Havaktingit

You are here

TUHAQTITAUYUKHAQ – Auladjutikhani Ujaraghiurnikkullu Ministainni Angiqatigiiktut taimaa Ihuaqhailutik Akiraqtuidjutikhat Avatilirinirmut Nungulaininnga Ihumagiyauttiariaqaqtut Hivunikhami Pivalliadjutikhangit Nunamiittutuqat Piqutit

Niqiliqivik 14, 2018

TUHAQTITAUYUKHAQ – Auladjutikhani Ujaraghiurnikkullu Ministainni Angiqatigiiktut taimaa Ihuaqhailutik Akiraqtuidjutikhat Avatilirinirmut Nungulaininnga Ihumagiyauttiariaqaqtut Hivunikhami Pivalliadjutikhangit Nunamiittutuqat Piqutit

Niqiliqivik 14, 2018 — Iqaluit, Nunavut

Iniqtiuta aipparurangat pingahuni ubluni Auladjutikhani Ujaraghiurnikkullu Ministait Katimaniq (EMMC), katimapkaiyut Nunavunmiut, Kanadap auladjutikhani ujaraghiurnikkullu Ministait angiqatigiiktut atauhirmik tikinnahuaqtakhamik amigaigyuumitjutikhanik Kanatami akiraqtuiyumayunut umani auladjutikhani ujaraghiurnikkullu havagvingni ayuqhautaitunik ihuatqiyaniklu maniliqtuiniq, aulahimmarnikhainut niuvvanikkut aallatqiingniqarniit, ihuaqhiyuumiutikhainut ihuaqtumik inirnariqpaktukhauyut munarinirmut atuqtakhaliurutikhainik. Talvunga nunnguanut, Kavamatuqangat Kanadap havaqatigihimmarniaqtait aviktuqhimayuni avikturviinnillu, havaqattiklu naunaiyailutik ihuaqtumik munariyauyuq ihivriuqhitjutikhangit ihuaqutihainik maniliurutikhanut akiraqtuinikkut naunaitkutikhaanik aularanginnaqtumik avatiliqinikkut.

Maniliurutikhanik 17 pusantinganik Kanadap GDP, 47 pusantinga Kanadap tamayat aullaqtihimayait piqaqtitiyut avatqumayumik imatut 1.8 million havaakhanik 2017-mi, nunamiittutuqat piqarnit havagvikgivagainnik ilauliktut piqautikhainik hivuniqpani. Piliurumik nutaanguqtiqhimayunik nutaanguqtiutikhanik, Kanadap ikayuutingit havagvingit hivuliqtuihimmanginarniaqtut halumayumik maniliurutikhanik ikayuutikhaniklu nunaryuap akiraqtuinikkut. Nakuukpiaktumik Kanadian havagvigyuangit ukuallu Kanadap ikayuutikhangit ayuqhautauyunut hilaup aallanguqtirninganut ihuaqhaitjutikhat naunaiqtauhimayut avaktikput maniliurutikhallu ikayuqtiriiktuuk.

Katimayut pitjutigiplugu Atadjutikhait Nunallaat Piqutinun Atuqtakhanut, Nunaqaqqaaqtut hivuliqtiit havagviit katimayiingit katimaqatigiyait ministait uqautigiplugit qaffiyut ayuqhautauvaktut; ilauyut: havaariyakhaa aulatjutikhainik ujaraghiurnikkullu pivalliatjutikhangit angiglivalliadjutingit maniliurutikhat; anginiqaqturlu akiraqtuiniq nunamittutuqat piqarnit; anginiqhaungmat kitunik atuqtaulluaktukhat; ihariahutat kitkunik atuqtaulluaktukhat aullapkaitjutinginni pivalliadjutikhanik Kanadaup nunamiittutuqat piqutit aullapkaitjutinginni pivalliatjutikhainik Ukiuqtaqtumi nunamittutuqat piqarnit hivituyumun maniliurnikkut hivunikhamingnik; havaqatigiingnikkut ilaupkaitjutikhainik Nunqaqqaaqtut inuit umani nunamittutuqat piqarnit maniliurutikhat. Katimaqatauyut tuniyauhimayut naunaitkutakhamik Kanadap aulatjutikhainik ujaraghiurnikkullu havagvingit, hivulliqpamiklu uuktuutuyut ihumagiyauyukhat atani Atuqtakhat Hivuniptingni Maniliurutikhanut Qanuriliurutikhat Naunaitkutit.
Ministait piyukhauyut qiniqhialutik aallanik pivikhainik kavamatuqatkut, avikturhimanirni ukiuqtaqtunilu havaqatigiigutikhainik hivumuuqtitpaliadjutihainiklu niuvvanikkut takuyumayainik, angmautikhaniklu nutaaq niuvvavikhainik nunamittutuqat piqarnit, hamuuna Kanadap nutaanguqtiutikhanik nutaanguqtiqhimayunik, ilauyullu nunaryuami katimavikhainik. Nunaryuamut, hanayauhimayut Kanadami “qanurinnigit” kivgaqtuqtauyuq atuqtaugiaqaqtun pivalliadjutikharnik, ihuaqutikhainik akiraqtuinikkut pidjutikhavut.

