Havaktingit

You are here

Kavamaita Kanatamun Nunavunlu Uqaqtut Ikayuutiumayut Utiqtiffaagumaplugu Sanikiluap Mitip Mitkuanik Havagvikyuanga

Maassi 05, 2015

Tuhaqtipkaiyuqhaq

Qilamminnuaq tuhaqtipkaiyuqhaq

 

 

Kavamaita Kanatamun Nunavunlu Uqaqtut Ikayuutiumayut Utiqtiffaagumaplugu Sanikiluap Mitip Mitkuanik Havagvikyuanga

Una maniliugutikhaq pipkainiaqtuq anggiyuamik maniliurutikhamik nunallaamun

 

Maassi 5, 2015 – Iqaluit, NU – Kanatami Uqiuktaqtuni Pivalliayuliqinirmun Katimayiita (CanNor mik naittumik taivagaat) Nunavut Kavamangalu (GN mik taivagaat)

Uplumi, Minista Leona Aglukkaq Ministalu Monica Ell uqaqtut Maniliugutikhaq ikayuutiniaqtuq Haamalat kunnut Sanikiluaqmi utiqtiffaagumaplugu mitip mitkuinik havagvikyuanga, taimaatunlu pigumik amigaikyuummigutiniaqtuq havaakhanik maniliuqvikhanutlu. 

Amigailingmatta piumayunut nunaqyuami nakuuqpiaqtumik mitip mitkuiniq pitjutiliqtuq utiqtiffaagutikhaanut havagvikyuangga Sanikiluaqmi.  Una havaakhaq piqariami nunallaammiitumik niuvvaaviliqivikhamik imaatun pitjutiniaqtuq katitirilutik mitip mitkuinik, ihuaqhaffaaqtauluni igluqpaq havagviani havalaqiyaami auladjutikhanut, piqaliqlutiklu pilihaaqtumin iniqtiqpiakhimaliqtunik nakuuqpiaqtumik mitkuinik.

 

Qilaminnuaq Kangirhitjutit  

  • CanNorkut maniliurnahuangnitigun uvani mitip mitkuitigut $28,952 taalauyuq. Nunavut Kavamani Pivalliayuliqiiyitkunni Ingilrayuliqiiyitkunnilu ikayuutiniaqtut $107,394 taalamik, Haamlanga Sanikiluaqmi ilaliutiniaqut $39,511 taalamik, atauttimun maniliurniakhimatjutikhaat $175,857 taalauyuq.
  • Una havaakhaq ikayungniaqtuq utigutifaagutikhaanut pitjutingmantauq pitkutigun hulilukaaqtilluni talvalu pitjutiplutik pivikhamik ikayungnirmun nanminikhamun. 
  • Mitip mitkuita aadlamiklu pivikhainmat piumayauqpiaqpaqtuq iluvguagutikhamik, nungguttilimainmat aadjikkiikangginmatlu.  Atuqhutik mitip mitkuinik qipikhanut ilanggit akikaliqpaqtut $10,000. Taalamik.

 

Titiraqtauhimayut Kimitmi  

 

"Kavamativut ilitturihimayut puiruqtaurarhaunggittut ikayutiriittiarniq amigaikyuumikhaanutlu maniliurahuarniqmun Nunavunmi.  Una maniliugutikhaq pivallialiqlutik mitip mitkuinik havaakhainniq ikayuutiniaqtuq havaakhaqaqtittilutik ihariahungnairiamilu inungnut Sanikiluaqmi’.

Leona Aglukkaq

Minista Avatiliqinikkut, Minista Kanatap Uqiuktaqtumi Maniliurnahuat Katimayiita, Ministauyuqlu Uqiuktaqtup Katimayiiyiryuani

 

 

“ “Nunallaami maniliurahuarnirmun nakuutqianguyuq pitjutigumik pihimayumik nunallaami nauhimayut nunamiittunik pivikhaita ayuingnigitlu.  Tamaita nunaallaat, taapkuat Sanikiluaq, aadlanggungman pivikhaqaqtut havaqaqyuangnirmun Nunavut Kavamaitalu ikayungniaqtut taimaatun piligiami”.

Monica Ell

Nunavutim Ministanga Pivalliayuliqiiyitkunni Ingilrayuliqinirmunlu

 

Una havaakhaq uuktuqtauyuq ilaliutigiplugit atukhugit nungnguyuittunik piutainnik pitkuhiitlu atuqpakhugit Inuinnait anguniangnitigun aannuraaliungnirmunlu nakuutqiakpiaqtunik pivikhanik piumaqpiaqtauyunik nunaqyuaptingni.  Una havaakhaq takudjutiyuq alianaqtumik pitjutiyut nunaptingni maniliungnahuarnirmun havaaqaqtittiniakhunilu quviahuutigiyauniangmanlu inuutiptingnut”.

Frank Audla

Maiya Sanikiluaqmi

 

 

Ilaliutiyauhimayut Qaritauyakkut

CanNor kut Ikayuqtait Uqiuktaqtumi Kuuaanggit Anggikliqyuummikhugit

http://www.cannor.gc.ca/eng/1389637014654/1389637044685

 

Kantaup Kavamaita Maniliungnahuat Nunallaami Pivalliavikhamik Kugluktumi

http://news.gc.ca/web/article-en.do?nid=876909&tp=1

 

CanNor Imaniliungnahuat Kinngait Mikhaitigun Hanaukaniklu Nunallaami

http://news.gc.ca/web/article-en.do?nid=862799&tp=1

 

-30-

 

Hivayaqlugit Takuyaqtuilugitluunniit

 

Naunaittiagumagivt, Hivayaqlugit hapkuat:

 

Aaffissiata Nan’ngariyauyuq Leona Aglukkaq

Ted Laking

819-997-1441

 

Kanatap Uqiuktaqtumun Maniliurnahuaqtiit Katimayiita

Craig Welsh

Tuhaqptipkaiyinirmun Uqaudjauyi, Nunavut Avikturviani

867-975-3722

CanNor kut havaktut pivalliayaami anggiyumik, pihimmaaqtunik pidjutiumaqpiaqtuniklu maniliurnahuangnikkut tamaani Kanataup pinggahuuyuni avikturviitni nunattianggit, aulattihimayutlu uqiuktaqtuup malikkuutainnik maniliurnahuarnirmun pivikhainnik, Uqiuktaqtup Havaanggit Munariyiiyit Aaffissiata imaalu pidjutiplutik atuqtakhanik ihivriungnirmunlu. 

 

 

Nunavut Kavamangga

Matthew Illaszewicz
Atan’nguyaq, Tuhaqtipkaiyiliqiiyini
867-975-7818

 

Haamlatkut Sanikiluaqmi

Daryl Dibblee

Atan’nguyaat

867-266-7900

 

Naunaittiagumaguvit CanNor tigun, qaritauyaannunggaulutin cannor.gc.ca

 

Naunaittiagumaguvit Canadap Uqiuktaqtuni Ihumaliurninggatigun, qaritauyaannunggaulutin: northernstrategy.ca