ᐅᖃᓚᐅᑎᓯᐅᑏᑦ

You are here

ᐃᓕᓐᓂᐊᕐᓂᓕᕆᔨᒃᑯᑦ

ᑐᙵᓱᒋᑦ ᐃᓕᓐᓂᐊᕐᓂᓕᕆᔨᒃᑯᑦ ᖃᕆᓴᐅᔭᑎᒍᑦ ᑐᕌᕈᑎᖓᓄᑦ

ᓂᕆᐅᒋᔭᐅᔪᑦ ᑎᓕᓯᔾᔪᑕᐅᓯᒪᔪᓪᓗ

ᓂᕆᐅᒋᔭᐅᔪᑦ

ᓂᕆᐅᒋᔭᕗᑦ ᐅᓄᕐᓂᖅᓴᓂᑦ ᐃᓕᓐᓂᐊᑦᑎᐊᖅᓯᒪᔪᓂᒃ ᐊᒻᒪᓗ ᓇᖕᒥᓂᖅᓱᕈᓐᓇᖅᑐᓂᑦ ᓄᓇᕗᒻᒥᐅᓂᑦ. ᑐᕌᒐᕆᔭᕗᑦ ᖁᑦᑎᖕᓂᖅᓴᓂᒥᒃ ᐃᓕᓐᓂᐊᕐᕕᖕᒥᑦ ᐃᓱᓕᑦᑎᔪᑦ ᐅᓄᕐᓂᖏᑦ ᓇᓕᒧᓐᓂᖃᕐᓗᑎᒃ ᑲᓇᑕᒥᐅᓄᑦ ᐊᒻᒪᓗ ᐅᓄᕐᓂᖅᓴᑦ ᓄᓇᕗᒻᒥᐅᑦ ᒪᒃᑯᒃᑐᑦ ᐃᓱᓕᑦᑎᓗᑎᒃ ᖁᑦᑎᖕᓂᖅᓴᒥ ᐃᓕᓐᓂᐊᕐᕕᖕᒥ, ᓯᓚᑦᑐᖅᓴᕐᕕᖕᒥ ᓯᓚᑦᑐᖅᓴᕐᕕᒡᔪᐊᒥᓘᓐᓃᑦ, ᐊᒻᒪᓗ ᐊᔾᔨᒋᓗᓂᒋᑦ ᐱᔪᓐᓇᕐᓂᖏᑦ, ᖃᐅᔨᒪᓂᖏᑦ ᐊᒻᒪᓗ ᐊᔪᖖᒋᓐᓂᖏᑦ ᐱᔭᕇᖅᓯᓯᒪᓗᑎᒃ ᓇᓂᑐᐃᓐᓇᖅ ᑲᓇᑕᒥ.

ᓂᕆᐅᒋᕙᕗᑦ ᐅᓄᕐᓂᕐᓴᑦ ᓄᓇᕗᒻᒥᐅᑦ ᐃᖅᑲᓇᐃᔭᕐᓗᑎᒃ ᐱᔪᓐᓇᖅᑑᓗᑎᒃ ᐱᒡᒍᔪᑎᑐᑦ ᐊᒻᒪᓗ ᐱᓕᒻᒪᒃᓯᒪᔪᓂᑦ ᓴᓇᔨᓪᓚᕆᖕᓂᑦ ᐃᖅᑲᓇᐃᔭᖅᑐᑦ ᑭᒃᑯᑐᐃᓐᓇᕐᓄᑦ ᐃᖅᑲᓇᐃᔭᕐᕕᖕᓂ, ᐅᔭᕋᖕᓂᐊᕐᕕᖕᓂ ᐊᒻᒪᓗ ᐃᖃᓗᒐᓱᒃᑎᐅᓂᕐᒥ ᐊᒻᒪᓗ ᒥᑭᓐᓂᖅᓴᓄᑦ ᐱᓂᓯᖃᕐᕕᖕᓄᑦ ᓲᕐᓗ ᓴᓇᕈᓘᔭᖅᑏᑦ ᐊᒻᒪ ᐳᓚᕋᖅᑐᓕᕆᓂᖅ ᓄᓇᕗᒻᒥ.

