Havaktingit

You are here

Minista Aglukkaq Tuhaqtidjutigiyaa Kanataup Manikhainut Iqalungni Tariumi Tulaktarvikhaanut unalu Tariumi Umiakturtunut Uhivaktunut Tulaktarvikhaq

Julai 30, 2015

Tuhaqtidjutikhaq
Tuhaqtitauhaktukhaq

Minista Aglukkaq Tuhaqtidjutigiyaa Kanataup Manikhainut Iqalungni Tariumi Tulaktarvikhaanut unalu Tariumi Umiakturtunut Uhivaktunut Tulaktarvikhaq
Havaakhaq ikayuutauniaqtuq maniliurutikhanut Ukiuqtaqtumi ihuaqhiyuumipkaklugillu inuuhiudjutikhait Iqalungmiutanut quyagiyauyut Nutaaq Kanatami Nappaktigakhanut Qanuriliurutikhaq

Taaqnirmun Aullaqtirvia 30, 2015 Iqaluit, Nunavut

Nan’ngariyauyuq Leona Aglukkaq, Ministangat Avatiliqiyikkut, Ministangat Canadian Northern Economic Development Agency, Ministangat Ukiuqtaqtumi Katimayiit, and Member of Parliament (MP) for Nunavut katimaqatigiyait ublumi ukuat Monica Ell, Hivuliqtiup Tuglia, Ministangat Auladjutikhanut, Ministangat Uyaraqhiurtinut, unalu Ministangat Pivalliayuliqiyikkut Ingilrayuliqiyitkullu, unaluttauk Simon Nattaq, Miiyap Tuglia Iqalungni, to announce federal manikhanut talvunga $63.7 million uumunga Iqaluit Tulaqtarvikhamut Havaakhaq ataani Nutaaq Kanatami Nappaktigakhanut Qanuriliurutikhaq. Havaakhaq ihuaqhiudjutauniaqtuq inuuhirmut atuqtakhanullu uqhuqyuaqhanullu Nunavunmiutanut, hanalugulu nutaaq mikiyunut qayanut tulaktarvikhaq, pivikhaqaqluni aulavikhamut anguyaqtinut qiniqhiayinullu, ihuaqhiyuumihimmaarlugillu maniliuqpalliadjutikhaq Ukiuqtaqtumi.

Iniqtaukpat, nutaaq tulaktarvikhaq unalu umiakyuanut akyaktinut atuqtakhait ikayuutaukpiakniaqtuq uhiiyarianginni utaqqipkaihimaittumik uhiyamingnik ihuaqhiyuumivlugillu havaktunut qayagidjutikhat. Pidjutigilluaqniaqtait:

  • Ikikliyuumilugu hivitunia uhiiyaktunut uhiyamingnik qinipangittunik hunavalungnik 60-nit havakpagaluanginnut ubluni 20-nut;
  • Ikiliyuumilugu uhiiyaiyunut hivitunianut 15-nit havakpaktaraluanginnut ubluni 5-nut nakuuhiudjutivlutik ihuirutinut avatingnut;
  • Qayangnaiklugu, imakmungariami imaiktitkaangat, mikhilaaqlugulu mikiyunut qayanut ahiruqpaktunut – ihuaqhiyuumilugu imakmungariami iqalukhiurtunut an’nguniaqtunullu qayakturhutik;
  • Pidjutikhaqaqlutik qayangnaittumut tulaktarvikhamut umianut ayuqhaqqata atuqtaunginnariaqaqhunilu Auladjutikhanut anguyaktinut qiniqhiayunullu;
  • Ihuaqhiyuumiluni pivikhaanut Nakuuyunut maniliurpalliadjutikhanullu Ukiuqtaqtumi;
  • Ihuaqhiyuumidjutigilugit Kanataup Ukiuqtaqtumi Ataniqtuidjutikhainut.

Una auapkaijutikhanut ikayuutikhaq maniliurutikhanut Iqalungni, Nunavutip atan’nguyarvianut, nutaaniklu pivikhanigiangani Nunavunmiutanut ikayuutigilugit aviktuqhimayuni ulapqipkaidjutikhainut, nunamit pivikhaanut aquivaktunullu aullaaqtittivagianginni.

Nutaaq Kanatami Nappaktigakhanut Qanuriliurutikhaq Angitqiyauyuq hivutinikhaqaqhuni aulapkaidjutikhanut qanuriliurutikhaq Kanatap naunaitkutainni.

