut ukunani Nunavut Kavamanga kaantraanut, piyakhauyumi talvani Nakataq 24 uumani Nunavunmi Nunataagutit Angigutaanut.

MOU sainiqtauhimayut talvani Sivummut IV katimakyuaqtuni Iqalungni.

“Nanminiqaqtut Nunavunmi ikayuqtautkuyavut kavamatkut kaantraanginnit,” uqaqtuq Minista Kuksuk. “Paanarivlugit Nunavut Tunngavikkut Timinga, ihuaqhaqniaqtakkut una NNI Maligait havaqatigiiktuni Ikayuutikhanullu pilutik taimaatut nutaaq Maligait ilauyut uqarumayait tamangnit paanariiktunit.”

“Tikittumayakkut nutaanguqtirlugu Maligait ihuatqiyauyumut nakuuyumiklu pidjutikhanut Inuit naminiriyainni Ikayuutikhanullu havaakhanut havaktillugillu Inuit maliklugu Nunavunmi Nunataagutit Angigutaanut,” uqaqtuq NTI-kuni Angiyuqqaaq Cathy Towtongie.

MOU ihuaqhivagait piyakhait nutaanguliuqtakhallu uumunga NNI Maligait.

Tikittumayaat nutaanguqtirlugit Maligait upinngaami aippaagu ukiungani.

###

Naunairumagungni uqaqvigilugu:

Matthew Illaszewicz
Atannguyaq Tuhaqtidjutikhanut
Pivalliayuliqiyikkut Ingilrayuliqiyitkullu
Nunavut Kavamangat
867-975-7818, 867-222-0122 (tigumianganut)
millaszewicz@gov.nu.ca

 

Kerry McCluskey
Aulapkaiyi Tuhagakhanut
Nunavut Tunngavikkut Timinga
Hivayautaa: 867-975-4914 Tigumiaktaanut: 867-222-2893
Akiittumut: 1-888-646-0006
kmccluskey@tunngavik.com

Ilaliutihimayuq: Kangiqhidjutaa

 

 

NNI Maligait Kangiqhidjutaa

 

NNI Maligait una Nunavut Kavamangat piyumayainut  pilugu Maligait, piliuqhimayaat havaqatigiikhutik Nunavut Kavamanga unalu Nunavut Tunngavikkut Timinga.

Pinahuaqtait taimaa: nakuuyut ihuaqhutiklu pinahugittuygit pinahuaqtamingnut; hakugikhiyuumilugu nunami maniliurutikhat; amigaitittugit Inuit ilauyuni; ilihautikhanut ayuiqhautikhanullu Nunavunmi.

NNI Maligait piliuqhimayuq malruknit titiqqanit: Nakataq 24 uumani Nunavunmi Nunataagutit Angigutaanut (NLCA) unalu Nanminiqaqtunut Ikayuutikhainut Maligait (BIP) Nunattiami.

Nakataq 24 NLCA-mi Naunaikpagait kavamatkut piyakhait Inungnut ukaullu Inuit havakviit pidjutikhainut kavamatkut pinahuaqtainut. Una BIP Nunavutip pilluarumayaat kaantrakhanut Maligait atuliktinnagu Nunavunmu pihimayuq NNI Maligait talvani Qitiqauyaqvia 1, 2000.

NNI Maligait pivagait ikayuutikhat nunallaani ukiuqtaqtumilu nanminiqaqtunut havaakhanullu BIP-mit. NNI Maligait pihimayuq malruknit titiqqanit, ikayuutikhaliuqhutik atuqtakhainut nunallaani, Nunavunmi ukuallu Inuit naminiqaqtuni havaktunilu.

Tikitkaangata tallimat ukiungit, NNI Maligait naunaiyaiyit katimayiit naunaiyakpiakpagaat una NNI Maligait.

Tadja naunaiyaidjutaat ihumagiyatit malruk unnirutikhak: maligaliqivikmi Borden Ladner Gervais’ 2012 Angiyuq Unnirutikhaq talvunga NNI Maligait Naunaiyaiyit Katimayiit unalu NNI naunaiyaiyit katimayiit 2012 NNI Naunaiyakpiakyutigiyaat. Tamangnik uqariyait Maligaliurvikmi talvani Apitilirvik 2013. Takuinnarialgit talvani NNI Katimayiit (NNI Secretariat) qaritauyakkut takuyakturviani: www.nni.gov.nu.ca.