Havaktingit

You are here

Ikayuuhiakhanut ihivriuqhidjutikhanik– nunagiyauyut ilautquyauyut

Saptaipa 11, 2015

Tuhaqtidjutikhaq

Ikayuuhiakhanut ihivriuqhidjutikhanik– nunagiyauyut ilautquyauyut

IQALUIT, Nunavut (Apitilirvia11, 2015) –Havagviat Inuuhiliqiyikkuni and Pivalliayuliqiyikkut Ingilrayuliqikkullu pinahualiktait pitquyauhimayut kavamatkut pinahuaqtainik katimaplailutik inungnik ilaupkailutik tamaini Nunavunmi nunalaani ihuaqhaidjutikhanik qanuriliurutikhamingni Ikayuuhiakhanut ihuakhiyumiqtirilutik ilihautikhanik ayuikhavikhaniklu, havaakhanun pivalliadjutikhanik, havaakhanik maniliurutikhaniklu pivallianikkut.

"Tadja, 45 pusantiuyut Nunavunmiut tuniyauvaktut ikayuuhiaqtaqpaktut, imatut aktigiyumik $40 millian ukiuq tamaat," uqaqtuq Minista Inuuhiliqiyikkut Jeannie Ugyuk. "Tikittumayait hapkunani katimapkaiyuni havaqatigilugit nunalingni naunaikhidjutikhainik Ikayuuhiakhanut ihuatqiyamik ikayuutikhanik Nunavunmiut ayuikhayaktuqpalirumik ilihaqtakhanut havaakhanunlu hailiyunut ayuikhavalirumik."

Kavamatkut Nunavut pivallialiqtut pinahuaqtamingnik talvani Sivumut Abluqta ihivriukhilutik Ikayuuhiarnikkut piyamingnik ikayuqtaulluaqtukhat ikayuqtauvagianginik, pivalliadjutikhaniklu pivalliriangini hivuniringnaqtumik tamainut inungnut. Hamna pinahuaqtaqqut ilauyuq atani tukliani hivulliutiyakhanut inuuhiringnaqtumik ilagiiktuni hakurikkamik akhuuqpiaqhutiklu nunalaanut.

Katimapkaidjutit ikayuutauhunguyut pivalliadjutikhanut uuktuutikhanik havaakhaqaqnaqtumik nunalaani.

"Kavamatkut Nunavut kangikhiyumayut tadja maniliurutikhanik hakkuriutikhainik qanuqtutlu amigaigyumidjutikhainik havaakhaniutikhanik pivalliadjutikhaniklu tamaini nunalaani," uqaqtuq Minista Pivalliayuliqiyikkut Ingilrayuliqikkullu Monica Ell. "Una nunagiyauyut ilautquyauyut naunaikhitiginiaktavut kiudjutainit qanuqtut ihuaqhiyumiutikhainik pinahuarutiptingnik."

Allaluttauq tikinnahuaqtakhaqqut naunaiklugit qanuqtut Nunavunmiut hanaqidjutikhainik qanuqtut avikturniani maniliurutikhanik.

Ilangit pinahuaqtakhavut naunaiktauhimayut inungnit katimayunit ilauyut:

  • Ihumagiyauyut qanuriliurutikhatlu allangutikhainik Ikayuuhiarnikkut ikayuutikhanik imikkuliutikhainiklu.
  • Nunani avikturnianillu uqaqatigiikpautainik havaakhainik Ikayuuhiaktiliqiyit nunaptingni.
  • Nunani avikturnianillu uqaqatigiikpautainik qanuqtut uuktuutikhainik inulramiit ilihariaqpakkumik ayuikhayakhanut hailiyunut.
  • Naunaiklugit turraagvikhangit hapkuat ikayuuhiarnikkut havaakhanun pivalliadjutikhanik pinahuarutit.
  • Kangiqhivalliadjutikhainik ayuqhautauvaktunut taimaaqtirnahuarutikhanik ikayuuhiaqpaktunut.
  • Nunani uqautigilugit pivalliadjutikhat hakurikniqaqtut hailiyutlu

Katimapkailikhunguyut Apitilirvia inirniarutimingnut ukiakhamut. Naunaikhilutik inungnut qakugu nunapfingni katimapkaivikhanik, takulugu gov.nu.ca/ilagiit-pivikhaqautikhainik/tiuhaqtakhanik/nunani-katimapkaiyunik-ikayuuhiarnikkut.

###

Tuhaqtipkainikkut Uqaqatikhaq:

Sara Tufts
Atugakhanik Naunaiyaiyi
Havagviat Inuuhiliqiyikkuni
867-975-5201
stufts@gov.nu.ca
 

Matthew Illaszewicz
Atannguyaq, Tuhatipkainikkut
Pivalliayuliqiyikkut Ingilrayuliqikkullu
867-975-7818
millaszewicz@gov.nu.ca