ᐱᔪᒪᔪᒍᑦ ᒪᕐᕉᖕᓂᒃ ᐅᖃᐅᓯᓕᖕᓄᑦ ᐃᓄᒃᑐᑦ ᐅᖃᓪᓚᓲᓂᒃ ᐃᓕᓴᐃᔨᓂᑦ ᐃᑲᔪᕋᖅᑐᓂᑦ ᒪᕐᕉᖕᓂᒃ ᐅᖃᐅᓯᖃᕐᓂᕐᒥ ᐃᓕᓐᓂᐊᖅᑎᖁᑎᑦᑎᓐᓄᑦ. ᒪᕐᕉᖕᓂᒃ ᐅᖃᐅᓯᖃᕐᓂᕐᒥ ᐃᓕᓐᓂᐊᕐᓂᖅ ᐱᑎᑦᑎᓲᖑᖕᒪᑦ ᐊᓐᓇᐅᒪᓂᕐᒥᑦ, ᐊᑐᕐᓂᖅ ᐊᒻᒪᓗ ᖁᕝᕙᓯᒡᓕᒋᐊᖅᑎᑦᑎᓂᕐᒥᑦ ᐃᓄᒃᑐᑦ ᐊᒻᒪ ᐃᑲᔪᕐᖢᓂ ᓄᓇᕗᒻᒥᐅᓂᑦ ᐱᔨᑦᑎᕋᖅᑕᐅᔪᓐᓇᕐᓂᕐᒥᑦ ᐅᖃᐅᓯᑦᑎᒍᑦ. 

 

ᑎᓕᓯᔾᔪᑕᐅᓯᒪᔪᑦ

ᑎᓕᔭᐅᓯᒪᒐᑦᑕ ᓂᕈᐊᖅᑕᐅᓯᒪᔪᒧᑦ ᑕᐃᕕᑎ ᔪᐊᓇᓯᒧᑦ ᒥᓂᔅᑕ ᐃᓕᓐᓂᐊᖅᑐᓕᕆᔨᑯᓐᓄᑦ ᐋᖅᑭᒃᓯᓂᕐᒥᑦ ᖃᓄᐃᖖᖏᑦᑎᐊᕐᑐᒥᑦ, ᓴᖖᒋᔪᒥᒃ, ᐊᒻᒪᓗ ᐆᒻᒪᕆᒃᑐᒥᑦ ᓄᓇᕗᒻᒥ. ᐃᓕᓐᓂᐊᕐᓂᖅ ᒪᑐᐃᖅᓯᓂᐅᖕᒪᑦ ᑲᔪᓯᑦᑎᐊᕐᓂᕐᒧᑦ. ᑐᓂᓯᒪᕗᒍᑦ ᐱᓕᕆᔭᕆᐊᒃᓴᖅ ᓯᕗᒻᒧᐊᒃᑎᑦᑎᓂᐊᕐᑐᒥᑦ ᐱᓪᓚᑦᑖᒧᑦ ᐊᒻᒪᓗ ᓴᖅᑭᔮᖅᑐᒃᑯᑦ ᐊᑑᑎᔪᓂᒃ ᓄᓇᕗᒻᒥᐅᓄᑦ ᓴᖅᑮᓗᑕ ᐊᒥᒐᖖᒋᑦᑐᓂᒃ ᐃᓕᓐᐊᕐᓂᕐᓂᑦ ᐊᒻᒪᓗ ᐱᓕᒻᒪᒃᓴᓂᕐᒥᒃ ᐱᕕᒃᓴᐅᔪᓂᑦ. ᑐᕌᒐᕆᔭᕗᑦ ᓴᖅᑮᓂᕐᒥᑦ ᓇᖕᒥᓂᖅᓯᕈᓐᓇᕐᓂᕐᒥᑦ ᐊᒻᒪᓗ ᐃᖅᑲᓇᐃᔭᖅᑐᑦ ᐃᑲᔪᕐᓗᑕ ᑲᒪᑦᑎᐊᕐᓂᕐᒥᑦ ᐃᓕᑦᑎᕙᓪᓕᐊᓂᕐᒧᑦ ᐊᕙᑎᓕᖕᒥᑦ ᐱᔪᒪᓕᖅᑎᑦᑎᓲᖅ ᖁᕝᕙᓯᖕᓂᖅᓴᒥᑦ ᑲᔪᓯᑦᑎᐊᕐᓂᕐᒥᑦ, ᑎᒍᒥᐊᖅᑕᐅᓗᓂ ᐃᓄᐃᑦ ᐃᓕᖅᑯᓯᑐᖃᖏᑎᒍᑦ ᐊᒻᒪᓗ ᐱᒻᒪᕆᐅᒋᔭᖏᓐᓄᑦ.