Una hivulliq havaktakhaat tunihiniaqtut $53 billion ikayuqlugit aviktuqhimayuni, avikturviinni haalatkunullu aulapkaidjutikhanut, akun’ngani 2014-mit 2024-mut.

Itquumadjutait

  •  Kavamanga Kanatami piumayaat una havaakhaq manikhanut ihumagilugu taimaatut 75 pusat pittaaqtainut akikhanut, kiklikhaqaqluni taimaa $63.7 million ataani Nutaaq Kanatami Nappaktigakhanut Manikhaat Aviktuqhimayuni-Avikturviinni Aulapkaidjutikhanut Pivikhaanut-Nnunakyuami Aviktuqhimayunilu Havakhat. Una manikhaq pihimayuq havaakhamut piyakhanut maliktakhat ihumagivlugu una Nutaaq Kanatami Nappaktigakhanut Manikhaq sainiqlugulu ikayuutikhanut angirutikhaq.
  •  Kavamanga Nunavut akiligakhait tamaita avaliiqtut akikhait havaakhamut, taimaa akikhariniarungnaqhiyaat $21.2 million tamaat havaakhamut akikhariniarungnaqhingmagu $84.9 million.
  •  Una $53 billion Nutaaq Kanatami Nappaktigakhanut Qanuriliurutikhaq tunihiniaqtut Nakuuyunut manikhanut hivituniani qulini ukiuni, ilagivlugit ukuat:
    • Nunallaanut Ihuaqhaidjutikhanut Manikhaq, ilagiyait Kaasiliinut Itkaptaaksiutinut Manikhat unalu aikihiyuumiyunut Hunavalungnut Havaktauyunullu Itkaptaaksiutinut Akiliuhiaffaarutikhainut Haamlatkunut, tunihiniaqtut angitqiyaanit $32 billion haamlatkunut havaakhanut apqutikhanutut, inungnut uhidjutikhanut ulapqiviita iglukpakhainullu, aallanullu nunallaami aulapkaidjutikhanut.
    • Una $14-billion Nutaaq Kanatami Nappaktigakhanut Manikhaq, iligiyainut ukuninga:
      • Una $4-billion Nunakyuami Aulapkaidjutikhanut Ilanga ikayuutauniaqtut havaakhanut nunakyuamut ihuaqtunut; unalu
      • Una $10-billion Aviqtuqhimayuni-Avikturviinni Aulapkaidjutikhanut Ilanga havaakhanut nunakyuami, aviktuqhimayuni nunanilu ihuaqtunut. Uumanga manikhaanit, $1 billion havaakhanut nunallaani ikitqiyauyunut 100,000-mut nunamiutanut taaffumuuna Mikiyunut Nunallaanut Manikhaq.
    • Aallalu $1.25 billion manikhaq ukununga Inungnut-Nanminiqaqtunullu Paanariiktunut (Public-Private Partnerships - P3) Kanatami Manikhaq havaariyaanut PPP Canada-kut.

Uqaqtauhimayut

"Kavamakput havakpiakpaktut nakuukpiaktumik ikayuutikhanik inungnut aulapkaidjutikhanut Nunavunmi. Tariumi aulapkaidjutikhat nakuukpiaktuq nunallaaptingnut taimaalu M.P-nguvlunga Nunavunmut quviahukpiaktunga aghuurutigigapku una havaakhaq ikayuutaukpiakniaqmat Nunavunmiutanut. Kavamakput havaqatigihimmaaqniaqtaat Kavamanga Nunavut piqaqhimmaariaptingni Auladjutikhanut manikhainut nunaptingni havaknahuaqtilluta havaakhaliuqluta, ikayuutigilugit angiklivalliadjutit, hakugikhiyuumilugit, ihariahungittunut nunallaanut Kanataup Ukiuqtaqturviani."

Nan’ngariyauyuq Leona Aglukkaq
Katimayiuyuq Kanataup Katimavikyuangani Nunavunmut
Ministangat Avatiliqiyikkut
Ministangat Canadian Northern Economic Development Agency
Ministangat Ukiuqtaqtumi Katimayiit

"Una havaakhaq pivalliadjutigivagaat amihuni ukiuni. Pidjutauniaqtuq, hivulliqpaami Nunavunmi, ikiyumi tulaktarvikhamik havagviuyunut, uhidjutinut umiakyuanut aquiyunullu umianut umiakturtunut, imaalu tulaktarvikhamik qayangnaqtumik nunami annguniaqpaktunut, iqalukhiurpaktunut qayakturtunullu. Havaakhaq nakuugiyauyuq Kavamanga Nunavunmit piyaulimaittunilu ikayuqpaktunut havakpiakpaktumullu M.P.-giyaptingnut ihumagivlugulu hivunngani Kanataup kavamanganit."

