Havaktingit

You are here

Nutaat Akhaluutituqtut Laisiit Piksalu Naunaitkutaq

Tissaipa 10, 2008

IQALUIT, Nunavut (Tissaipa 10, 2008) – Hivuliqti Eva Aariak unalu Peter Taptuna,

Nunavutim Ministaa Piangaiyarniarnirmut Ingilrayuliqiyitkunnullu, uplumi uqaqtuk

nuipkainirmik nutaanik akhaluutituqtut laisikhainnik piksallu naunaitkutat piutikhait

Nunavunmiut.



Nutaak pihimaykhak atuqtauniaqtuk qayangnaqtumi piyaangani ilalgit nalliriyait

Kanatami hilaryuamilu atuliqpagainnut. Atuqtaunnginnarialgillu quyaginnaq North

Amialikami.



“Taapkuak akhaluutituqtut laisiit piksallu naunaitkutak aatjikkutaqanngittuk aallallu

atulaittaakhugik, talvalu Nunavunmiut ihumaalugiyakhaiqtut aullaaliraangamik ukua

tigummiyatik nakuugiyaunnginnarniaqtuk,” Hivuliqti Aariak uqaqtuq.



Nutaak pihimaykhak hanyahimayuk atuqhutik nutaamik hanatjutimik

ikayuqtauniaqtumik piyauhimalunilu tamainni 25nit nunallaanit akhaluutituqtut

laisiliqiyiinnit akhaluutiniklu laisiliqiyinit. Akitturunaittut akiliqtakhat huli laisinut una

atuqtakhaq iniqtiqtautillugu.



“Taapkua utuqqat akhaluutituqtut laisiit piksallu naunaitkutat

aturuiquyauyunaitkaluarlutik malruuk ukiuk naatpanik kihimi, aklhaluutituyuktut laisitik

kiglikhaat nungulvikhaqaqqata 90ni upluni takuyaqtuqtakharaluangit havakviit

piyaqturahuarlutik nutaanik tahapkuninnga,” uqaturlu Minista Taptuna.



“Tamaita Nunavummiut ukiulgit 12nik avatqulluguluunniit pihimayukhat nakuuyunik

naunaitkutanik tingmiakkut aullarahuarumik, talvalu akhaluutituyuitpat inuk piksamik

naunaitkutamik piuykhaugaluaq.”



Nutaak akhaluutituqtut laisia piksalu naunaitkutaq tajta piyaulaaqtuk Uqhuqtuumit,

Iqalungnit, Kangiqlinirmit Pangniqtuumillu. Piyaunnginnarialaqiniaqtut tamainni

nunallaani nungutpat Maassi 2009.



-30-



Hivayarlugu:

Matthew Illaszewicz

Atan’nguyaq, Tuhaqtakhaliqiyit

Piangaiyarniarnirmut Ingilrayuliqiyitkunnullu

867-975-7818

millaszewicz@gov.nu.ca