ᓄᓇᕗᑦ ᒐᕙᒪᖓ ᐱᕙᓪᓕᐊᔪᓕᕆᕝᕕᒃ

ᕕᕝᕗᐊᓕ 19, 2020
ᐃᓕᓐᓂᐊᕐᓂᓕᕆᔨᒃᑯᑦ ᓄᓇᕗᒻᒥᐅᓂᒃ ᐊᐅᐸᔪᒃᑐᒥᑦ ᐊᑐᖁᔨᓛᖅᐳᑦ ᐱᖓᔪᐊᖑᓕᖅᐸᑦ, ᕕᕝᕗᐊᕆ 26−ᒥᑦ, ᐊᐅᐸᔪᒃᑑᑉ ᐅᓪᓗᖓᓂ ᐃᑲᔪᖅᑐᐃᓗᑎᒃ.
ᔭᓐᓄᐊᓕ 30, 2020
ᐃᓕᓐᓂᐊᖅᑐᓕᕆᔨᒃᑯᑦ ᕿᓂᖅᐳᑦ ᒪᒃᑯᒃᑐᓂ ᐅᑭᐅᓕᖕᓂᑦ 13−ᒥᑦ 18−ᒧᑦ ᐊᒻᒪ ᓯᓚᑦᑐᖅᓴᕐᕕᖕᒥᑦ ᐃᓕᓐᓂᐊᖅᑐᓂ ᐱᓇᓱᐊᖁᔨᕗᑦ ᖃᐅᔨᓴᕈᓐᓇᕐᓂᕐᒧᑦ.
ᔭᓐᓄᐊᓕ 17, 2020
ᓄᓇᕗᑦ ᒐᕙᒪᖓ ᑐᑭᓯᔪᒪᒐᓗᐊᕐᒪᑕ ᖃᓄᖅ ᓄᑖᙳᕆᐊᖅᑎᑦᑎᓂᖅ ᐃᓚᔭᐅᓂᖓᓗ ᓴᒃᑯ ᐃᓕᓐᓂᐊᕐᕕᖓ ᓴᓪᓕᕐᓂ ᐃᓱᒪᒋᔭᐅᖕᒪᖔᖅ.
ᐊᒃᑐᐸ 31, 2019
ᖁᕕᐊᒋᔭᖃᓪᓚᕆᒃᐲᑦ ᐱᐅᓯᒋᐊᕐᑎᑦᑎᓂᕐᒥᑦ ᐃᓕᓐᓂᐊᕐᓂᓕᕆᓂᕐᒧᑦ ᓄᓇᕗᒻᒥᑦ? ᓯᕗᓕᖅᑎᐅᔪᒪᓇᔭᖅᐲᑦ ᓄᓇᓕᖕᓂᑦ, ᑭᒡᒐᖅᑐᕐᓗᒋᑦ ᐃᓕᓐᓂᐊᖅᑏᑦ, ᐊᖓᔪᖄᑦ,...
ᓯᑎᐱᕆ 12, 2019
ᐊᓯᔾᔨᖅᑕᐅᔪᒪᔪᓂᑦ ᐱᖁᔭᒃᓴᖅ 25−ᒦᑦᑐᑦ ᖃᓄᖅ ᐊᒃᑐᐃᓂᐊᕐᒪᖔᑦ ᐃᓕᓐᓂᐊᖅᑐᓕᕆᔾᔪᑎᒥᑦ ᖃᐅᔨᔪᒪᕖᑦ?
ᓯᑎᐱᕆ 10, 2019
ᓯᕗᓪᓕᐹᒥᑦ ᐱᓕᕆᐊᖑᕙᓪᓕᐊᔪᒪᔪᑦ ᐊᕐᕌᒍᓄᑦ ᖁᓕᓄᑦ (10) ᑲᑐᔾᔨᖃᑎᒌᖕᓂᒃᑯᑦ ᐱᓕᕆᖃᑎᒌᖕᓂᖅ ᑲᑐᔾᔨᓗᑎᒃ ᓄᓇᕗᒻᒥᑦ ᓯᓚᑦᑐᓴᕐᕕᒃᑯᑦ ᐊᒻᒪᓗ...

ᐊᒡᒋᖅᐸᓪᓕᐊᔪᑦ

ᐱᓕᕆᐊᒃᓴᓂᒃ ᐊᑐᐃᓐᓇᖅᑕᖃᙱᑦᑐᖅ

Quicklinks - Education IU