Havaktingit

You are here

Minista Aglukkaq Tuhaqtitiyuq Manikhanik atuqtauyukhamik Nutaamik Umiat Tulakvikhanik Mittimatalingmi

Immaktirvia 26, 2015

Tuhaqtidjutikhaq
Tuhaqtitauhaqtukhaq

Minista Aglukkaq Tuhaqtitiyuq Manikhanik atuqtauyukhamik Nutaamik Umiat Tulakvikhanik Mittimatalingmi
Havaakhaq pilahipkaktat quyagiyaqqut Nutaamik Hananiq Kanatami Upalungaiyautit

Imaruqtirvia 26, 2015 Mittimatalingmi, Nunavut

Pivalliayuliqiyikkut Havagviit, Minista Ukiuqtaqtumi Katimayiit unalu Nunavut Maligaliuqtirjuaq upaktauhimayuq ublumi Joe Enook-mit, Nunavut Maligaliuqti Maligaliurvingmi Tununiq tuhaqtitiyuq Kanatap kavamangat manikhamik imatut aktigiyumik $30 millian hanadjutikhanik nutaamik umiat tulaktaqvikhanik mikiyutlu umiat talvani Mittimatalingmi, Nunavut.

Una anigyuq aullapkaitjutinginni piyumayatik tuniyauhimayuq talvanga Nutaamik Hananiq Kanatami Upalungaiyautit ikayuutauniaqtuqlu maniliurutikhanik pivalliadjutikhani Qikiktaalungmi, ikayuutauniaqtuqlu amigaikyutikhanik tikitvikhanik niqikhat, uqhukhat allatlu atuqtakhainik tamayakhainik nunamingni nunaqaqtut.

Hamna havakhaq ikayuutauqpiakhunguyuq nunamingni avikturnianillu maniliurutikhainik havaakhaqautilunillu hulidjutikhainiklu Nunavunmiut. Hamna havakhaq ikayuutauqpiakhunguyuq annguniaqtinut naniriaqtuqtunutlu, nunamingni nunaqaqtut qayangnaitqiyamik uhiiyagvikhaanik annguyamingnik, ihuatqiyanik havaktini qayangnaitumik akhirungnaitumiklu ingilrutinut qainanutlu. Mittimatalik ilihimayauyuq qiguqaqtuq takuyumayauyunik hikutlu qiqumaraanginaqtuq takuyumayauyunik aquiyunit ukiunga auyarangat ikayuutauhunguyuq umiakkut maniliurutikhank aulapkaidjutikhaniklu ikayuutauniaqtut angikliyuumiutikhanik aquiyunut nunamut.

Nutaamik Hananiq Kanatami Upalungaiyautit anginikhauyut hivitutqiyauyutlu Kanatap kavamangat aulapkaitjutikhanut upalungaiyautikhanik Kanatap pitquhiinik. Una allangayuq pinahuaqtat tunihiyut $53 billion-mik ikayuutikhanik Kanatap avikturnit, avikturniani nunamingnillu aulapkaidjutikhainik, akkungangni 2014-mit 2024-mut.

Qulini ukiuni hivituniani, Nunavut ikayuqtauniaktuq imatut aktigiyumik $419 millian kavamatkunit manikhanik, ilauyutlu angitqiyanik $256 millian atani Nutaamik Hananiq Kanatami Maniit.

Itquumayunik Kangikhidjutikhat

  • Kanatap Kavamangat pukuktat una havakhaq manikhanik ihumaliuramik imatut aktigiyumik 75 pusantimik pillayut akikhainik, anginiqaqtut imatut $30 millian atani Nutaamik Hananiq Kanatami Maniit Qablunaat Nunangannit/Avikturhimayumit Aullapkaidjutikhanginut Pidjutiqaqtut -Nunaryuami unalu Aviktuqhimayumit Havakhat. Una manikhat pidjutiqaqtut havakhat pillarutiqaqqata ihuaqtunik kavamatkut pittaarutikhaut atuqquyauhimayunik turrangayunik talvunga Nutaamik Hananiq Kanatami Maniit unalu atiliurutanik aittuutit angiqtauyuq. Kavamangat Nunavut munaqhiniaqtuq tamainik akiliqtauyukhanik akikhainik havakhap. Atauttimut akiqaqtuq hamna havakhaq imatut aktigiyumik $40 million.
  • Una $53 billion Nutaamik Hananiq Kanatami Upalungaiyautit ihuaqtumik manikhaqqtitiyut qulini (10) ukiuni hivituyumut, ilauyut talvani:
    • Una Nunalaani Ihuaqhaidjutikhanik Manikhainik, piqaqtut hapkuninga Kaasiliinut Taaksiutainut Manikhat angikliyuumiutaitlu Niuvigakhanut Havaktauyanullu Taaksiutikhanut Utiqtidjutikhat, Hamlatkunut , tunihidjutauniaqtuq avatqumayumik $32 billion hamlatkunut havaakhanut atuqtauyukhanut apqutinut ihuaqhautikhanik, inungnut akyautikhanik ulapqivikhanutlu igluqpainut atuqtauyukhanik, allaniklu nunalaani aulapkaidjutikhanginut .
    • Una $14-billion Nutaamik Hananiq Kanatami Maniit , ilauyut talvani:
      • Una $4-billion Nunaryuami Aullapkaidjutikhanginut Ilauyut ikayuutikhanik havaakhanut nunaryuami atuqtauyukhanik; unalu
      • Una $10-billion Qablunaat Nunangannit/Avikturhimayumit Aullapkaidjutikhanginut Pidjutiqaqtut havakhat nunaryuami, aviktuqhimayumit nunamingnillu atuqpaktut.Talvanga aktilanganit, $1 billion havaakhanut nunalaani ikitqiyainik umanga 100,000 inuriaktuqaqtunik talvuuna Mikiyut Nunalaat Maniktarvikhat.
    • Allamiklu ilaqaqluni imatut $1.25 billion maniqautikhanik talvanga Nunalaani Nanminiqaqtunut Paanariiktut (PP3) Kanatami Maniit munariyauyuq hapkunanga PPP Kanatami,