Ministait uqautigiyallu aulaniriyanik uukturumayainik atani Kanatamiutat Auladjutikhanik Qanuriliurutikhat Canadian tamnalu Havaqatigiiktut Kanatami Tunngavik uumuuna Halumayuq
Naupkainiq unalu Hilaup Aallangurninnga. Pittiarahuaqhugu havaangit munariyakhangillukavamauyut, havaqatigiikhutik ihumagiplugit aulatjutikhait ikumadjutit nakuuyumik havaakhat taimaitut ihuaqhittiarlugu unalu ihuaqtut piyakhatlu ukunani aulayunnautiit ikayuutauninngani naunaitkutingit tamayanginnik hanalrutikhanginniklu, angiqtauningit ayurnatqiyaulluaqtumik igluqpait naunaitkutat, unalu nalunaitpaligutikhat aulatjutikhait atuqtauyut titiraliqtuitjutikhainik igluqpait, iglukhat havagviuyullu. Ikayuutauvaktuq havaakhanut ihuaqhautikhainik alruyaktuutikhanut aulapkaidjutikhanik Kanatami nutannguqtirutikhanik, ikikliyuumirumitku aturnikhanik uqhuryuaqtuqtuinnarnik pauwaliurutikhanut ingniqutit ukiuqtaqtumi, ungahiktunilu nunallaani, angitqiyaniklu pivalliatjutikhainik angiqtauningit halumayunik nutaanguqtiqhimayunik nutaanguqtiutikhanik. Ministait tuniyauhimayut hivunikhaliurutikhanik ihuaqtumik pivallaarniqangittunik avatimut auladjutikhani hivunikhanik ilauhimayunit tapkunanga Piliurninga Aulatjutikhainik Katimayingit.

Ministait naunaiqhiyut akhuurninnga tatja kavamatuqatkut, aviktuqhimayuni avikturviinnilu ikayuqatigiiktut tamainut aulatjutikhait aulatjutikhainik ujaraghiurnikkullu havagvingit. Hamna ilauyut uuktuutikhangillu hivumuuqpalliatjutikhainik Nunqaqqaaqtut havaqatigiiktukhat, nutannguqtiutikhanik, itqumayut unalu inungnit naunaiyainiq, aulapkaidjutikhanik pivalliatjutikhat, ilauyullu angiglivalliatjutikhat unalu nunaryuami ikayuqtirigutikhat. Talvuuna nalaktiit uqaqqatigiyait Nunaqaqqaaqtut hivuliqtiillu, arnat nunamittutuqat piqarnit havagviuyuni, aallallu ayuitturaliit, Ministait akhuurutigiplugu ihumaliurutikhangit Kanadianmiut pivalliadjutikhaitigut aulapkaidjutikhanullu nunamittutuqat piqarnit.

Ilauyukharlu, Ministait uqautigiyat takuyumayamingnik titirattiaqhimayumik hivuniurutikhanik pivalliadjutikhainik Kanadian Havivaluit Ujaraktaakhalu Parnautit (CMMP) – taulaaqtirvikhani atulihaliqqat 2019 naunaiyaqhimayainik ilaupkaidjutikhanik qauyihattiaqtauhimayullu. Pittiarahuaqhugit havaktakhainut havaariyakhainullu havagvingit kavamatkut hivulliutiyakhangillu, tamna Parnautikhaq ikayuutikhaliuqtauhimayuq akiraqtiuinikkut aularanginaqtunik havivaluit ujaraktaakhalu havagviuyut akhuurutiqaqtut idjuhiinik ublumi maniliurutikhanginik hivunirmillu, ilitariplugit aviktuqhimayunni hakugingningni, ihuaqutikhainik Nunqaqqaaqtut ilaudjutikhainik, imatullu pihimalugulu Kanada hivulliuyuq ujarakhiurnikkut nunangat.