Nan’ngariyauyuq Peter Taptuna
Hivuliqti Nunavunmi

"Ministavlunga Pivalliayuliqiyikkut Ingilrayuliqiyitkullu MLA-nguvlungalu Iqalungnut-Manirajak, una nakuukpiaktuq tuhaqtidjutikhaq. Angiyumik aallannguqtirutauniaqtuq umianut akyaktunut hamani nunallaanullu. Nutaaq tariumi aulapkaidjutikhaq piyakhaq ihuaqhiyuumiyaanginni inuuhiudjutikhanut tamainnut Nunavunmiutanut angivluni ilanganut Nunavunmi Ingilradjutikhanut Qanuriliurutikhamut, Ingirrasiliqta. Havaqatigihimmaayumayavut Kavamanga Kanatami nappartirlugit tariumi atuqtauyakhanik aallanilu Nunavunmi nunallaani."

Monica Ell
Hivuliqtiup Tuglia
Ministangat Auladjutikhanut
Ministangat Uyaraqhiurtinut
Ministangat Pivalliayuliqiyikkut Ingilrayuliqiyitkullu

"Aliahuktunga quyagiyumavlugit Kanataup Kavamanga unalu Nunavut Kavamanga uuminga tuhaqtudjutaanut. Ikittuni uqautigivakhugu qilamik piumayauyumut tariumi tulaktarvikhamik mikiyunullu qayanut tulaktarvikhanik ihuaqhaidjutikhanut manikhanik, nakuukpiaktuq taimaa pidjutikhaq takugaptigu. Itquumagiyara ikayuutauniaqtuq havaakhanut nunami ihuaqhiyuumilugillu inuuhiudjutikhanut Ukiuqtaqtumiutanut. Ikayuutauniaqtuklu nunani qiniqhiayunut akikhilaaqlugit ayuqhautit qiniqhiayunut atuqpagainut."

Simon Nattaq
Miiyap Tuglia Iqalungni

Pidjutainut Qaritauyakkut Takuyakturviit

Kanghiqhiyuumiyumagungni Nutaaq Kanatami Nappaktigakhanut Manikhaq Aviqtuqhimayuni-Avikturviinni Aulapkaidjutikhanut Ilanga – Nunakyuami Aviktuqhimayunilu Havaakhat, qaritauyakkut takuyakturlugu http://www.infrastructure.gc.ca/plan/nrp-pnr-prog-eng.html.

Aallanut naunaitkutikhanut uumunga Nutaaq Kanatami Nappaktigakhanut Qanuriliurutikhaq, qaritauyakkut takuyakturlugu http://www.infrastructure.gc.ca/plan/nbcp-npcc-eng.html.

Aallanut naunaitkutikhanut qanuq Nunavunmi haamlatkut piliurianginni tariumi tulaqturvikhanik nunallaanilu apqutikhanut, taiguaqlugit Nunallaani Ingilradjutikhanut Hanaqidjutikhanut Havaakhauyunut: http://gov.nu.ca/edt/programs-services/community-transportation-initiatives-program.

Kanghiqhiyuumiyumagungni Kavamanga Kanataup piniaqtait havaakhanut maniliurutikhanullu takulugu Kanataup Maniliurutikhainut Qanuriliurutikhaq talvani http://www.budget.gc.ca/2015/home-accueil-eng.html.

- 30 -

Uqaqvigivikhat

Vincent Rabault
Tuhaqtidjutikhanut Titiraqti
Havagvia Ministaup ukunani Infrastructure, Communities and Intergovernmental Affairs unalu
Ministangat Economic Development Agency of Canada for the Regions of Quebec
613-943-1838

Matthew Illaszewicz
Atannguyaq, Tuhaqtidjutikhanut
Pivalliayuliqiyikkut Ingilrayuliqiyitkullu
867-975-7818

Eva Michael
Tuhaqtidjutikhanut Titiraqti
Iqaluit (867)
975-8525

Infrastructure Canada
613-960-9251
Akiligakhaittumut hivayautaa: 1-877-250-7154
media@infc.gc.ca
Takuluta Twitter-mi uumani https://twitter.com/infc_eng