Uqaqtauhimayut

"Allanik Kavamatkunik piqaqhimaittuq maniliktuivaktunik uvaptuktut pivauhimtiktut Nunavunmi. Kavamanguqtirapta taima amigaikyumivaktavut nuutirutit imatutlu pivakhuta amigainikhanik maniliurutikhanik tamaini avikturniini. Ublumi Quviahuktunga tuhaqtitigama allamik anginiqaqtumik maniliurutikhanik ikayuutauniaqtumik maniliurutikhanut angiklitikhamik hamani avikturniini. Quviahuktugut tunihigapta maniliurutikhanik uuma Mittimatalingmi Umiat Aulapkaidjutikhanut Havaakhamik pidjutiginiaqtat anginiqaqtunik maniliurutikhanik ikayuutikhanik avikturniani imatutlu ikayuutauniaqtuq akitunikhanik akiliuhiakhainut havaakhaniklu Nunavunmi."

Nan'ngariyauyuq Leona Aglukkaq
Minista Avatiliqiyikkut
Minista Kanatian Ukiuqtaqtumi Pivalliayuliqiyikkut Havagviit
Minista Ukiuqtaqtumi Katimayiit
Nunavut Maligaliuqtirjuaq Nunavunmut

"Aullaqtirutaanit Kavamangat Nunavut pinahuaqtangit, akhuukpakhuta havaqatigivaktavut Kanatami qanuriliurutikhanik aulapkaidjutikhanginut maniliurutikhanik ikayuutikhaniklu maniliurutikhanut nunaptingni ubluni hivuniptingnillu. Akhuurumayugut hapfumanga tuhaqtitaudjunmit havaqatigihimmaaklugillu Kanatami unalu Ukiuqtaqtumi Katimayia (M.P.), allanik aulapkaidjutikhanginut havakhat tamaini avikturniani."

Nan'ngariyauyuq Peter Taptuna
Hivuliqti Nunavut

"Hamna atuqtakhainik nakuuyumik auladjutikhainik Nunavunmi. Atauhiinarmik piqaqtugut mikiyunut umianut uhiiyarvikhat avikturniani piqaqtuq takinikhamik tariup hinanik nunaini Kanatami. Iniqtaukpat, hamna mikiyunut umianut uhiiyarvikhat ikayuutauniaqtuq qayangnaitkutikhanik umianut Mittimatalingmi amihuniklu maniliurutikhanik ikayuutiqaqluni. Havaqatigihimmaarumayavut Kanatap Kavamangat hanaluta umianut uhiyarvikhanik allani nunalaani."

Nan'ngariyauyuq Monica Ell
Nunavutip Minista Pivalliayuliqiyikkut Ingilrayuliqiyitkullu

Atuqtauyukhat Takuyakturviit

Ayuikyumiyumagut talvuuna Nutaamik Hananiq Kanatami Maniit –Qablunaat Nunangannit/Avikturhimayumit Aullapkaidjutikhanginut Ilauyut – Nunaryuami Avikturniini Havaakhanik, takulugu una http://www.infrastructure.gc.ca/plan/nrp-pnr-prog-eng.html.

For additional information on the Nutaamik Hananiq Kanatami Upalungaiyautit, visit http://www.infrastructure.gc.ca/plan/nbcp-npcc-eng.html.

Ayuikyumiyumagut talvuuna Kavamangat Kanatap ihumagivaktait havaakhat maniliurutikhainiklu takulugu Kanatap Maniliurahuarnirmik Upallungaiyautighanut Pangnautitat http://www.budget.gc.ca/2015/home-accueil-eng.html.

-30-

Uqaqvikhatit

Vincent Rabault
Tuhaqtitiyunut Titiraqti
Havagviat Ministap Aullapkaidjutikhanginut, Nunallaat ukuatlu Kavamaliqiyikkut unalu
Ministanga Pivalliayuliqiyikkut Havagviit Kanatami Avikturniinut Quebecmi
613-943-1838

Matthew Illaszewicz
Atan'nguyaq, Tuhaqtitauyukhanik
Havagvianit Pivalliayuliqiyikkut Ingilrayuliqiyitkullu
867-975-7818
MIllaszewicz@GOV.NU.CA

Aullapkaidjutikhanginut Kanatami
613-960-9251
Akiittuq: 1-877-250-7154
media@infc.gc.ca
Malikluta umani Twitter talvani https://twitter.com/infc_eng