Ilauqhimarutikhanik EMMC 2017, Ministait uqautigiyait aturumayauyut anginiqaqtut aallanguqtirlugillu Kanadap auladjutikhani ujaraghiurnikkullu niuvvayiuyut ukuallu tatja ayuqhautigivaktait Kanadap–U.S. uqhuryuanik avatingnut niuvvatjutait havaakhat maniliurutikharniklu angikliyumirutikharnik. Piniaqhimayullu qiniqhiaffarumplutik opportunities for aviktuqhimayuni avikturviinnillu havaqatigingnirmut nunaryuat uqaqatigiikpata havaakhanik pidjutigiplugit auladjutikhani ujaraghiurnikkullu.

Ministait quyagiyait Nan'ngariyauyuq Minista David Akeeagok, Nan'ngariyauyuq Minista Jeannie Hakongak Ehaloak inungitlu Nunavutim tun'ngahuktititjutanut nakuukpiaktumiklu katimaryuarmata.
Atadjutikhait Nunallaat Piqutinun hanayauhimayunut Kanadap akiraqtuinikkut pidjutikhavut avatilirinirmut nungulaininnga, ihumagiyumayat Kanadap auladjutikhani ujaraghiurnikkullu ministait havakhimmaaktitlutik talvunga 2019 EMMC British Columbia-mi.

Titiraqtauhimayut:

“Nunaryuami amigaigyuiyut qiniqhiayut aularanginaqtunik havaktauhimayunik atuqtakhanik, talvangaluuniit havivaluit ujaraktaakhalu uvaluuniit aulatjutikhait, Kanadami aadjikkutaittuq. Nunaryuami piumayut aulatjutikhainik pivalliatjutikhat atuqtakhat angiglivalliatjutikhainik, Kanada akhuuqhimmaaktukhauyuq ihuaqqutikhat akiraqtuiyumayunut nunaryuami niuvvadjutikhat."
Amarjeet Sohi
Kanadap Minista Nunamittutuqat Piqarnit

"Nunavut amigaittumik piqaqtuq nauttaaqtunik nautqilimaittullu nalvaaqtauhunnguyut nunguttaaqtullu, kihimi, Ukiuqtaqtumi avatinga qayagiyauyukhaq pittaaqturlu hilaup aallangurninnganut. Kavamatkut tamaini havaakhanik ilauyariaqaqtut munaqhiqatigiiktukhaniklu atuqtakhaliurutikhanik, piyangini nunakput qayangnaikhimayangani hivunikhangit taima aulayukharnik. Inuit ukiuqtaqtumi, ungahiktunilu nunallaani tamaini Kanatami ikayuqtauhunguyut inuuhinut-piyangaiyautikkut pitjutainik munariyauhimaaqtun, atuqtaugiaqaqtun hanaqidjutikhangit pivalliadjutikharnik."

David Akeeagok
Nunavut Kavamangat (GN), Pivalliayuliqiyitkut Ingilrayuliqiyitkunullu

“Hakugiktut hivulliqtiunikkut takupkaiyut upautihimayut katimayaqtuqhimayullu uuktuquplugit pinahuarutikhainik Havaqatigiiktut Kanatami Tunngavik uumuuna Halumayuq Naupkainiq unalu Hilaup Aallangurninnga. Pipkainikkut tutqiktunik, nunuaryuami uuktuutikhainik ihuaqtunik ukiuqtaqtumi, ungahiktuni inuqqukittuni nunani aulapkaidjutikhanik ayuqhautauvaktunik tamaini Kanadami Nunavunmillu havaktauyukharnun iniqtirutingnun."

Jeannie Ehaloak
Minista Munariyalik Qulliq Alruyaqtuqtunik Ikumadjutiit, Kavamangat Nunavut

Angiqatigiiktut tamainnit katimayaqtuqhimayunit ilaungittuk Kavamangat Ontario ukuallu Saskatchewan.

-30-

Tuhaumapkainikkut:

Nunamiittutuqat Piqutit Kanadami
Ottawa
343-292-6100
NRCan.media_relations-media_relations.RNCan@canada.ca

Alexandre Deslongchamps
Aulapkaiyi Tuhaqtipkainirmut
Havagvia Ministaup Nunamittutuqat Piqarnit
343-998-1533
Alexandre.Deslongchamps@canada.ca

Mackenzie Radan
Taigualiuqtiinni Titiraqtia
Havagvia Ministaup Nunamittutuqat Piqarnit
613-462-7117
Mackenzie.Radan@canada.ca

Matthew Illaszewicz
Atanguyaq Tuhaqtidjutinun
Pivalliayuliqiyikkut Ingilrayuliqiyitkullu Havagvia
867-975-7818
millaszewicz@gov.nu.ca