Havaktingit

You are here

Nutaat maniliqtuutikhat aquinirnun pitquhikkullu havaktauyukhanun

Julai 23, 2015

Tuhaqtitauyukhaq Tuhaqtitauhainnaqtukhaq

Nutaat maniliqtuutikhat aquinirnun pitquhikkullu havaktauyukhanun

IQALUIT, Nunavut (July 23, 2015) – Nunavunmiut, Nunavunmi timiqutiit nanminiriyauyullu havakviit tatja uuktuqtaaliqtut aquinirnun pitquhikkullu havaktauyukhanun uvuuna Pivalliayuliqiyikkut Ingilrayuliqiyitkullu (EDT) nutaaq Nunallaani Aquinikkut Pitquhikkullu Havagutainni Pinahuarutimi.

Pinahuaruti hakugikhaqpaktait nunallaani aulapkaitjutik upalungaiyaqtipkarhugillu aquiyunun, pimmarigharhugillu piangaiyarnikkut pivallialiurutikhanik tuharnaarnaaqtuni havakvikni imaatut huqullaarnikkut, qaritauyakkut qanuriliurutini, titirarnikkut qunngiaqtipkainikkullu.

"Nunallaani Aquinikkut Pitquhikkullu Havagutainni Pinahuaruti nakuuyuq naunaitkutauyuq qanuqtun Nunavut Kavamatkut ikayuqtuq hakugikharnikkut piangaiyarnikkut naunirnik tamaani Nunavunmi," uqaqtuq Monica Ell, Minista Pivalliayuliqiyikkut Ingilrayuliqiyikkullu. "Ikayurumayavut piangaiyarnikkut pivallialiuqniit piniarhimayauyut uvani Sivumut Abluqta maniliqtuinikkut Nunavutip alianaqtuni hanauyinikkut aquinikkullu havakviinni."

Aullaaqtipkaiyiit, aquinikkut havakviit, havakviit, hanauyinikkut timiqutiit, anguniaqtiit naniriaqtiillu timiqutiit, hanauyaqtiit, katimaviit hanauyinikkulluunniit co-op-nguyut nunallaanilu kavamauyut uuktuqtaaqtut maniliqtuutikhanun. Hivulliutipkarniaqtait ataani hapkunani pingahuni maniliqtuutikhanik tuniyauniaqtut timiqutinun pihimahimaittut maniliqtuutikhanik EDT-kunnin.

Nunallaani Aquinikkut Pitquhikkullu Havagutainni Pinahuaruti piqaqtuq pingahunik qanurittunik:

  •  nunallaani aquinikkut havaktauyukhat (Naunaitkutaq A)
  •  pitquhikkut aquinikkut havaktauyukhat (Naunaitkutaq B)
  •  pitquhikkut havakviinni havaktauyukhat (Naunaitkutaq C)

Aallanik ilitturipkaitjutinik uumuuna Nunallaani Aquinikkut Pitquhikkullu Havagutainni Pinahuarutimi, uukturiamilu maniliqtuutikhanik, takulugu www.gov.nu.ca/edt/programs-services/community-tourism-and-cultural-indus....

###

Tuhaqtipkainikkut Uqaqatigivikhaq:
Matthew Illaszewicz
Atannguyaq, Tuhaqtipkainikkut
Pivalliayuliqiyikkut Ingilrayuliqiyitkullu
867-975-7818
millaszewicz@gov.nu.ca